Osiyo kubogining "A" guruhidan o‘rin olgan jamoalar 3-tur bahslarini o‘tkazishdi.
Mezbon Qatar Xitoyga qarshi maydonga chiqib, kichik hisobda g‘alaba qozondi. Natijada Qatar 9 ochko jamg‘argan bo‘lsa, xitoylik katta ehtimol bilan uyga qaytishadi.
Tojikiston-Livan o‘yini esa hissiyotlarga boy bo‘ldi. Ikkinchi bo‘lim boshida Bassel Jradiy ajoyib zarba bilan livanliklarni oldinga olib chiqdi. Livan futbolchisi Qossim az-Zayn qo‘pol harakati uchun maydondan chetlatildi.
Qo‘shnilarimiz 80-daqiqada Umarboyev tomonidan jarimadan yo‘llangan zarba natijasida hisobni tenglashtirishgan bo‘lsa, ikkinchi bo‘limga qo‘shib berilgan 2-daqiqada Nuriddin Hamroqulov bosh bilanraqib darvozasini ishg‘ol qildi.
Hakam ikkinchi bo‘limga naq 16 daqiqa qo‘shib berdi. Livan bir kishi kam bo‘lib o‘ynashiga qaramay, oldinga tashlandi. Ular bir nechta vaziyatlarga ega bo‘lishdi, ammo ulardan foydalana olishmadi. Tojikiston ham imkoniyatlarni ko‘kka sovurdi.
Yakunda esa Tojikiston muhim g‘alabani qo‘lga kiritdi va Osiyo kubogidagi debyut ishtirokida pley-offga chiqdi — 4 ochko, 2-o‘rin. Qo‘shnilarimiz nimchorak finalda, ko‘p ehtimol bilan, "S" guruhida 2-o‘rinni egallaydigan BAA (yoki Eron) bilan to‘qnash keladi.
Osiyo kubogi, "A" guruhi, 3-tur
Tojikiston – Livan 2:1 (0:0, 2:1)
Gollar: 0:1 – 47 Jradiy, 1:1 – 80 Umarboyev, 2:1 – 90 Hamroqulov.
Tojikiston – Yatimov, Safarov, Hanonov, Jo‘raboyev, Nazarov (Davlatmir, 90), Panjshanbe, Umarboyev, Shukurov (Muhammadjon, 72), Jalilov (Xayloyev, 88), Mabatshoyev (Hamroqulov, 72), Soirov (Samiyev, 72).
Livan – Matar, Az-Zayn, Xamis, Az-Zayn, Melkiy, Nassar (Laxud, 82), Jradiy (Bitar, 82), Srour, Tnesh (Haydar, 82), Maatuk (Shour, 58), Bugiel (El-Xelve, 67).
Ogohlantirishlar: Jo‘raboyev (27), Matar (77), Az-Zayn (90), Panjshanbe (90), Xayloyev (90).
Chetlatish: Az-Zeyn (56).
Qatar – Xitoy 1:0 (0:0, 1:0)
Gol: 1:0 – 66 Al-Haydos.
Qatar – Ash-SHiyb (Zakariya, 46; Barsham, 63), Ar-Roviy, Xuxiy, Ali, Al-Brake, Xatem (Jobir, 46), Assadalloh, Toriq (Al-Haydos, 64), Abdurizag (Afif, 64), Alaa (Al-Janhiy, 46), Munir.
Xitoy – Yan Szyunlin, Chjan Linpen, Brauning, Chju Chensze, Lyu Yan, U Si (Syuy Sin, 67), Van Shan’yuan (Szyan Shenlun, 85), Lyu Binbin (Se Penfey, 46), Vey Shixao (U Ley, 67), Chjan Yuynin, Lin Lyanmin (Lon Tan, 75).
Ogohlantirishlar: Ar-Roviy (70), Munir (80), Al-Janhiy (88).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
