Yurgen Kloppning yaqinda bergan bayonoti butun futbol ommasini hayron qoldirdi. Nemis mutaxassisi mavsum oxirida "Liverpul"ni tark etadigan bo‘ldi. Klopp dam olishi kerakligi, ortiq jamoani boshqarishga kuchi qolmaganini, qarorining asosiy sababi sifatida ko‘rsatdi. Tabiiy ravishda, endi Klopp ortida ravona bo‘ladigan futbolchilar haqida ham so‘z yuritish boshlanadi. Quyida shu haqida bilib olasiz.
Virjil Van Deyk
Van Deyk o‘z kelajagini Klopp bilan bog‘liq ekani haqida fikr bildirgan edi. Undan Klopp ortidan ketishi haqida so‘ralganda, himoyachi shunday javob qiladi: "Bu katta masala. Biror narsa deya olmayman. Klub qo‘lida ko‘p narsani yangilash uchun resurslar mavjud. Men esa Klopp davrining bir qismi ekanimdan faqat faxr tuyg‘usini tuyaman. Hozir kelajak haqida gapirish mavridi emas. Negaki, uni hech kim oldindan ayta olmaydi".
Muhammad Saloh
"Liverpul"ning eng katta yulduzi bo‘lgan Saloh Klopp ortidan ravona bo‘lishi mumkin bo‘lganlarning yana biridir. Misrlik xizmatlariga o‘tgan yili Saudiya klublari 150 million funt taklif qilgan edi. 31 yoshli futbolchi uchun o‘rinbosar qidirish ishlari allaqachon boshlanib ketgan. Bu mavsumda Salohning 14 ta golda ishtirok etganini hisobga olsak, uning o‘rnini to‘ldirish oson kechmaydi. Yozda Salohni saudiyaliklarga yaxshigina summaga pullash mumkin. Bu pulga esa tarkibni qayta qurish kerak bo‘ladi.
Alisson
Braziliyalik posbon 2018 yildan beri qizillar sharafini himoya qilib kelmoqda. Uni sotish rahbariyatning provard rejasida yo‘qligi aniq. 31 yoshli futbolchi dunyodagi eng yaxshi darvozabonlardan biri sanaladi. Ammo Alisson uchun Saudiya Arabistoni ligasi klublaridan keladigan yaxshigina takliflar "Liverpul" niyatini o‘zgartirib qo‘yishi, hech gap emas.
Jo Gomes
Gomes "Liverpul"da hech qachon doimiy asosiy tarkibga kira olmagan. Shu sabab himoyachi o‘z baxtini boshqa yerlardan izlashga majbur bo‘ladi. 26 yoshli ingliz futbolchisi qachonki Robertson yoki Simikasga zarar yetganda, o‘z daqiqalariga ega bo‘lmoqda. Boshqa payt esa uning asosiy ishi zaxira o‘rindig‘ini "isitib o‘tirish"dan iborat. Gomesga hozirdanoq "Vest Xjm" va "Nyukasl" qiziqish bildira boshlagani haqida ma’lumotlar mavjud. Yozda bu borada aniq to‘xtamga kelinadi.
Joyel Matip
Matip uchun joriy mavsum o‘tgan dekabr oyidayoq o‘z nihoyasiga yetgan edi. Himoyachi tizzasining xochsimon paylarini uzib olishi oqibatida maydonga uzoq vaqt tusha olmasligi ma’lum bo‘lgan. 32 yoshli futbolchi Klopp jamoasi uchun juda muhim figura edi. Ammo u ketsa, Matip ortiq asosiy tarkibga kira olmay qoladi. Shu sababli, "Liverpul" yozda uni sotishga harakat qilsa kerak.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
