Ma’lumki, qishki seleksiya chog‘ida «Andijon» tarkibiga yangi qo‘shilgan o‘yinchilar orasida makedoniyalik legioner Demir Imeri ham bor. Tajribali yarim himoyachi Antaliyada «Burgutlar» bilan shartnoma imzolagan va rasman «Andijon»ning yangi a’zosiga aylangan.
— Demir, «Andijon» klubiga xush kelibsiz! O‘zbek futboli haqida nimalarni eshitgansiz?
— Avvalambor, meni juda iliq kutib olishgani uchun katta rahmat. O‘zbekistonda futbol yuqori suratlarda taraqqiy etmoqda. Kundan-kunga jadallik bilan o‘sib boryapti. Bu futbol o‘ynash uchun juda yaxshi mamlakat ekanligini eshitdim.
— Adashmasam, oxirgi klubingiz Qozog‘istonning «Atirau»si bo‘lgan. Aytingchi, siz uchun «Andijon» klubiga o‘tish faoliyatingizda oldinga tashlangan qadammi?
— Haqiqatan to‘g‘ri. Mening oxirgi klubim Qozog‘istonning «Atirau» jamoasi bo‘lgan. Lekin men O‘zbekiston va uning chempionati to‘g‘risida juda yaxshi ma’lumotlar eshitdim va yurtingizga kelishga qaror qildim. O‘ylaymanki, bu faoliyatimda oldinga tashlangan qadam bo‘ldi, deb hisoblayman.
— Demir, sizga aynan «Andijon»dan taklif bo‘lishini kutmaganmidingiz yoki faoliyatingizni O‘zbekiston chempionatida davom ettirish rejangizda bormidi?
— Meni oldimda bir qator xorij davlatlaridan variantlar bor edi. Lekin men Osiyoda to‘p surishni xohladim va meni O‘zbekiston juda ham qiziqtirdi. Menga «Andijon»dan qo‘ng‘iroq qilishganida u yerda o‘ynashga tayyor ekanligimni aytdim.
— Ilgari ham sizga yurtimizdan qiziqishlar bo‘lganmi?
— Muzokaralar bo‘lgan. Lekin hech nima rasmiylashmagan.
— O‘zingiz uchun raqam tanlab oldingizmi?
— Aytishim mumkinki, 31 men uchun omadli raqam.
— «Andijon» siz uchun yangi jamoa va bu yerda sizga ko‘proq nima yoqyapti?
— Meni hamma juda yaxshi kutib oldi. Jamoa bilan Antaliyada bo‘ldim. Klubda o‘zimni juda qulay, Xudoga shukurki, xuddi o‘z uyimda yurgandek his qildim.
— Demir Imeri yangi mavsum uchun tayyormi? Chunki muxlislarimizning sizdan umidi katta…
— Yaqinlashib kelayotgan yangi mavsum oldidan motivasiyaga to‘laman. «Andijon» klubini juda ajoyib fanatlari borligini ko‘rdim. Bunday muxlislar qarshisida tezroq maydonga tushishni sabrsizlik bilan kutyapman. Bunday jonkuyar ishqibozlar qarshisida to‘p surish men uchun juda qulay va qiziqarli.
— Bu yerga kelishdan avval jamoa haqida nimalarni bilib oldingiz?
— U yerda futbolni nihoyatda yaxshi ko‘rishlarini eshitdim. Muxlislar doimo sevimli jamoasi bilan birga ekan. Andijonga tezroq borib, yanada ko‘proq ma’lumotlar ega bo‘lishni va g‘alabalarga o‘z hissamni qo‘shishni istayman.
«Andijon» matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
