Yozgi transfer oynasi ochilishiga oz vaqt qoldi. Har kuni potensial yuqori darajadagi o‘tishlar bilan bog‘liq qiziqarli yangiliklar paydo bo‘lyapti. Bugun o‘tgan haftada qanday mish-mishlar tarqagani haqida gaplashamiz.
Ispaniya terma jamoasi yulduzi uchun bir qancha gigantlar kurash olib boradi
"RB Leypsig" yarim himoyachisi Daniel Olmo yozda bir nechta top-klublar nishoniga aylanadi. Daily Mail xabariga ko‘ra, ispaniyalik futbolchi uchun "Real", "Manchester Siti", "Manchester Yunayted", shuningdek, "Tottenxem" va "Chelsi" kurash olib boradi. Avvalroq jurnalist Fabrisio Romano keyingi transfer oynasida Olmoning tovon puli 60 million yevro miqdoridagi shartnoma bandi kuchga kirishi haqida xabar bergan edi. Dani Yevro-2024dagi yaxshi o‘ynasa transfer narxi oshadi
Osimxen kelajagi haqida bir qarorga keldi
Jurnalist Rudi Galettining xabar berishicha, "Napoli"ning nigeriyalik hujumchisi Viktor Osimxen yozgi transfer oynasida jamoani tark etish ehtimoli yuqori. Futbolchining o‘zi "Chelsi"ga o‘tishga qarshi emas. Viktor “Napoli”da 2020 yildan buyon o‘ynab kelmoqda. Joriy mavsumda u barcha musobaqalarda 24 ta uchrashuvda ishtirok etib, 13 ta gol va 4 ta golli uzatmani amalga oshirdi. Transfermarkt ma’lumotlariga ko‘ra, futbolchining transfer qiymati 110 million yevroni tashkil qiladi.
"Barselona" yozda ommaviy sotuvni amalga oshiradi
Footmercato xabariga ko‘ra, "Barsa" yozda bir nechta o‘yinchilar bilan xayrlashishni rejalashtirmoqda. ketadigan nomzodlar ro‘yxatiga Ansu Fati, Rafinya, Jyul Kunde va Andreas Kristensen kiritilgan. "Barsa" 4 nafar futbolchi uchun 200 million yevro olishni kutmoqda. Kataloniyaliklarda jiddiy iqtisodiy muammolar bor, shuning uchun ham futbolchilarni sotish zaruriy chora.
"Barsa"ning o‘zi esa yana bir erkin agentni qidirmoqda
"Barselona" nafaqat ketadigan transferlar, balki xaridlar haqida ham o‘ylamoqda. Sport.es nashrining xabar berishicha, kataloniyaliklar “Arsenal” yarim himoyachisi Jorjinyoga qiziqish bildirmoqda. Italiyalik futbolchining ingliz klubi bilan shartnomasi yozda yakuniga yetadi. Shuning uchun Jorjinyo hozir muzokara olib borishi mumkin. "Barsa" esa italiyalik yarim himoyachiga asosiy da’vogar. Klub tekinga olib ketiladigan sifatli futbolchiga qiziqmoqda. Jorjinyoning agenti allaqachon "Barselona" rahbariyati bilan aloqada bo‘lgan, ammo "Arsenal" uning faoliyatini davom ettirish uchun ustuvor variant bo‘lib qolmoqda.
"Real" "Bavariya" yulduzini tekinga oladimi?
Toni Kroosning "Bavariya"dan Xabi Alonso evaziga "Real"ga o‘tishi Madridning 2010 yillardagi asosiy bitimlaridan biri edi. Endi ispanlar yana myunxenliklarni "talon-taroj" qilmoqchi. Athletic nashrining xabar berishicha, Alfonso Devis "Real Madrid" bilan o‘zining transferi bo‘yicha ikkita variantni og‘zaki kelishib olgan.
"Bavariya" himoyachisi mavsum yakunlanganidan keyin yoki 2025 yilning yozida erkin agent sifatida ispanlar safiga qo‘shiladi. Nemis grandi 2021 yilda “Real”ga tekinga o‘tgan David Alaba bilan bog‘liq vaziyatni takrorlamoqchi emas. Shuning uchun "Bavariya" Devis bilan yangi shartnoma bo‘yicha kelishib oladi yoki uni kelayotgan yozda sotadi. Jurnalist Xosep Pedrerolning qayd etishicha, Madridning “Real” klubi Alfonso uchun 20-25 million yevrodan ortiq to‘lamoqchi emas.
"Manchester Yunayted" eng yaxshi hujum variantini topdi
Ayvan Touni bu yozda ingliz gigantlari uchun asosiy transfer qilinadigan futbolchi bo‘lib turibdi. “Arsenal” va “Chelsi” uzoq vaqtdan buyon forvard uchun kurashib kelmoqda. Endi esa poygaga “Manchester Yunayted” qo‘shilmoqda. Fabrisio Romanoning so‘zlariga ko‘ra, mankunianliklar forvardni 2024 yil yozi uchun maqsad qilib qo‘ygan. “Brentford” forvardi joriy mavsumda 10 ta o‘yinda maydonga tushib, 4 ta gol urdi. Transfermarkt ma’lumotlariga ko‘ra, 28 yoshli futbolchining bozor qiymati 50 million yevroni tashkil qiladi.
Arteta "Siti" futbolchisini o‘ziga jalb qiladimi?
Himoyachi Joau Kanselu bu mavsumda "Barselona"da o‘ynadi, ammo unga bo‘lgan huquqlar baribir "Manchester Siti"ga tegishli. Kataloniyaliklar portugaliyalikni sotib olmoqchi, ammo og‘ir moliyaviy ahvol tufayli kelishuv kafolatlanmagan. Variantlardan biri ijaraga olish, ammo “Siti” butunlay sotishni xohlashi mumkin. Bu holatda variant bor, chunki "Arsenal" Kanseluga xaridor. Sport.es nashrining The Sun nashriga tayanib xabar berishicha, "kanonirlar" yozda 29 yoshli portugaliyalikni sotib olishga harakat qilishadi. Transfermarkt ma’lumotlariga ko‘ra, futbolchining bozor narxi 30 million yevroni tashkil etadi. "Arsenal" uchun juda maqbul miqdor.
"Yuventus" va "Manchester Yunayted" futbolchi almashishadimi?
Calciomercato xabariga ko‘ra, "Manchester Yunayted" "Yuventus" himoyachisi Bremerning transferiga qiziqish bildirmoqda. "Yunayted" rahbariyati braziliyalik futbolchini qo‘lga kiritish uchun kurashda jiddiy raqobatga duch kelishi kerakligini tushunadi, shu bois "Yuve" bilan muzokaralarni imkon qadar tezroq kuchaytirishga qaror qilishdi. Bremerga mankunianliklardan tashqari "Chelsi", "Liverpul" va "Tottenxem" ham qiziqish bildirmoqda. Xabarga ko‘ra, shartnomaga hujumchi Meyson Grinvud ham kiritilishi mumkin. Klublar yozning eng yirik bitimlaridan birini amalga oshira oladimi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
