Tibo Kurtua tiklanib, «Alaves» bilan zo‘r o‘yin o‘tkazgach, bahslar paydo bo‘ldi: belgiyalik posbon finalda tushishi kerakmi yoki shu paytgacha ozmi ko‘pmi turnirda o‘z xissasini qo‘shgan Luninga ishonaverish kerakmi?
Eng yomoni, bu shunday qarorki, ertaga, kim bo‘lishidan qat’i nazar, xato qiladigan bo‘lsa, gap ko‘payadi, Kurtua baribir yaxshiydi, Luninni qoldirish kerak edi, qabilida. Chunki darvozabon sohasi shundayki, yuzaga keladigan eng muhim pallada pand bermaslik kerak. Hujumchi xatoga yo‘l qo‘ysa, ha, boshqasi bo‘lganda balki shu vaziyatga chiqarmaydi, shu yerda bo‘larmidi, deb oqlash mumkin. Darvozabon esa, o‘sha yerda bo‘lishi shart. Bu xuddi penalti ijrochisiga o‘xshaydi. Har kim ham xato qilishi mumkin va natijada tepuvchini tanlagan murabbiy tanqid qilinadi.
Yaqqol misol, «Tottenhem»ga qarshi o‘yinda Orteganing qahramonligi. Agar Ederson jarohat olmaganda, u maydonga tushmasdi va balki Ederson Sonning zarbasini qaytara olmasdi ham. Lekin Gvardiola aynan Songa qarshi Edersonmas, Ortega yaxshi ekanini qayerdan biladi? Shunchaki, aslida yomon voqea, Edersonning jarohati yakunda baxtli tasodif bo‘lib chiqdi. Yoki agar birinchi taymdan Ortega o‘ynaganda, Ederson qaytargan zarbani u qaytara olmagandachi?
Xullas, Lunin tanlansa ham, Kurtua tanlansa ham, o‘yindan keyin o‘sha qarorning to‘g‘ri yoki noto‘g‘ri sifatga ajratmaslik kerak. Anchelotti o‘yin oldidan bir qator biz bilmagan argumentlar yordamida tanlovni amalga oshiradi, bu qaror o‘sha payt uchun to‘g‘ri bo‘ladi, tamom.
Ha, yana mavzuga oid. Andre Onana Angliyada eng ko‘p xavfli vaziyatlarni bartaraf qilgan, qutqargan darvozabon bo‘lib chiqdi. Ammo bu uning Alison yoki Rayyadan yaxshiroq ekanini anglatmaydi.
Shunchaki, «MYU» darvozasi oldida juda ko‘p vaziyatlar, xavfli zarbalar bo‘ldi, tabiiyki, Onanada yaxshi seyvlar qilish imkoniyati ko‘proq bo‘ldi.
Shuning uchun darvozabonlarni solishtirishda peshqadam va autsayder jamoa ekani inobatga olinadi. Aslida kam zarba qabul qiladigan darvozabonning ishi qiyinroq, chunki menimcha, 10 zarbadan 8 tasini qaytarishdan, bitta yagona vaziyatni qutqarish qiyinroq. Ikkinchisida xato qilish imkoniyati yo‘q.
Endi shu shartlarda, o‘ylab ko‘ring, Luninning seyvlari tosh bosadimi yoki Kurtuaning ishonchliligi?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
