Yevro-2024da dunyoning eng zo‘r atletlari maydonda o‘zini ko‘rsatishadi. Ular ichida esa mashhur nomlar va shunga yarasha boy talantlar mavjud. Masalan, Krishtianu Ronaldu va Kilian Mbappelar hoziroq futbolni yig‘ishtirib, qolgan umrini hech qayerda ishlamay o‘tkazsa ham bo‘laveradi. Negaki, ular hozirga qadar katta boylik jamg‘arishdi. Hattoki, endigina 20 yosh bo‘lishiga qaramay, Jud Bellingem ham yiliga katta daromad ko‘rmoqda.
Quyida Yevropa chempionatining eng boy yulduzlarini bilib olasiz.
Krishtianu Ronaldu – 471 milllion funt
Portugaliya terma jamoasi sardori seshanba kuni Chexiyaga qarshi maydonga tushadi. Ushbu chempionat Ronaldu faoliyatidagi oltinchi Yevroga aylanmoqda va ko‘p ehtimol, shunisi so‘nggisi bo‘ladi. 2020 yilda Ronaldu yer sayyorasida ilk bor 1 milliard dollar maosh olgan aktiv sportchiga aylangandi. Oradan ikki yil o‘tib, u "An-Nasr" bilan ikki yarim yillik shartnoma tuzdi. Forbes jurnaliga ko‘ra, Ronalduga bu davr mobaynida 164 million funt, aynan arab klubi tomonidan to‘lab berilgan. Shuningdek, 39 yoshli hujumchi har yili Nike, Unilever va Herbalife kompaniyalari bilan tijoriy hamkorlikdan 47 million funt foyda ko‘radi.
Kilian Mbappe – 141 million funt
2017 yildan beri Mbappe dunyo taniydigan sportchiga aylandi. 141 million funt bilan u Yevro-2024dagi ikkinchi eng boy futbolchidir. Endigina 25 yosh bo‘lishiga qaramay, Mbappe allaqachon jahon chempioniga aylangan. Uning hozirgi maoshi haftasiga 404 ming funtni tashkil etadi. Bu esa yiliga 21 million funt deganidir. "PSJ" o‘tgan mavsumda Mbappe uchun haftasiga 5.1 million funt maosh to‘ladi. Shunday bo‘lsada, bu miqdor Ronaldu oladigan pulning sakkizdan bir qismini tashkil etadi xolos. Mbappe Hublot, Louis Vuitton, Oakley, Hennessey kabi dunyo brendlari bilan tijoriy hamkorlikdan yiliga 15.7 million funt ishlab topadi. Hujumchi "Real"ga ko‘chib o‘tgach, Madrid shahridan 15 million funtlik koshona xarid qilgan. Nima ham derdik, boyga yarashaveradi!
Xarri Keyn – 72 million funt
Keyn bir yil ichida o‘z boyligini bir yil ichida 24 million funtdan 72 million funtga ko‘tarib oldi. Bu raqamlar o‘sishda davom etmoqda. 2023 yilda ingliz hujumchisi "Bavariya" bilan yillik 21.5 million funtga teng bitim tuzgandi. Myunxenliklar safiga o‘tish, 30 yoshli futbolchiga 30 million funt bonus ham olib kelgan. Keyn Amazon va Sketchers bilan tijoriy hamkorlikdan har yili 2 million funt ishlab topadi. Hozirda Keyn o‘z oilasi bilan Myunxenda, yiliga 1 million funt to‘lab, ijarada yashamoqda.
Antuan Grizmann – 71 million funt
Grizmann 33 yoshda. Uning boyligi esa 71 million funtga teng. Yiliga 21 million maosh oladigan qahramonimiz, bu borada dunyoning top-10 futbolchilar ro‘yxatiga kiradi. Futboldan tashqari, fransuz yulduzi Puma, Gilette va Head and Shoulders bilan tijoriy hamkorligidan yiliga 4.7 million funt foyda oladi. "Atletiko" futbolchisi Madrid shahrida 5 million funtlik uyda istiqomat qiladi.
Robert Levandovski – 67 million funt
Polsha terma jamoasi hujumchisi 2020 yilda FIFA va UYEFA tomonidan beriladigan yilning eng yaxshi o‘yinchisi maqomiga ega bo‘lgandi. O‘sha yili Levandovskining yillik moashi 23.5 million funtga teng bo‘lgan. Hozir u "Barselona" vakili. 2016 yilda Robert o‘z vatani bo‘lmish Polshaning Varshava shahridan 7 million funtlik koshona xarid qilgandi. Ayni damda uning boyligi 67 million funtga teng.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
