O‘zbekiston Milliy Olimpiya qo‘mitasida federasiya va assosiasiyalar mas’ullari bilan yaqin davr uchun rejalar hamda ularni amalga oshirish mexanizmiga bag‘ishlangan yig‘ilish o‘tkazildi. Tadbirda Sport vaziri Adham Ikramov, Osiyo Olimpiya kengashi vise-prezidenti, MOQ raisining birinchi o‘rinbosari Otabek Umarov, Qo‘mita Bosh kotibi Oybek Kasimov, MOQ raisi o‘rinbosari Sherzod Tashmatov, shuningdek, Sport vazirligi, MOQ va sport federasiyalar hamda assosiasiyalar rahbarlari va mas’ullari ishtirok etishdi.
Yig‘ilish avvalida Adham Ilhamovich ixtisoslashtirilgan sport maktablarining faoliyatini tubdan isloh qilish, ularning asosida viloyatlarda Olimpiya tayyorgarlik bazalarini tashkil etish bo‘yicha o‘z fikrlarini bildirdi. Qolaversa, federasiyalar mas’ullariga kuchli xorijlik murabbiylarni jalb qilish, ular bilan samarali hamkorlikni yo‘lga qo‘yish, hududlar bilan ishlash bo‘yicha vertikal tizim joriy qilish, joylardagi mavjud infratuzilmani o‘rganish, bo‘yicha topshiriq berdi.
Shuningdek, Otabek Muhammadaliyevich yangi Olimpiya sikliga Muhtaram Prezidentimiz va MOQ raisi Shavkat Mirziyoyevning ishonchlarini oqlagan holda munosib hozirlik ko‘rish lozimligi, Osiyo va Olimpiya o‘yinlariga tayyorgarlikni yanada kuchaytirib, Los-Anjeles-2028 yozgi Olimpiya o‘yinlarida kuchli o‘nlikdan joy olish belgilanganini ta’kidladi. Buning uchun barcha federasiyalar va terma jamoalarga hozirdan tayyorgarlikni boshlash, seleksiya, farmakologiya, diyetologiya kabi jihatlarga ham alohida ahamiyat qaratish bo‘yicha tavsiyalar berildi.
Kun tartibiga asosan muhokama davomida O‘zbekiston taekvondo WT assosiasiyasining yaqin 2 va 4 yillik uchun mo‘ljallangan rejalarining taqdimoti o‘tkazildi. Unda assosiasiya raisi Sherzod Tashmatov kompleks musobaqalarga tayyorgarlik, ushbu sport ommaviyligini oshirish, terma jamoalarning samaradorligini kuchaytirish va ularni asosiy startlarga puxta tayyorlash kabi yo‘nalishlar haqida batafsil ma’lumot berdi.
Yig‘ilishda kelasi haftadan har kuni 2 tadan federasiya bilan terma jamoalarning bazalariga tashrif buyurgan holda mutaxassislar va barcha mas’ullar ishtirokida ana shunday rejalar muhokama qilinishi, keyingi bosqichda MOQ rahbariyati va mas’ullar Respublikadagi barcha hududlarga tashrif buyurgan holda mavjud vaziyat o‘rganilishi kelishib olindi. Yakuniy xulosa asosida Los-Anjeles-2028 yozgi Olimpiya va Paralimpiya o‘yinlariga tayyorgarlik ko‘rish bo‘yicha Prezident qarori loyihasi tayyorlanishi belgilandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
