"Nasaf" klubi “Superliga va Proliga reglamenti”ning 14.13-bandiga o‘zgartirish kiritish taklifi bilan chiqqan bo‘lib, bunda ma’lum klubning boshqa bir klubga ijaraga berishi mumkin bo‘lgan futbolchilari sonini uch va undan ko‘proq qilish so‘ralgan. Reglamentda esa mazkur masala ikki kishilik holat bilan tartibga solingan.
O‘z vaqtida poytaxt klublari keragidan ko‘p futbolchi bilan shartnoma imzolab, asosiy tarkibning mavsum uchun qaydnomasiga kira olmagan futbolchilarini boshqa klublarga ijara bergan va o‘zaro o‘yinlarda raqib jamoaning tarkib tanlashi masalasiga bevosita ta’sir ko‘rsatishga uringan. Ayniqsa, bir klubning boshqa bir klubga 7-8 nafar futbolchini ijaraga berishi Ligani shubhalantirgan o‘yinlar sonining oshishiga olib kelgan.
Shundan kelib chiqib, Liga mazkur masalani ikki usul bilan tartibga solgan. Ya’ni, klub bir mavsum uchun 45 nafargacha futbolchini ro‘yxatdan o‘tkazishi mumkin. Bunda 2002 yildan katta futbolchilar soni 23 nafardan oshmasligi shart. Shuningdek, klubda 2006 yil va undan keyin tug‘ilgan qator iqtidorlar bo‘lsa, ular limitdan tashqari ro‘yxatga kiritilishi mumkin. Biroq bunda ro‘yxatdan o‘tgan futbolchilar soni umumiy 60 nafardan oshib ketmasligi lozim. Yosh iqtidorlari yanada ko‘proq klubga Liga talablarini bajarish shartida o‘z farm jamoasini tashkil etish imkoniyati ham berilgan.
Tartibotning ikkinchi qismida esa biror klub o‘zi bilan bir ligada harakat qilayotgan istalgan klubga 2 nafardan ortiq futbolchini ijaraga bera olmasligi qayd etilgan. Shuningdek, ma’lum bir klubning shu musobaqada ishtirok etayotgan ko‘plab klublarga ta’sirini kamaytirish maqsadida shu klubning ijaraga berishi mumkin bo‘lgan futbolchilarining umumiy soniga nisbatan cheklov kiritilgan — 6 nafargacha.
Masalaning boshqa tomonida esa klub o‘zga ligadagi klublarga istalgancha futbolchi berishi uchun yo‘l ochilgan. Shuningdek, yosh iqtidorlarga sharoit yaratish maqsadida ijaraga berilayotgan futbolchi 2003 yil va undan kichik bo‘lsa, klub yuqorida qayd etilgan 6 nafarlik cheklovdan tashqari ham futbolchilarini ijaraga berishi mumkin ekanligi ko‘rsatilgan.
Shularni inobatga olgan holda Liga "Nasaf" taklifini qabul qilmadi. Klublardagi sharoit, homiy tashkilotlar tasdiqlayotgan smeta, klublarning o‘zaro munosabatlari Ligaga yaxshi ma’lum. Musobaqa nisbatan murosasiz va sog‘lom raqobatda o‘tishi Liga uchun juda muhim hisoblanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
