Yashin tezligida o‘zgarib turadigan hozirgi zamonda vaqtinchalikdan doimiyroq narsa yo‘q iborasi aktual bo‘lib qoldi.
Xususan, futbol murabbiylarining faoliyati avvalgidan yanada qisqaroq. Har qanday jamoada 5 yildan ko‘proq ishlagan murabbiy bugungi kadrlar qo‘nimsizligi davrida o‘ta nodir namuna bo‘lib qolmoqda. Biroq mavjud umumiy moyillik orasida istisnolar ham topiladi. Yevropada o‘z klublarida katta stajga ega bo‘lgan amaldagi «dinozavrlar» ro‘yxatini tobora oshib borish tartibida joylashtirdik.
Sergey SEMAK - 6,5 yildan beri «Zenit»da
Shartnomasi 2030 yilning 30 iyunigacha mo‘ljallangan
«Ufa»dan «Zenit»ga o‘tgan mutaxassis jamoani muntazam ravishda RPL shohsupasiga olib chiqish asnosida o‘zi klub tarixidagi eng sovrindor murabbiy maqomini qo‘lga kiritdi. Bir qarashda Semakning Sankt-Peterburgdagi pozisiyasi mustahkamdek ko‘rinsada, jamoa o‘zi ishtirok etadigan barcha musobaqalarda faqat yuksak cho‘qqilarni ko‘zlashini unutmaslik lozim. 100 yillik yubileyi arafasida chempionlik unvonini vaziyatni butunlay o‘zgartirib yuborishi mumkin.
Jan Pyero Gasperini - 8,5 yildan beri «Atalanta»da
Shartnomasi 2026 yilning 30 iyunigacha mo‘ljallangan
Nafaqat Bergamo, balki butun Italiya futbolining afsonasi. Jan Pyero rahbarligida «Atalanta» «A» Seriyadagi o‘rtamiyona jamoa sirasidan kalchoning bayroqdori darajasiga ko‘tarildi. YECHLda ishtirok etish uning odatiy yumushi bo‘lib qoldi. Bergamoliklarning muvaffaqiyatlaridan tashqari, Gasperini juda ko‘p shogirdlarini ularning terma jamoalari uchun kashf etdi, uning boshqaruvida eng no‘noq o‘yinchi ham yuksak saviya sohibiga aylandi. Shuningdek, italiyalik mutaxassisdan tajriba o‘rganish ilinjida navbatga turgan kasbdoshlarining safi kengayib ketdi. Uning o‘ziga xos pressing uslubi esa, hatto futbol taktikasini farqlay olmaydigan sodda muxlislar uchun vizit kartochkasi bo‘lib qoldi.
Xosep Gvardiola - 8,5 yildan beri «Manchester Siti»da
Shartnoma 2027 yilning 30 iyunigacha mo‘ljallangan
Ayni pallada o‘ta murakkab davrni boshdan kechirayotgan buyuk murabbiylardan biri. Pepning boshchiligida «shaharliklar» muntazam ravishda APL cho‘qqisini zabt etishdan tashqari, milliy va yevrokubok musobaqalarida ham g‘olib chiqishdi. Shuningdek, yangi rekordlar o‘rnatishni ham unutishmadi. Biroq hozir Gvardiola so‘nggi 2 oy ichidagi tushunib bo‘lmaydigan salbiy natijalar tufayli mushkul holatga tushib qoldi. Ro‘yxatimizdagi kasbdoshlari orasida uning murabbiylik faoliyati qil ustida turibdi. Hayot - eng yaxshi dramaturg.
Diyego Simeone - 13 yildan beri «Atletiko»da
Shartnoma 2027 yilning 30 iyunigacha mo‘ljallangan
«El Cholo» davrida «matraschilar» vaqti-vaqti bilan goh «Real» va goh «Barselona»ni taxtdan ag‘darib, ispan futboli cho‘qqisini zabt etdilar. Bundan tashqari, madridliklar 4ta yevrokubokni qo‘lga kiritib, 2 marta YECHLning finalida maydonga tushdilar. Ana shu samarali xizmatlarining mahsuli sifatida Simeone futbol olamidagi eng ko‘p ish haqi oladigan murabbiy maqomiga erishdi.
Frank Shmidt - 17 yil, 3 oydan beri «Xaydenxaym»da
Shartnoma 2027 yilning 30 iyunigacha mo‘ljallangan
«Ko‘hna qit’a»ning amaldagi «eng umrboqiy» murabbiyi mehnat shartnomasiga asosan Bundesligada faoliyat yuritmoqda. Aslida, Frank Shmidt «Xaydenxaym»ni «Xaydenxaym»ni shakllangan paytidan beri boshqarmoqda. Bu shaharga futbol 1911 yilda kirib kelgan, 2007 yilda esa klub Regional ligada to‘p surish uchun lisenziya olish maqsadida Heidenheimer SB kompaniyasidan ajralib chiqqandi. 2023 yilda «Xaydenxaym» Ikkinchi Bundesligada g‘olib chiqdi, oliy diviziondagi debyut mavsumini 8-o‘rinda yakunlab, yevrokuboklar yo‘llanmasini qo‘lga kiritdi. Hozir jamoa ishonchli tarzda YEKLning bahorgi bosqichiga yo‘llanma oldi. Qo‘lga kiritilgan mazkur muvaffaqiyatlarga jamoa Frank Shmidtning bevosita rahbarligida erishdi.
MUHAMMADSODIQ tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
