Futbolda murabbiylik ishi ancha murakkab, albatta. Jamoaning ishlari ozgina orqaga ketsa yoki natija o‘xshamasa, murabbiy iste’fo atalmish real xavf ostida qoladi birdan. Shuning barobarida murabbiylik yechimlarining chek-chegarasi yo‘q. Improvizasiyaga esa taqiq bo‘lmasa kerak. Faqat natija ta’minlansa, bas.
ODDIY SUV IDISHLARI VOSITASIDA…
«Fenerbaxche»ning «Alaniyaspor»ga qarshi o‘yini nafaqat dramatik voqeliklar, balki murabbiyning improvizasion yechimi bilan ham esda qoldi. Hammasi maydon chetida yuz berdi. O‘yin avj pallaga kirgan vaqt «Fener» ustozi Domeniko Tedesko taktik o‘zgarishlarni tushuntirish uchun ispaniyalik hujumchi Marko Asensioni yoniga chaqirdi. Yo‘q, belgiyalik mutaxassis shovqinli stadionda baqir-chaqir qilgani yo‘q, shunchaki, oddiy suv idishlarini olib, maydonga terib qo‘ydi va ular vositasida qaysi zonadan oldinga o‘tish zarurligini ko‘rsatib berdi. Tedeskoning improvisazion «taktik doska»si darhol telekameralar nigohiga tushdi va ehtimolki, muxlislarga tabassum ham ulashdi. Muhimi, hazil-mutoyibalar tezda tugadi. Chunonchi, Asensio atigi bir necha daqiqadan keyin murabbiy ko‘rsatmalarini maydonda mukammal bajarib, muhim golga assistentlik qildi va «Fenerbaxche» yakunda 3:2 hisobida g‘alaba qozondi…
ANTIQA ALMASHTIRISH
«Real Sosyedad» bosh murabbiyi Pellegrino Matarasso 13 yanvar kuni Ispaniya kubogi 1|8 finalidan o‘rin olgan «Osasuna»ga qarshi o‘yinda kamdan-kam uchraydigan qarorga keldi. U 89-daqiqada, jamoasi 1:2 hisobida yutqazib turgan vaqt markaziy himoyachi Duje Chaleta-Sar o‘rniga zaxiradan hujumchi Orri Oskarssonni maydonga tushirdi. Tushunarli o‘zgarish, har holda, «Sosyedad» kubok turniri bilan xayrlashish yoqasida edi. San-sebastyanliklar keyingi daqiqada muvozanatni tiklab, o‘yinni qo‘shimcha bo‘limlarga cho‘zishdi. Matarasso esa yana 30 daqiqa himoyada 3 nafar futbolchi bilan o‘ynamaslik uchun maydonda hech qancha harakatlanmagan islandiyalik hujumchini qayta zaxiraga oldi va o‘rniga markaziy mudofaa vakili Jon Martinni tushirdi. Tabiiyki, skandinaviyalik futbolchiga voqealarning bunday rivoji aslo yoqmadi va u qayta almashtirilganidan so‘ng to‘g‘ri kiyinish xonasiga ravona bo‘ldi. Shu tariqa Oskarsson qo‘shimcha bo‘limlar yakuniga qadar tashqariga chiqmadi. U hatto penaltilar seriyasi boshlanganida ham, jamoa muvaffaqiyat qozonib, keyingi bosqichga chiqqanini muxlislar bilan maydonda nishonlayotgan vaqtda ham ko‘rinish bergani yo‘q.
Albatta, Matarasso o‘sha lahzada murakkab qaror qabul qildi, har holda, agar jarohat kuzatilmasa, zaxiradan maydonga tushgan futbolchining atigi 5 daqiqadan keyin qayta almashtirilishi noodatiy holatdir. Faqat haqiqat shuki, «Real Sosyedad» o‘yinni qo‘shimcha bo‘limlarga o‘tkazganidan keyin murabbiy tartibsiz holga kelgan jamoaviy harakatlarni qayta to‘g‘rilashi kerak edi. U aynan shunday qildi va «Real Sosyedad»ning yakuniy g‘alabasini ta’minladi. Futbolchining ranjishi esa ikkinchi masala. Axir jamoa manfaati har narsadan ustun turadi.
A.AHMEDOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
