"Lokomotiv" bosh murabbiyi Mirko Yelichich Superliganing 10-turi doirasida bo‘lib o‘tgan OKMKga qarshi o‘yin (0:1) borasida o‘z fikrini bildirib o‘tdi.
— Yaxshi o‘yin bo‘ldi. Ikkala jamoa ham ochiq va oxirigacha o‘ynashga harakat qildi. Himoyada yotib olmay, hujumni o‘ylaydigan jamoalarning borligi ham yoqimli. Ikki golni standartdan keyin qo‘yib yuborish esa yoqimsiz. Biroq bu o‘yinimiz bilan yana bir golga loyiq edik, lekin bugun unday bo‘lmadi.
— Bugun «Lokomotiv» uch markaziy himoyachi bilan o‘ynadi. Biroq gollar standartlardan keyin o‘tkazib yuborildi. Anzur Ismoilov, Aleksandr Shushnyar va Oleksandr Kucherenkoni ko‘ryapmiz, bo‘yi uzun yaxshi himoyachilar ekan. Lekin bu gollarning sababi nimada? Tig‘iz taqvimmi yoki e’tiborsizlik?
— Standartlar bo‘yicha ishlash qiyin. Barchasini mikrovaziyatlar hal qiladi. To‘p soniyaning uchdan birida yetib keladi va tezda qaror chiqarish qiyin. OKMK esa standartlardan yaxshi uzatmalar amalga oshirmoqda va bu ishni ular anchadan beri to‘g‘ri qilib kelishmoqda. Bizda esa... Biznikilar ham vaziyatlarni bartaraf qilishlari kerak. Tarkibimizda 4-5 nafar bo‘yi uzun futbolchilar bor. Bunday uzatmalardan 100 tasini amalga oshirsangiz ham qaytarishlari mumkin, ammo bugun gollar urildi. Bunday gollarni qo‘yib yuborganimiz afsuslanarli. Tahlil qilib chiqamiz va nimalarni o‘zgartirish kerakligini ko‘rib chiqamiz.
— Qo‘l ostingizdagi «Lokomotiv» OKMKga juda o‘xshash. Eng yaxshi statistikalarga nazar tashlasak, «Loko» va OKMK yonma-yon o‘rinlarda borishmoqda. Jamoa har bir o‘yinda juda ko‘p vaziyatlar yaratyapti. Lekin gol urishda qiynalmoqda, xuddi OKMK kabi. 10 ta vaziyat yaratib, bitta gol urgandan nima foyda?
— Siz TTYMI stadionida bo‘lganmisiz? Bu stadionni ko‘rganingizda, bunday demagan bo‘lardingiz. U stadionda futbol o‘ynab bo‘lmaydi. Maydon juda yomon holatda. Bu stadionda mashg‘ulot olib borilsa, tezkor qarshi hujumlar, bitta paslar orqali chiqib ketishlarni ishlab bo‘lmaydi. Ba’zida to‘pning qanday sakrashini ham bilib bo‘lmay qoladi. Bu esa tezlikning yo‘qolishiga olib keladi. O‘z stadionimiz hali ochilganicha yo‘q. Bungacha hech nimani o‘zgartira olmaymiz. Bu ish bo‘lganidan keyin esa balki yaxshilanish bo‘lib qolishi mumkin.
— Aksincha, yomon maydonda shug‘ullansa, yaxshi maydondagi o‘yin yanada yaxshiroq bo‘ladi, deyishardi.
— Avvallari, afrikaliklar bu yerlarga kelib, gollar urganda shunaqa edi. Hozir barchasiga yuqori darajada tayyorlanish kerak. Zamonaviy futbol o‘zgardi, texnik va tezlik tomonlama anchagina o‘sdi. Futbolchida to‘pni qabul qilib olib, qaror chiqarishi uchun vaqt kamaydi. Agar mashg‘ulotlarda buni amalga oshirishning iloji bo‘lmayotgan bo‘lsa, o‘yinda ham bu ish qiyinlashadi.
— «Lokomotiv» yaxshi o‘ynab, mag‘lub bo‘lgan o‘yinlarida jamoaning o‘yinidan qoniqqaningizni aytdingiz. Bugun ham jamoaning o‘yinidan mamnun bo‘lsangiz kerak.
— To‘g‘risi, ushbu mavsumda hali men mamnun bo‘lmagan o‘yin bo‘lmadi. Yigitlar o‘zlarini ko‘rsatishmoqda. Bu jamoa hali yangi. Shunday bo‘lsa ham ular bir-biri bilan ahil. Birgalikda nimalar qilishlari kerakligini bilishadi. Garchi mag‘lub bo‘lgan bo‘lsak-da, bu yigitlar mag‘lubiyatga loyiq emasligini ayta olaman. Bu futbol, demak barchasi shunday bo‘lishi kerak ekan.
— Deyarli bir oy ichida jamoalar 7 o‘yin o‘tkazdi. Keyin esa kubok bahslari start oladi. Bunda boshqa futbolchilar ham sinovdan o‘tkaziladimi?
— Yaxshi, bunda bir hafta vaqt bo‘lar ekan. So‘nggi haftani mashg‘ulotlar emas, ko‘rsatmalar bilan o‘tkazdik. Menimcha, kubokning oxirigacha ham shunday bo‘ladi. Bizda kubok uchun kuchga to‘la futbolchilar bor. Biroq ular bizga ayni damda kerakli bo‘lgan sifatlarni bera olishmayapti. Balki bu o‘yin amaliyoti bilan bog‘liqdir. Bu kubok o‘yinlari bilan yaxshilanib ketishi ham mumkin.
— Suhrob Nurulloyev qachon safga qaytadi?
— U o‘zini yaxshi his qilmoqda. Lekin davolanish jarayonini oxirigacha kutishimiz kerak. Keyingi o‘yinga u tayyor bo‘ladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
