Samarqand shahrida davom etayotgan 46-butunjahon shaxmat olimpiadasida 8-tur uchrashuvlari doirasida O‘zbekiston jamoasi Germaniyaga 1,5:2,5 hisobida imkoniyatni boy berdi.
Nodirbek Yoqubboyev va Shamsiddin Vohidov o‘z partiyalarida raqiblariga yengilgan bo‘lsa, Javohir Sindorov g‘alabaga erishdi. Nodirbek Abdusattorov esa Vinsen Keymer bilan durang natija qayd etdi.
Nodirbek Abdusattorov 0,5:0,5 Vinsen Keymer
Javohir Sindorov 1:0 Matias Bluebaum
Nodirbek Yoqubboyev 0:1 Frederik Svan
Shamsiddin Vohidov 0:1 Rasmus Svan
Ushbu mag‘lubiyatga qaramay, O‘zbekiston terma jamoasi 14 ochko bilan peshqadamlikni saqlab qoldi. Germaniya hisobida ham shuncha ochko mavjud. Birdaniga 8 jamoa hisobida 13 ochko bor. Jumladan, ushbu turda Angliyani mag‘lub etgan (2,5 - 1,5) O‘zbekiston-2 jamoasi ham 13 ochko to‘plagan.
O‘zbekistonning asosiy jamoasi ertaga yana bir kuchli jamoa — AQSHga qarshi dona suradi.
Erkaklar jamoalarimizga 8-turda raqiblik qiladigan jamoalar:
O‘zbekiston-1 — AQSH
O‘zbekiston-2 — Niderlandiya
O‘zbekiston-3 — Qirg‘iziston
Ayollar musobaqasi
O‘zbekiston ayollar terma jamoasi 8-turda Niderlandiya ustidan 3-1 hisobida g‘alabaga erishib, o‘z ochkolarini 13 taga yetkazgan holda jadvalda 6-o‘ringa ko‘tarilib oldi.
Erkaklar jamoalarimizga 9-turda raqiblik qiladigan jamoalar:
O‘zbekiston-1 — Hindiston
O‘zbekiston-2 — Islandiya
O‘zbekiston-3 — Italiya