O‘zbekiston Respublikasi Prezidenti sovrini uchun tashkil etilgan ushbu musobaqaning umumiy mukofot jamg‘armasi 170 000 AQSH dollaridan iborat bo‘lib, har bir vazn chempionlari 10 000 dollarga ega chiqishdi.
Bu yil World Series Pro turniri jami 10 ta vazn (erkaklar 6 ta, ayollar 4 ta) toifasida o‘tkazilib, unda jahon va qit’a chempionatlari hamda xalqaro turnirlarda yuqori reyting ochkolarini qo‘lga kiritgan 18 davlatdan 80 nafar kurashchi finalga yo‘llanma olgandi. Kecha "Universal" sport saroyi gilamlarida ana shu 80 kurashchi sovrinli o‘rinlar uchun o‘zaro bellashdi.
Musobaqaning tantanali ochilish marosimida Xalqaro Kurash assosiasiyasi Birinchi vise-prezidenti, O‘zbekiston Respublikasi Sport vaziri Adham Ikramov, O‘zbekiston Kurash federasiyasi raisi, O‘zbekiston Respublikasi Bosh prokurori Nig‘matilla Yo‘ldoshev, Xalqaro Kurash assosiasiyasi vise-prezidentlari – Afrika Kurash ittifoqi prezidenti Tomas Dunker, Yevropa Kurash konfederasiyasi prezidenti Mirab Iliadis, IKA Bosh kotibi Muhammad Reza Nassiri hamda boshqa mutasaddilar ishtirok etdi.
Erkaklar o‘rtasidagi eng og‘ir vazn toifasidagi bellashuvlar ko‘pchilikning qiziqishiga sabab bo‘lgandi. Kutilganidek, unda bir necha karra jahon chempioni Muhsin Hisomiddinov barcha raqiblarini mag‘lubiyatga uchratib, oltin medal hamda 10 000 AQSH dollari miqdoridagi mukofot pulini qo‘lga kiritdi. Muhsin polvon finalda tojikistonlik Shakarmamad Mirmamadovni mag‘lubiyatga uchratdi.
Barcha g‘olib va sovrindorlar:
ERKAKLAR
-66 kg vazn toifasi
1. Otabek Hasanov (O‘zbekiston)
2. Majid Vahid (Eron)
3. Bray Luchian (Moldova)
3. Ugur Zehir (Turkiya)
-73 kg vazn toifasi
1. Maulenin Abilkayir (Qozog‘iston)
2. Pakdel Elias (Eron)
3. Konstantin Zorya (Moldova)
3. Simon Vebber (Janubiy Afrika Respublikasi)
-81 kg vazn toifasi
1. Arslonbek Tojiyev (O‘zbekiston)
2. Ramin Ahmadzoda (Eron)
3. Dayanch Omirov (Turkmaniston)
3. Bekadil Shaymerdenov (Qozog‘iston)
-90 kg vazn toifasi
1. Erkin Qozoqov (O‘zbekiston)
2. Umar Bozorov (O‘zbekiston)
3. Halil Simen (Turkiya)
3. Muhammad Azaz (Misr)
-100 kg vazn toifasi
1. Shermuhammad Jandriyev (O‘zbekiston)
2. Ma’sud G‘avibazu (Eron)
3. Hamed Rashidi (Eron)
3. Jamshid Mamatrahimov (O‘zbekiston)
+100 kg vazn toifasi
1. Muhsin Hisomiddinov (O‘zbekiston)
2. Shakarmamad Mirmamadov (Tojikiston)
3. Fares Eltayeb (Misr)
3. Muhammadkarim Hurramov (O‘zbekiston)
AYOLLAR
-52 kg vazn toifasi
1. Hilola Ortiqboyeva (O‘zbekiston)
2. Arezu Salimig‘alehtaki (Eron)
3. Daniki Shipers (Janubiy Afrika Respublikasi)
3. Rozimenli Meymanova (Turkmaniston)
-63 kg vazn toifasi
1. Van-Ting Li (Xitoy Taypeyi)
2. Komila Qahhorova (O‘zbekiston)
3. Vladlena Guseva (Rossiya)
3. Tohiri Azaprivand (Eron)
-78 kg vazn toifasi
1. Filura Ergasheva (O‘zbekiston)
2. Sabina Kadirova (Turkmaniston)
3. Saba Karamali (Eron)
3. Azra Ozkan (Turkiya)
+87 kg vazn toifasi
1. Yulduz Muhammadiyeva (O‘zbekiston)
2. Fatima Bermaki (Eron)
3. Samriti (Hindiston)
3. Atabay Obru (Turkiya).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
