Блог
Рустам Сулаймонов
Бир чимдим кулгу
МУАЛЛИФНИНГ БОШҚА МАҚОЛАЛАРИ
БЛОГГЕРЛАР
Бор коптогим, кел коптогим.
***
Тўп эгасини топади.
***
Футболчи тепкисини футболчи кўтаради.
***
Стадионни сув босса ҳакамга не ғам?
***
Футболчи аразласа "подъёмний"сига зарар.
***
Узоқдаги "Хоразм"дан яқиндаги "Олмалиқ" яхши
***
Бўладиган ҳакам ҳуштагидан маълум.
***
Молингни сот, қўйингни сот – футболчи бўл.
***
Голинг кам бўлса ҳакамдан кўрма.
***
Югургангамас, гол урганга.
***
Дарвозабон, сенга гапираман, ҳимоячи, сен эшит. Ярим ҳимоячи ва ҳужумчилар ёзиб олишсин.
***
Яхши футболчига бир карточка, ёмон футболчига икки карточка.
***
Устоз (мураббий) отангдай улуғ,
Ҳомий тоғангдай саҳий.
***
Пас берганга бир танга,
Гол урганга минг танга.
***
Пасни ошир уққанга
Тўхтатмай гол суққанга.
***
Туя ҳаммомни орзу килибди,
Ҳаммом эса… ФИФА президентлигини!
***
Марадона: Айтсам голим куяди, айтмасам қўлим.
***
Тактиканинг отини қўрқоқ қўйманг.
***
Тўпнинг югургани дарвозагача.
***
Легионер бўлмагунча футболчи бўлолмайсан.
***
Бошингга бутса келса ҳам тўғри теп.
***
Голни гол қиладиган ҳам ҳакам, гоҳида пул қиладиган ҳам ҳакам,
***
Голинг ҳалол бўлса, майдон ташқарисида нишонла.
***
Дарвозабон кўзини сузмаса, ҳужумчи гол урмайди.
***
Бир футболчига ҳам гол, ҳам пас керак.
***
Ҳакам бир қўли билан ҳуштакни тебратар, бир қўли билан турнир жадвалини.
***
Бош омон бўлса гол урилади.
***
Футболчининг ўйнагиси келмаса ҳакам билан тортишади.
***
Кўп гап футболчига карточка.
***
Тўп изидан қайтмайди, ҳакам сўзидан.
***
Гол бўлмаса дарвоза тўрлари қимирламайди.
***
Мухлисли стадион - бозор, мухлиссиз стадион - мозор.
***
Гол урмаганни ургани қурсин.
***
Рақибига ачинган чемпион бўлолмайди.
***
Оғзи қийшиқ бўлсаям ютган жамоанинг мухлиси гапирсин.
***
Бўлинганни "Барселона" ейди, айрилганни "Арсенал".
(Вариант:Бўлинганни "Бунёдкор" ейди, айрилганни "Андижон")
***
Бомбардир бомбардирни кўрса оёғи қичийди.
***
Оширсанг ураман, сўксанг тураман.
***
Бир балоси бўлмаса майдонда "баклашка" не қилур?
***
Билса офсайд, билмаса гол.
***
Бир тайм минг тайммас.
***
Бир голни ўн бир киши бўлишибди.
***
Бир мавсумга жамоа ўлмас, иккинчи мавсумга ҳомий чидамас.
***
Бир ҳакамнинг ҳийласи қирқ жамоага юк бўлар.
***
Бир футболчи гол урса қирқ футболчи туш кўрар.
***
Оёғи оғримаганнинг пенальти тепишини қара.
***
Ҳакамни йўқласанг карточкаси кўринади.
***
Ёпиғлиқ дарвоза ёпиғлигича қолсин.
***
Очкони кузда санайдилар.
***
Карнайчидан битта "пуф",
реферидан битта "чур".
***
Олтин голинг бўлмаса ҳам олтин пасинг бўлсин.
***
Яхши ният - ярим гол.
***
Бир футболчига қирқ гол ҳам кам.
***
Голини ургин-у пасини сўрама.
***
Бир гол урган дарвозангга қирқ кун салом бер.
***
Меҳмоннинг ҳурмати бир тайм.
***
Ўйиннинг қирқ беши қоронғу бўлса, қирқ беши ёруғ.
***
"Жонли девор"нинг ҳам қулоғи бор...
***
Олтин олма, контракт имзола.
***
Гуруч курмаксиз бўлмайди,
Бекхем соч турмаксиз.
***
Пул бўлса бўйинда медаль.
***
"Гол" деган билан ҳисоб ўзгариб қолмайди.
***
Қорнимгамас, асосий таркибдаги ўрнимга йиғлайман.
***
Дарвозабоннинг боши эгилгунча бурама тўпнинг дами чиқсин.
***
Юзта "бўл-бўл"дан битта гол яхши.
***
Гап карточкадамас, унинг рангида.
***
Ўз стадионим- ўлан газоним.
***
Фанатни урма-сўкма, футболкасини йирт.
***
Мураббийнинг кўнгли ўйинчида, ўйинчининг кўнгли суюнчида.
***
Олтин медаль зангламас.
***
Ҳар кимники ўзига - чемпион кўринар кўзига.
***
Стадион бедарвоза эмас.
***
Мураббийим кетишини билганимда битта тўпга алмаштирардим.
***
Ҳужумда йўқ, ҳимояда йўқ - пенальтида ҳозир.
***
Бўйнидан боғланган корхона ҳомийликка ярамас.
***
Карточка карточкани кўриб ранг олади.
***
Икки ёрти бир бутун
Икки сариқ бир қизил.
***
Пеле бўлишни орзу қилмаган футболчи - футболчи эмас!
***
Эгилганга гол ур, ҳисоб биру нолга етгунча,
Керилганга гол ур, ҳисоб ўну нолга етгунча.
***
Бўлмағур жамоага об-ҳаво баҳона.
***
Тепа тепа гол бўлур.
***
Гар стадион бўлса қўтир - яхшиси уйда ўтир.
***
Текинга футболчи майдонга чиқмайди.
***
Кўпдан копток қочиб қутулмас.
***
Кўп урган- кўп олар.
***
Бир футболчига етти мураббий ота-она.
***
Мураббийнинг қизининг ғайрати футбол бошланганда келибди.
***
Келин олсанг - ишини кўр,
Бутса олсанг - тишини.
***
Кўз кўради, оёқ уради.
***
Бир дарвозага икки дарвозабон сиғмайди.
***
"Баковой"нинг югургани майдон марказигача.
***
Гол каттадан, пас кичикдан.
***
Пулинг бўлса жадвалда очко.
***
Бояғи-бояғи, "бакавой"нинг таяғи.
***
Дарвозани қўлқоп билан ёпиб бўлмас.
Киритилган сана: 11.01.2012 18:40. Ўкилди: 6840 марта.
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
