Блог
Рустам Сулаймонов
Бир чимдим кулгу
МУАЛЛИФНИНГ БОШҚА МАҚОЛАЛАРИ
БЛОГГЕРЛАР
БОЛТАВОЙ: Мен сизни ўхшатдим.
ТЕШАВОЙ: Нимага ўхшатдингиз?
БОЛТАВОЙ: Дарвозанинг тўрига ўхшатдим.
ТЕШАВОЙ: Дарвозанинг тўри бўлганимда нима қилардиз?
БОЛТАВОЙ: "Бакавой" ҳакам бўволиб, танаффусда ҳеч ким тешиб қўймадимикан, деб байроғимнинг сопи билан этагингизни кўтариб-кўтариб текшириб кўрардим.
ТЕШАВОЙ: Мен ҳам сизни ўхшатдим.
БОЛТАВОЙ: Нимага ўхшатдингиз?
ТЕШАВОЙ: Стадионга кираётган мухлисга ўхшатдим.
БОЛТАВОЙ: Стадионга кираётган мухлис бўлганимда нима қилардингиз?
ТЕШАВОЙ: Мелиса бўволиб "баклашка"даги сувингизни олиб қолиб, роса чанқатардим.
БОЛТАВОЙ: Мен сизни футбол журналистига ўхшатдим.
ТЕШАВОЙ: Футбол журналисти бўлганимда нима қилардингиз?
БОЛТАВОЙ:Футболчи бўволиб, гол уравериб роса қайт қилдирардим.
ТЕШАВОЙ: Мен ҳам сизни стадиондаги мухлисга ўхшатдим.
БОЛТАВОЙ: Стадиондаги мухлис бўлганимда нима қилардингиз?
ТЕШАВОЙ: Гол урганимдан кейин қўлимни қулоғимга "локатор" қилиб "эшитмаяпман" деб, роса бақиртирардим.
ТЕШАВОЙ: Мен сизни дарвозабонга ўхшатдим.
БОЛТАВОЙ:Дарвозабон бўлганимда нима қилардингиз?
ТЕШАВОЙ: Футболчи бўволиб, пенальти тепганда сизни бир томонга ётқизиб, бошқа томондан солардим.
БОЛТАВОЙ: Мен ҳам сизни дарвозабонга ўхшатдим.
ТЕШАВОЙ: Дарвозабон бўлганимда нима қилардингиз?
БОЛТАВОЙ: Пенальтини секин тепиб, ушлатиб қуярдим.
ТЕШАВОЙ: Мен сизни Матераццига ўхшатдим.
БОЛТАВОЙ:Матерацци бўлганимда нима қилардингиз?
ТЕШАВОЙ: Зидан бўволиб кўкрагингизни пойлардим.
БОЛТАВОЙ: Мен сизни термамиз мухлисига ўхшатдим.
ТЕШАВОЙ: Термамиз мухлиси бўлганимда нима қилардингиз?
БОЛТАВОЙ: Абрамов бўволиб термага ўзимни ёқимтойларимни чақиравериб роса куйдирардим.
ТЕШАВОЙ: Мен сизни ҳакамга ўхшатдим.
БОЛТАВОЙ: Ҳакам бўлганимда нима қилардингиз?
ТЕШАВОЙ: Саркисян бўволиб роса сўкардим.
БОЛТАВОЙ: Мен ҳам сизни ҳакамларни сўкадиган мураббийларга ўхшатдим.
ТЕШАВОЙ: Ҳакамларни сўкадиган мураббий бўлганимда нима қилардингиз?
БОЛТАВОЙ: Равшан Эрматов бўволардим, жим ўтирардингиз.
ТЕШАВОЙ: Мен сизни биру нолга ютаётган жамоа мураббийига ўхшатдим.
БОЛТАВОЙ: Биру нолга ютаётган жамоа мураббийи бўлганимда нима қилардиз?
ТЕШАВОЙ: Ҳакам бўволиб ўйинга ўн минут қўшиб бериб юрагингизни роса пўккилатардим.
БОЛТАВОЙ: Мен сизни гол урган футболчига ўхшатдим.
ТЕШАВОЙ: Гол урган футболчи бўлсам нима қилардингиз?
БОЛТАВОЙ: Гол урганингиздан кейин ўн киши устингизга чиқиб роса босардик.
Киритилган сана: 21.01.2012 10:31. Ўкилди: 10176 марта.
ФИКР БИЛДИРИШ УЧУН РЕГИСТРАЦИЯДАН УТИШ КЕРАК!
Билдирилган фикрлар:
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
