Ёшлар лигаси 19-туридан ўрин олган “Насаф” – “Пахтакор” жамоаларининг ўринбосарлари ўзаро куч синашишди.
Учрашув жуда қизиқарли ва курашларга бой тарзда кечди. Ўйиндаги ҳисоб 3-дақиқада ўринбосарларимиз томонидан очилди. Ҳакам томонидан “Пахтакор” ёшлари дарвозасига белгиланган пенальтини Дилшод Хушбаков бехато амалга ошириб, жамоасини ҳисобда олдинга олиб чиқди – 1:0.
Бу голдан сўнг майдонда ўйин янада шиддатли кечди. Жамоалар имкон пайдо бўлгандан олдинга ташланишди. Ўйин ана шундай давом этаётган бир пайтда, яъни дастлабки бўлимнинг сўнгги дақиқаларида меҳмонлар орадаги ҳисобни тенглаштиришга эришдилар. Аббос Отахоновнинг жарима майдонига ошириб берган тўпини Собит Синдоров тўхтатмасдан давроазага аниқ йўллади – 1:1.
Биринчи бўлим ана шу ҳисобда якунланди.
Иккинчи бўлим ҳам курашларга бой ва муросасиз кечди. Мураббийлар таркибда бир қанча ўзгаришларни амалга оширишди, бу ҳам ўйин суръатига ижобий таъсир кўрсатди. Учрашув биринчи бўлими якунланишига беш дақиқа қолганда жамоамиз яна ҳисобда олдинга ўтиб олди. Бурчакдан оширилган тўпни Мақсуд Каримов боши билан дарвозага жойлаб қўйди – 2:1.
Ушбу голдан сўнг “Пахтакор” ёшлари ҳисобни тенглаштириш учун бор кучлари ҳаракат қилишди. Ўйиннинг сўнгги дақиқаларида улар бари-бир ўз ниятларига эришдилар. Ҳакам томонидан дарвозамиз томон белгиланган 11 метрлик жарима тўпини Темур Толипов аниқ амалга оширди ва ҳисобни 2:2га ўзгартирди.
Учрашув ана шу ҳисобда ўз якунига етди. Ёшларимиз навбатдаги учрашувни 25 август куни сафарда “Қўқон-1912” ёшларига қарши ўтказишади.
Ёшлар лигаси, 19-тур.
“Насаф” (Қарши) – “Пахтакор” (Тошкент) 2:2 (1:1)
18.08.2016. “Насаф” ёшлари қароргоҳи майдони. 17:30да
Бош ҳакам: Ахрол Рисқуллаев (Тошкент)
Ҳакамлар: Артём Калинин (Қарши), Зуфар Элибоев (Қарши), Комилжон Расулов (Қарши).
Назоратчи: Сардор Нажафалиев (Тошкент).
Гол: Дилшод Хушбаков (пен.), 3’-1:0, Мақсуд Каримов, 85’-2:1 – Собит Синдаров, 41’- 1:1, Темур Толипов (пен.), 88’-2:2
“Насаф”: 30.Умиджон Эргашев, 4.Мақсуд Каримов 5.Раҳимбек Жавлиев, 6.Сирожиддин Қўзиев (38.Жаҳонгир Қурбонбоев 54) , 7.Акбар Муродов, 16.Дилшод Хушбаков, 18.Акмалжон Алимов, 22.Ислом Кенжабоев, 28.Сардор Садуллаев (10.Алфайзи Неъматов 70), 36.Акмал Мозговой (34.Илҳомжон Алижонов 81), 41.Нажмиддин Нормуродов (с).
Захира: 13.Музаффар Шарипов, 14.Достонбек Бердиқулов, 15.Аббос Бахшиллаев, 32.Абдулазиз Нишонбоев.
“Пахтакор”: 50.Умиджон Ҳамроев, 5.Хушнудбек Авилов, 6.Аббос Отахонов (29.Савелий Абрамов 46), 7.Акобир Тўраев (8.Дониёр Ҳошимов 67), 15.Азимжон Ахмедов (4.Иброҳим Йўлдошев 80), 18.Равшан Хурсанов (10.Сухроб Нуруллаев 46), 19.Темур Толипов, 23.Даврон Ҳошимов, 26.Ҳожиакбар Алижонов, 34.Собит Синдоров (22.Григорян Ахмедов 86), 38.Жамшид Юсупов (21.Бехрўз Садиллоев 52).
Захира: 30.Ботирали Эргашев.
Огоҳлантириш: Акбар Муродов 69, Раҳимбек Жавлиев 86, Умиджон Эргашев 87, Раҳимбек Жавлиев 87, Жаҳонгир Қурбонбоев 90 – Жамшид Юсупов 37, Собит Синдоров 73, Дониёр Ҳошимов 90.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
