Хабар берганимиздек, бугундан Тожикистонда старт оладиган футзал бўйича халқаро «Халқлар Дўстлиги Кубоги» олдидан қуръа ташлаш маросими бўлиб ўтди. Тадбир якунланганидан кейин даставвал ўйин олди митинг ўтказилди. Унда ўйинга боғлиқ бир қатор масалалар, хусусан жамоаларни қайси рангдаги либосда ўйнаши-ю, учрашув соат неччида бошланишига аниқлик киритилди. Унга кўра, «Бунёдкор» биринчи турни бугун Тошкент вақти билан 14:00да Қирғизистон чемпиони «Боткен»га қарши кўк рангли либосда ўтказади.
Ўйин олди митинг якунлангач «А» гуруҳи бош мураббийлари ва ОАВ ўртасида матбуот анжумани ташкил этилди.
- Барчангизни янгиланиш фасли баҳор ва Наврўз айёми билан табриклайман! Мусобақа иштирокчиларига омад тилайман!
Биз турнирга юқори ўринларни эгаллаш учун келганмиз. Раҳбарият олдимизга кучли учликка кириш вазифасини қўйган. Жамоа аъзолари раҳбарият томонидан билдирилган ишончни оқлашга ҳаракат қиламиз. Олдимизга қўйилган вазифани бажариш учун бор кучимизни ишга соламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).