Мавсум якунланиши учун икки ой қолганига қарамай, “Олтин тўп” учун даъвогарлар номи аниқ бўлганича йўқ. Аслида бу мавсум сўнггида бўлиб ўтиши кутилган “Евро-2020” мусобақаси барчасига ойдинлик киритиши керак эди, бироқ коронавирус барча режаларни барбод қилди. Бугун бу мавсумда “Олтин тўп” учун даъвогарлик қилиши кутилаётган футболчилар бешлиги қисқача билан таништириб ўтамиз.
Лео Месси
Ўзининг 7-олтин тўпини қўлга киритиш Месси учун осон бўлмаслиги аниқ, бироқ унда имконият мавжуд. Аргентиналик футболчи айни дамда Ла Лигада 19 та гол билан тўпурарлик қилмоқда. Қаҳрамонимиз мавсум стартида кўриниш бермаган бўлсада, 2020-йилни кўтаринки кайфитатда бошлади. 2020-йилда Месси 9 та гол ва 7 та голли узатмани амалга оширганча, “Барселона”ни ортидан етаклашда давом этмоқда. Катта эҳтимол билан, Европа чемпионати ўтказилганида, Лео “олтин тўп”ни қўлга киритиш имконияти камайиб кетган бўлар эди. Вирус сабабли келаси йилга қолдирилган мусобақа аргентиналик футболчи учун имконият эшикларини очиши турган гап.
Криштиану Роналду
Криштиану бу мавсумни пастроқ темпда бошлади. Шунга қарамай, декабрь ойидан бошлаб тезлик олишни бошлади ва А сериянинг 11 та учрашувида майдонни голсиз тарк этмади. Бундан ташқари, сўнгги икки ой давомида айнан Роналду Италияда ойнинг энг яхши футболчиси деб эътироф этилди. Қаҳрамонимиз 2020-йилга келиб ўзининг спорт формасини энг юқори чўққига олиб чиқишни уддалади. 13 та гол ва 2 та ассист. Унинг ёшидаги футболчилар учун шунчаки фантастик кўрсатгич. Коронавирус сабабли тўхтатилган мавсум Роналдунинг зарарига ишлаши мумкин. Сабаби, УEФА қолдирилган учрашувларни ёзда ўтказишни режалаштирмоқда. Бундан кўриниб турибдики, Роналдунинг спорт режими бундай вазиятда иш бериши мушкуллашади. Асосан жисмоний имкониятлари эвазига ўз статусини ушлаб қолаётган португалиялик ўз фаолиятида бундай паузага дуч келмаган. Воқеялар ривожи янада қизиқарли бўлиши аниқ. Кузатишда давом этамиз.
Неймар
Неймар ҳам корона-танаффусга кўтаринки кайфиятда етиб келди. Айниқса, унинг икки йилдан бери давом этиб келаётган ЕЧЛдаги омадсизлиги “Боруссия”га қарши учрашувда йўққа чиқди. Бразилиялик футболчи дортмундликлар билан ўйинларда иккита гол киритди ва ПСЖни чорак финалга олиб чиқди. Қаҳрамонимиз 2020-йилда 9 та гол ва 4 та ассистни амалга оширишга муваффақ бўлди. Бу чакки корсаткич эмас. Боз устига, унинг ЕЧЛдаги қаҳрамонлигини ҳам унутмаслик лозим! Умуман олганда, Европа чемпионати қолдирилгач, Неймарда узоқ кутилган “Олтин тўп”ни қўлга киритиш учун имкон пайдо бўлмоқда. Бунинг учун ЕЧЛда нималарга қодир эканлигини намоён қилиш керак. ПСЖнинг Франция чемпионлигини қўлга киритиши Неймарга ҳеч қандай қўшимча имконият тақдим этмаслиги аниқ.
Мбаппе
“Олтин тўп” учун энг ёш фаворит. Тўғри, сўнгги пайтларда Неймар ПСЖнинг асосий юлдузи эканини исботлаб қўйди, бироқ бразилиялик жароҳат олганида Мбаппе нималарга қодир эканини барчага намойиш этиб қўйгани ҳам бор ҳақиқат. Тан олиш лозим, Неймар ва Мбаппе замонавий футболдаги энг кучли тандемлардан бири. Мбаппе бугунги кунда “Лига 1”да 18 та гол билан пешқадамлик қилмоқда. Бундан ташқари, клуб мамлакатнинг иккита кубоги финалига қадар етиб келган. Киллиан 2020-йилни қолган даъвогарлардан ёмон ўтказмаяпти. 13 та гол ва 9 та голли узатма.
Левандовски
“Бавария” мавсумни беқарор бошлаган бўлса-да, Левандовски барқарор ўйин кўрсатишдан тўхтамади. У “Бавария”нинг энг қийин паллада ҳам пастга тушиб кетмаслиги учун ҳаракат қилди ва уддалади. Польшалик футболчи Бундеслиганинг қаторасига 15 та учрашувида гол киритди ва мусобақа тўпурарига (25) айланиб олди. Шунингдек, у ЕЧЛнинг бу мавсумида тўпурарлар пойгасида ҳам (11) барчадан олдинда кетмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
