Бугун “Навбаҳор” ўз уй учрашувларини ўтказадиган Наманган шаҳридаги “Марказий” ўйингоҳда йиғилиш ўтказилди. Унда Наманган вилоят ҳокими, вилоят футбол ассоциацияси президенти Хайрулло Ҳайитбаевич Бозоров, Наманган шаҳар ҳокими, “Навбаҳор” ПФК президенти Олим Ботирович Исаев, “Навбаҳор” ПФК вице-президенти Ойбек Арифович Саматов, шунингдек, клуб раҳбарияти, “Марказий” ўйингоҳ директори Набихон Абдуғаниев, жамоа мураббийлар штаби ва футболчилар иштирок этишди.
Йиғилишда Наманган вилоят ҳокими Хайрулло Бозоров сўзга чиқиб, коронавирус пандемияси сабабли бутун дунё, шу жумладан, Ўзбекистонда ҳам футбол ўйинлари вақтинча тўхтатилганлиги, 13 июндан юртимизда яна Суперлига баҳслари рестарт олаётганлиги қувонарли ҳолат эканлиги, “Навбаҳор”нинг олдига жорий мавсумда юксак мақсад, яъни Осиё Чемпионлар Лигаси йўлланмасини қўлга киритиш вазифаси қўйилганлиги, буни амалга ошириш учун футболчилар баҳамжиҳат, майдонда жонкуярлик билан тўп суришлари лозимлиги, мухлисларга ўз ғалабалари билан қувонч улашиш футболчиларга боғлиқ эканлиги, жамоага юрагида ўти бор, “Навбаҳор” шаъни учун курашадиган ўйинчилар кераклигини таъкидлади.
Шундан сўнг, “Навбаҳор” ПФК президенти Олим Исаев сўзга чиқиб, футболчилар халққа хурсандчилик бахшида этадиган касб соҳиблари эканлиги, коронавирус пандемияси даврида мухлисларга ўзларининг ғалабалари билан қувонч ҳадя этишлари лозимлигини айтиб ўтди.
Сўнгра, “Навбаҳор” бош мураббийи Андрей Канчельскис, жамоа сардори Азимжон Аҳмедов, жамоанинг етакчи футболчиларидан бири Азизбек Турғунбоев сўзга чиқиб, “Навбаҳор”га яратилаётган шароитлар учун Хайрулло Бозоров, шунингдек, клуб раҳбариятига ўз миннатдорчиликларини билдириб, бу йил жамоа ўз олдига қўйган мақсадини амалга ошириши, ишончни оқлаш учун қўлдан келганича ҳаракат қилишларини таъкидлашди.
14 июнь куни Coca Cola Суперлига 4-туридан ўрин олган, сафарда Қаршининг “Насаф” жамоасига қарши кечадиган бўлажак ўйин олдидан футболчиларни руҳлантириш мақсадида, клуб раҳбарияти томонидан жамоа мураббийлар штаби ва футболчиларига исм-шарифлари ёзилган эсдалик қўл соатлари совға қилинди ҳамда уни Наманган вилоят ҳокими Хайрулло Бозоров топширди.
Йиғилиш сўнггида Наманган вилоят ҳокими Хайрулло Бозоров, Наманган шаҳар ҳокими Олим Исаев ҳамда клуб раҳбарияти жамоага Қаршидаги ҳамда жорий мавсум давомидаги учрашувларда омад ёр бўлиши, ОЧЛ йўлланмасини қўлга киритишини тилашди.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
