Bugun “Navbahor” o‘z uy uchrashuvlarini o‘tkazadigan Namangan shahridagi “Markaziy” o‘yingohda yig‘ilish o‘tkazildi. Unda Namangan viloyat hokimi, viloyat futbol assosiasiyasi prezidenti Xayrullo Hayitbayevich Bozorov, Namangan shahar hokimi, “Navbahor” PFK prezidenti Olim Botirovich Isayev, “Navbahor” PFK vise-prezidenti Oybek Arifovich Samatov, shuningdek, klub rahbariyati, “Markaziy” o‘yingoh direktori Nabixon Abdug‘aniyev, jamoa murabbiylar shtabi va futbolchilar ishtirok etishdi.
Yig‘ilishda Namangan viloyat hokimi Xayrullo Bozorov so‘zga chiqib, koronavirus pandemiyasi sababli butun dunyo, shu jumladan, O‘zbekistonda ham futbol o‘yinlari vaqtincha to‘xtatilganligi, 13 iyundan yurtimizda yana Superliga bahslari restart olayotganligi quvonarli holat ekanligi, “Navbahor”ning oldiga joriy mavsumda yuksak maqsad, ya’ni Osiyo Chempionlar Ligasi yo‘llanmasini qo‘lga kiritish vazifasi qo‘yilganligi, buni amalga oshirish uchun futbolchilar bahamjihat, maydonda jonkuyarlik bilan to‘p surishlari lozimligi, muxlislarga o‘z g‘alabalari bilan quvonch ulashish futbolchilarga bog‘liq ekanligi, jamoaga yuragida o‘ti bor, “Navbahor” sha’ni uchun kurashadigan o‘yinchilar kerakligini ta’kidladi.
Shundan so‘ng, “Navbahor” PFK prezidenti Olim Isayev so‘zga chiqib, futbolchilar xalqqa xursandchilik baxshida etadigan kasb sohiblari ekanligi, koronavirus pandemiyasi davrida muxlislarga o‘zlarining g‘alabalari bilan quvonch hadya etishlari lozimligini aytib o‘tdi.
So‘ngra, “Navbahor” bosh murabbiyi Andrey Kanchelskis, jamoa sardori Azimjon Ahmedov, jamoaning yetakchi futbolchilaridan biri Azizbek Turg‘unboyev so‘zga chiqib, “Navbahor”ga yaratilayotgan sharoitlar uchun Xayrullo Bozorov, shuningdek, klub rahbariyatiga o‘z minnatdorchiliklarini bildirib, bu yil jamoa o‘z oldiga qo‘ygan maqsadini amalga oshirishi, ishonchni oqlash uchun qo‘ldan kelganicha harakat qilishlarini ta’kidlashdi.
14 iyun kuni Coca Cola Superliga 4-turidan o‘rin olgan, safarda Qarshining “Nasaf” jamoasiga qarshi kechadigan bo‘lajak o‘yin oldidan futbolchilarni ruhlantirish maqsadida, klub rahbariyati tomonidan jamoa murabbiylar shtabi va futbolchilariga ism-shariflari yozilgan esdalik qo‘l soatlari sovg‘a qilindi hamda uni Namangan viloyat hokimi Xayrullo Bozorov topshirdi.
Yig‘ilish so‘nggida Namangan viloyat hokimi Xayrullo Bozorov, Namangan shahar hokimi Olim Isayev hamda klub rahbariyati jamoaga Qarshidagi hamda joriy mavsum davomidagi uchrashuvlarda omad yor bo‘lishi, OCHL yo‘llanmasini qo‘lga kiritishini tilashdi.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
