Йилнинг энг яхшилари аниқланмоқда (1-қисм)
Айни пайтда Ўзбекистон футбол ассоциацияси ва Ўзбекистон профессионал лигасининг турли номинациялар бўйича йилнинг энг яхшиларини тақдирлаш маросими бўлиб ўтмоқда. Ғолиблар билан таништириб борамиз.
“Ўзбек футболи нуронийси”
ЎФА Фахрийлар кенгаши аъзоси, ўтмишнинг ёрқин юлдузи Евгений Валицкий “Ўзбек футболи нуронийси” соврини билан тақдирланади
Евгений Борисович кўп йиллар давомида Ўзбекистонда малакали футболчи ва мураббийларни тарбияланишида ўзининг муносиб ҳиссасини қўшиб келди.
“Энг яхши ёшлар мураббийи”
Болалар ва ўсмирлар футболи бўйича 2020 йилнинг совриндор мураббийи Зайниддин Тожиев “Энг яхши ёшлар мураббийи” соврини билан тақдирланади.
Зайниддин Тожиев “Одил Аҳмедов” академияси жамоасининг бош мураббийи сифатида U12 ва U13 Тошкент шаҳар чемпионлигини ҳамда Тошкент терма жамоаси билан Ўзбекистон кубоги ва ЎФА Суперкубоги бош совринини қўлга киритди.
“Энг яхши ёш футболчи”
Ўзбекистон Миллий терма жамоасида ёшларга берилаётган имконият ўз самарасини бера бошлади. Бир йўла уч нафар 2001 йилда таваллуд топган футболчилар МТЖда дебют ўйинини ўтказдилар. Булар Ҳожимат Эркинов, Иброҳимҳалил Йўлдошев ва Абдувоҳид Неъматов.
Улар орасида Суперлига ўйинларини тўлиқ ўтказган «Насаф» клуби дарвозабони Абдувоҳид Неъматов “Энг яхши ёш футболчи” номига сазовор бўлди.
Самарали ҳамкорлик
2020 йилги мавсум давомида Ўзбекистон Суперлигаси ва Про Лига учрашувларини ташкил этишда самарали ҳамкорлик учун Coca Cola, Apex, Спорт телеканали ҳамда UZREPORT TV тақдирланди.
Махсус соврин
2020 йилнинг кашфиёт клуби, кетма-кет 3 мавсумда ўзи иштирок этган чемпионатларда ғолибликни қўлга киритган, 2021 йилги Ўзбекистон Суперлигасига йўлланмасига эга чиққан Яйпаннинг «Турон» жамоаси Махсус соврин билан тақдирланди.
Про Лиганинг энг яхши футболчиси
2020 йилги Про Лига беллашувларида муносиб ўйин намойиш этган футболчилар кўп бўлди. Улар орасида Абдулазизхон Абдурашидов, Жасур Холтўраев ва Отабек Зокиров ўз ўйинлари билан алоҳида ажралиб туришди.
Ўтказилган сўровномага кўра «Турон» клуби ҳужумчиси Абдулазизхон Абдурашидов “Про Лиганинг энг яхши футболчиси” соврини билан тақдирланди.
Киритилди: 16:19, 26.12.2020. Ўқилди: 3045 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
