Ayni paytda O‘zbekiston futbol assosiasiyasi va O‘zbekiston professional ligasining turli nominasiyalar bo‘yicha yilning eng yaxshilarini taqdirlash marosimi bo‘lib o‘tmoqda. G‘oliblar bilan tanishtirib boramiz.
“O‘zbek futboli nuroniysi”
O‘FA Faxriylar kengashi a’zosi, o‘tmishning yorqin yulduzi Yevgeniy Valiskiy “O‘zbek futboli nuroniysi” sovrini bilan taqdirlanadi
Yevgeniy Borisovich ko‘p yillar davomida O‘zbekistonda malakali futbolchi va murabbiylarni tarbiyalanishida o‘zining munosib hissasini qo‘shib keldi.
“Eng yaxshi yoshlar murabbiyi”
Bolalar va o‘smirlar futboli bo‘yicha 2020 yilning sovrindor murabbiyi Zayniddin Tojiyev “Eng yaxshi yoshlar murabbiyi” sovrini bilan taqdirlanadi.
Zayniddin Tojiyev “Odil Ahmedov” akademiyasi jamoasining bosh murabbiyi sifatida U12 va U13 Toshkent shahar chempionligini hamda Toshkent terma jamoasi bilan O‘zbekiston kubogi va O‘FA Superkubogi bosh sovrinini qo‘lga kiritdi.
“Eng yaxshi yosh futbolchi”
O‘zbekiston Milliy terma jamoasida yoshlarga berilayotgan imkoniyat o‘z samarasini bera boshladi. Bir yo‘la uch nafar 2001 yilda tavallud topgan futbolchilar MTJda debyut o‘yinini o‘tkazdilar. Bular Hojimat Erkinov, Ibrohimhalil Yo‘ldoshev va Abduvohid Ne’matov.
Ular orasida Superliga o‘yinlarini to‘liq o‘tkazgan «Nasaf» klubi darvozaboni Abduvohid Ne’matov “Eng yaxshi yosh futbolchi” nomiga sazovor bo‘ldi.
Samarali hamkorlik
2020 yilgi mavsum davomida O‘zbekiston Superligasi va Pro Liga uchrashuvlarini tashkil etishda samarali hamkorlik uchun Coca Cola, Apex, Sport telekanali hamda UZREPORT TV taqdirlandi.
Maxsus sovrin
2020 yilning kashfiyot klubi, ketma-ket 3 mavsumda o‘zi ishtirok etgan chempionatlarda g‘oliblikni qo‘lga kiritgan, 2021 yilgi O‘zbekiston Superligasiga yo‘llanmasiga ega chiqqan Yaypanning «Turon» jamoasi Maxsus sovrin bilan taqdirlandi.
Pro Liganing eng yaxshi futbolchisi
2020 yilgi Pro Liga bellashuvlarida munosib o‘yin namoyish etgan futbolchilar ko‘p bo‘ldi. Ular orasida Abdulazizxon Abdurashidov, Jasur Xolto‘rayev va Otabek Zokirov o‘z o‘yinlari bilan alohida ajralib turishdi.
O‘tkazilgan so‘rovnomaga ko‘ra «Turon» klubi hujumchisi Abdulazizxon Abdurashidov “Pro Liganing eng yaxshi futbolchisi” sovrini bilan taqdirlandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
