«Металлург» ва «Сурхон» жамоалари шу пайтгача Суперлига (Олий лига) доирасида 20 марта тўқнаш келишган бўлиб, устунлик пойтахт вилояти вакиллари томонида. Бекободликлар 9 учрашувда ғалаба қозонган, 7 ўйинда кучлар тенг келган, 4 баҳсда термизликлар зафар қучишган. Киритилган ва ўтказиб юборилган тўплар фарқи “Металлург” фойдасига – 23:17. Ушбу ўйинларда пойтахт вилояти вакиллари 34, сурхондарёликлар эса 19 очколик бўлишган.
Бекободда кечган 10 учрашувда “Металлург” катта устунликка эга. Майдон эгалари 8 та ўйинда рақибларини таслим этган бўлса, 1 та ўйинда кучлар тенг келган. Яна 1 та учрашувда омад “Сурхон” жамоасига кулиб боққан. Киритилган ва ўтказиб юборилган тўплар нисбати – 15:4, “Металлург” фойдасига.
"Металлург" - "Сурхон" жамоаларининг Бекободда бўлиб ўтган барча учрашувлар натижалари:
07.08.2021 “Металлург” – “Сурхон” – 0:1
29.11.2020 “Металлург” – “Сурхон” – 1:0
30.11.2019 “Металлург” – “Сурхон” – 2:0
18.09.2004 “Металлург” – “Сурхон” – 1:0
23.08.2003 “Металлург” – “Сурхон” – 2:0
02.11.2002 “Металлург” – “Сурхон” – 1:0
13.03.2001 “Металлург” – “Сурхон” – 2:1
06.08.2000 “Металлург” – “Сурхон” – 2:1
06.11.1999 “Металлург” – “Сурхон” – 1:1
23.09.1998 “Металлург” – “Сурхон” – 3:0
“Сурхон” ҳақида
“Сурхон” жамоасига 1968 йилда асос солинган. Дастлабки йили “Чегарачи” номи билан қатнашган клуб кейинги тўрт мавсумда “Автомобилист” номини олди. 1974 йилги мусобақада “Спартак” номида қатнашган термизликлар кейин яна тўққиз мавсум – 1975-1983 йиллар давомида “Автомобилист” номига мурожаат этишган. 1984-1993 йилларда “Сурхон”, 1994-1996 йилларда АСК, 1997-2008 йилларда “Сурхон”, 2009-2010 йилларда “Динамо-Ҳисор”, 2010-2011 йилларда “Термиз” номлари остида мусобақаларда иштирок этиб келди. 2012 йилдан жамоа яна ўзининг қадрдон номи – “Сурхон”ни тиклади ва бугунги кунга қадар ушбу ном остида ўйнаб келмоқда.
Жамоа кучлилар сафида бугунга қадар 454та ўйин ўтказган. Термизликлар мазкур ўйинларнинг 130тасида ғалаба қозонган, 81та ўйинда дуранг ўйнаган, 243та учрашувда имкониятни бой берган. Киритилган ва ўтказиб юборилган тўплар фарқи – 522:848.
“Сурхон”нинг элитадаги энг йирик ғалабаси – 8:0 (“Афросиёб”, 1997 йил), энг йирик мағлубияти – 0:10 (“Сўғдиёна”, 1992).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
