"Арсенал" бу мавсумда ўзига хос натижа қайд этмоқда. Бир пайтлар бутун бир мавсумни мағлубиятларсиз тугатган жамоа, жорий йилда ҳам муваффақиятли қадамлар ташламоқда. Айтиш мумкинки, "Арсенал"нинг айни дамдаги даражаси, ўша, "Енгилмаслар"дан кам жойи йўқ. 2003-2004 йилги мавсумда Арсен Венгер шогирдлари 29 та турдан кейин 73 очко тўплаган эди. Ўша жамоа 38 та турнинг чорак қисмида дуранг қайд этиб, қолганида ғалаба қозонган. Эски "Арсенал" март ўртасида Сэм Эллердайс бошчилигидаги "Вест Бром"ни қийинчилик билан мағлуб этиб, етакчиликни сақлаб қолади.
Масалан, бу мавсумда Микель Артета шогирдлари ўша афсонавий жамоадан атиги бир очко кам тўплаган холос. Тўғри, ҳозирги "Арсенал" аллақачон уч марта, "МЮ", "Манчестер Сити" ва "Эвертон"га мағлуб бўлди. Аммо, шу билан биргаликда буниси, Венгер жамоасига қараганда камроқ дуранг қайд этди ва мавсумнинг айни қисмига қадар улардан кўпроқ баҳсни ўз фойдасига ҳал қила олди. Яна бир статистика бор: "Арсенал"нинг ҳозирги таркиби, Тьерри Анри ва шериклари 29 турдан кейин қайд этган голлардан кўра 13 та кўп гол урди. Бироқ, ўтказиб юборилган голлар сони 8 тага кўпроқ.
2003-04 йилги мавсумнинг баҳорида "Арсенал" тўққизта ғалабали серияни қайд этади. Бу тарафдан Артета жамоаси ўз ўтмишдошларига жуда ҳам ўхшаб кетади. Кечаги "Лидс"га қарши баҳс жамоанинг кетма-кет еттинчи ғалабаси бўлди. Шуни ҳам таъкидлаб ўтиш керакки, ҳозирги "Арсенал"да Венгер жамоаси мағлубиятсиз мавсумда қайд этган 90 очко ва 68.4 фоизлик ғалаба кўрсаткичини янгилаш имкони бор. Афсуски, бу чемпионлик учун етарли бўлмаслиги мумкин. Негаки, "Арсенал"нинг айни дамдаги таъқибчиси "Манчестер Сити", ўтган охирги 5 та мавсумнинг 4 тасида 90 очкодан кўп тўплаган ва уларнинг ҳар бирида чемпионликка эришган. Ҳозир ҳам "шаҳарликлар" Лондон жамоаси ортидан қолмаяпти.
Микель Артета ўша афсонавий мавсумдан етти йил ўтиб "Арсенал"га келади. Шунга қарамай, у Арсен Венгер таълимини олишга эришади. Айни дамда у Гвардиола ва Венгер қўлланмаларидан моҳирона фойдаланиб келмоқда. Қуйида Венгернинг мағлубиятсиз мавсуми ва ҳозирги "Арсенал"нинг 29 турдан кейин қандай натижага эришганини таққослаб кўрамиз.
2022-23 йилги "Арсенал":
Ўйинлар: 29 та
Очколар: 72
Ғалабалар: 23 та
Дуранглар: 3 та
Мағлубиятлар: 3 та
Голлар: 70 та
Ўтказилган голлар: 27 та
Ўртача урилган голлар: 2.41 та
Ўртача ўтказилган голлар: 0.93
Ўртача очко олиш: 2.48
Ғалаба кўрсаткичи: 79.3 %
Мағлубият кўрсаткичи: 10.3 %
2003-04 йилги "Арсенал":
Ўйинлар: 29 та
Очколар: 73
Ғалабалар: 22 та
Дуранглар: 7 та
Мағлубиятлар: 0 та
Голлар: 57 та
Ўтказилган голлар: 19 та
Ўртача урилган голлар: 1.96
Ўртача ўтказилган голлар: 0.65
Ўртача очко олиш: 2.5
Ғалаба кўрсаткичи: 75 %
Мағлубият кўрсаткичи: 0%
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
