"Arsenal" bu mavsumda o‘ziga xos natija qayd etmoqda. Bir paytlar butun bir mavsumni mag‘lubiyatlarsiz tugatgan jamoa, joriy yilda ham muvaffaqiyatli qadamlar tashlamoqda. Aytish mumkinki, "Arsenal"ning ayni damdagi darajasi, o‘sha, "Engilmaslar"dan kam joyi yo‘q. 2003-2004 yilgi mavsumda Arsen Venger shogirdlari 29 ta turdan keyin 73 ochko to‘plagan edi. O‘sha jamoa 38 ta turning chorak qismida durang qayd etib, qolganida g‘alaba qozongan. Eski "Arsenal" mart o‘rtasida Sem Ellerdays boshchiligidagi "Vest Brom"ni qiyinchilik bilan mag‘lub etib, yetakchilikni saqlab qoladi.
Masalan, bu mavsumda Mikel Arteta shogirdlari o‘sha afsonaviy jamoadan atigi bir ochko kam to‘plagan xolos. To‘g‘ri, hozirgi "Arsenal" allaqachon uch marta, "MYU", "Manchester Siti" va "Everton"ga mag‘lub bo‘ldi. Ammo, shu bilan birgalikda bunisi, Venger jamoasiga qaraganda kamroq durang qayd etdi va mavsumning ayni qismiga qadar ulardan ko‘proq bahsni o‘z foydasiga hal qila oldi. Yana bir statistika bor: "Arsenal"ning hozirgi tarkibi, Tyerri Anri va sheriklari 29 turdan keyin qayd etgan gollardan ko‘ra 13 ta ko‘p gol urdi. Biroq, o‘tkazib yuborilgan gollar soni 8 taga ko‘proq.
2003-04 yilgi mavsumning bahorida "Arsenal" to‘qqizta g‘alabali seriyani qayd etadi. Bu tarafdan Arteta jamoasi o‘z o‘tmishdoshlariga juda ham o‘xshab ketadi. Kechagi "Lids"ga qarshi bahs jamoaning ketma-ket yettinchi g‘alabasi bo‘ldi. Shuni ham ta’kidlab o‘tish kerakki, hozirgi "Arsenal"da Venger jamoasi mag‘lubiyatsiz mavsumda qayd etgan 90 ochko va 68.4 foizlik g‘alaba ko‘rsatkichini yangilash imkoni bor. Afsuski, bu chempionlik uchun yetarli bo‘lmasligi mumkin. Negaki, "Arsenal"ning ayni damdagi ta’qibchisi "Manchester Siti", o‘tgan oxirgi 5 ta mavsumning 4 tasida 90 ochkodan ko‘p to‘plagan va ularning har birida chempionlikka erishgan. Hozir ham "shaharliklar" London jamoasi ortidan qolmayapti.
Mikel Arteta o‘sha afsonaviy mavsumdan yetti yil o‘tib "Arsenal"ga keladi. Shunga qaramay, u Arsen Venger ta’limini olishga erishadi. Ayni damda u Gvardiola va Venger qo‘llanmalaridan mohirona foydalanib kelmoqda. Quyida Vengerning mag‘lubiyatsiz mavsumi va hozirgi "Arsenal"ning 29 turdan keyin qanday natijaga erishganini taqqoslab ko‘ramiz.
2022-23 yilgi "Arsenal":
O‘yinlar: 29 ta
Ochkolar: 72
G‘alabalar: 23 ta
Duranglar: 3 ta
Mag‘lubiyatlar: 3 ta
Gollar: 70 ta
O‘tkazilgan gollar: 27 ta
O‘rtacha urilgan gollar: 2.41 ta
O‘rtacha o‘tkazilgan gollar: 0.93
O‘rtacha ochko olish: 2.48
G‘alaba ko‘rsatkichi: 79.3 %
Mag‘lubiyat ko‘rsatkichi: 10.3 %
2003-04 yilgi "Arsenal":
O‘yinlar: 29 ta
Ochkolar: 73
G‘alabalar: 22 ta
Duranglar: 7 ta
Mag‘lubiyatlar: 0 ta
Gollar: 57 ta
O‘tkazilgan gollar: 19 ta
O‘rtacha urilgan gollar: 1.96
O‘rtacha o‘tkazilgan gollar: 0.65
O‘rtacha ochko olish: 2.5
G‘alaba ko‘rsatkichi: 75 %
Mag‘lubiyat ko‘rsatkichi: 0%
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
