Алан Ширер ("Ньюкасл")
Бир вақтлар "Манчестер Юнайтед"га ўтганидан сўнг Ромелу Лукаку шундай деган эди: "Дунёнинг энг катта жамоасига ким йўқ дейди?". Ижтимоий тармоқларда Алан Ширер бунга тезда жавоб қайтарди: "Мен буни қилганман, керак бўлса "Барселона"ни ҳам рад этганман". 20 йил олдин Ширер Премьер Лига чемпиони бўлган ва икки марта "Блекберн" сафида "Олтин бутса"ни қўлга киритган.
Евро-1996дан кейин "Манчестер Юнайтед" Ширерга икки марта оғиз солди. Аммо иккисида ҳам рад жавобини олди. 1992 йилда ҳужумчи "Сауигемптон"дан "Блекберн"га ўтди. Кейин эса фаолиятини "Ньюкасл"да давом эттирди. У ерда Алан биринчи мавсумдаёқ "Олтин бутса"ни қўлга киритди. Лекин унинг жамоаси "Манчестер Юнайтед"га ютқазиб, чемпионликдан маҳрум бўлди.
Мавсум якунлангач, "Барселона" футболчиси Бобби Робсон Ширерни Испанияга жалб қилишга уринди. Аммо у "Ньюкасл"ни тарк этмади ва фаолиятининг охиригача унга содиқ қолди. Алан "Қарғалар" билан бирорта соврин юта олмади.
Алессандро Дель Пьеро ("Ювентус")
2006 йилда Италия терма жамоаси Жаҳон чемпионатида зафар қучди. А Серияда "Ювентус" ғалаба қозонди, аммо кўп ўтмай жанжал сабаб Б Серияга равона бўлди. Кўплаб юлдузлар жамоани бирин-кетин тарк этишди, бироқ айрим футболчилар борки, клуб билан пастги лигада ҳам бирга бўлишди. Улар орасида Недвед, Буффон ва ДельПьеролар бор эди.
Алессандро "Ювентус"ни А Серияга қайтаришда ўзининг катта ҳиссисини қўшди. Лекин 4 йил давомида клуб билан бирорта ҳам соврин юта олмади. Ўшанда ҳам у жамоада қолди. 2012 йилда узоқ кутилган "Скудетто" қўлга киритилди. Шу мавсумнинг ўзидаёқ ёши ўтиб бораётган Дель Пьеро Турин клубини тарк этди. Хайрлашув ўйинига келган мухлисларнинг кўзида ёш билан афсонани олқишлашди.
Франческо Тотти ("Рома")
Дель Пьеро Италияда ягона содиқлик рамзи эмасди. Римнинг ҳам ўзига хос рамзи бор эди. Бир пайтлар "Рома" мураббийи бўлган Лусиано Спалетти Тоттининг кетишидан кўра, "Колизей"ни олиб қочиш осонров эканлигини айтганди.
25 йил давомида ҳеч бир таклиф Тоттини "Рома"ни тарк этишга мажбурлай олмасди. 2001 йилда чемпионликни қўлга киритганидан бир неча йил ўтгач, Франческо "Реал Мадрид"дан таклиф олди. Аммо бу таклиф ҳам рад этилди, чиройли жумлалар билан: "Мактабда бизга оила энг муҳим нарса эканлигини ўргатишган. Ҳеч эшитганмисиз, кимдир камбағал ота-онасини ташлаб, бегона бойлар билан яшаганини?"
Тотти "Рома"да йирик клублардай совринларга бой бўлмади. Аммо А Серия тарихидаги иккинчи тўпурар 2017 йилда футбол билан хайрлашар экан, кўзларида ёш ва ўзгача қувонч ҳисси бор эди. У афсонага айланди, лекин деярли совринларсиз.
Стивен Жеррард ("Ливерпуль")
Жеррард Чемпионлар лигасида ғалаба қозонганидан кейин "Ливерпуль"дан кетади деган миш-мишлар пайдо бўла бошлади. Бироқ, "қизиллар" сардори 2005 йил ёзида "Челси" ва Жозе Моуриньонинг васвасасига тушиб, трансфер учун ариза топширган. Ярим ҳимоячи амбиция ва 8 ёшидан бери севган клубида қолиш истаги орасида қолиб кетганди.
Кейинроқ, Жеррард трансферга фақат "Ливерпуль" уни жамоада олиб қолиш истагини билдириб, жиддий мурожаат қилди. Стивен шартноманинг узайтирилиши кечикишидан ҳавотирда эди. Охир-оқибат у "Ливерпуль"да қолиши аниқ бўлди. Фаолиятини якунлаганидан сўнг, у Премьер Лигада ғалаба қозона олмаганидан афсусда эканлигини, аммо қарорлари билан фахрланишини айтганди.
Диего Годин ("Атлетико Мадрид")
Мануэль Пеллегрини аллақачон тўпга клубга айланган "Манчестер Сити"ни қабул қилиб олганида, Диего Годинни жамоага олиб келмоқчи бўлган. Аммо уругвайлик 2015 йилда "Атлетико"да қолишни танлади. Икки йил ўтиб, у "шаҳарликлар"нинг таклифидан боши осмондалигини, лекин ўзини "матрасчилар"нинг мухлисидек ҳис қилишини, клубдаги ҳамма нарсадан мамнунлигини ва уни тарк этишни истамаганлигини айтганди. Бироқ, Чемпионлар лигасининг навбатдаги финалида мағлуб бўлганидан сўнг, Годин Мадридни Миланга ўзгартирди ва "Интер"га ўтди.
Павель Недвед ("Ювентус")
Биз яна "Ювентус" афсоналарига қайтамиз, Павель Недвед 2009 йилда туринликлар билан шартномани узайтришдан бош торганида жуда хафсаласи пир бўлганди. Ўшанда "Интер" мураббийи Жозе Моуриньо шахсан ўзи чехияликка қўнғироқ қилиб, уни жамоасига таклиф қилган ва Чемпионлар лигасида ғолиб чиқишга ваъда берган. Недвед нимага эришишини яхши билар эди, лекин уни "Ювентус" ва "Интер" ўртасидаги узоқ йиллик рақобат тўхтатди. Кейинчалик у "кекса сеньора"дан кетганига қарамай, ушбу клубга мухлислик қилгани ва бошқа жамоа тисолида Чемпионлар лигасида ғалаба қозониш билан қаноатланмаслигини тушунтирди. Аммо бир йил ўтиб, "Интер" треблга эришди, албатта Недведсиз.
Жейми Варди ("Лестер")
"Ювентус", "Атлетико" ва ҳатто "Рома"ни машҳур клублар дейиш мумкин. У ерда қолиш, катта таклифларни рад этиш оқланади. Камтарроқ жамоалар ҳақида айтадиган бўлсак, "Лестер". "Тулкилар" 2016 йилда шов-шувли тарзда АПЛ чемпионлигини қўлга киритганида ҳамма клуб ҳужумчиси Жейми Вардига овни бошлади.
Варди бу бир марталик ўсиш эканини, "Лестер" бошқа топ клубга айланмаслигини тушунгандир. Товон пули тўлашга тайёрланаётган "Арсенал" рақобатчиларидан кўра қатъиятлироқ эди. Жейми ҳам келишув ҳақида ижобий фикрда, аммо барибир у эришган муваффақиятни мустаҳкамлаш учун "Лестер"да қолишни танлади. Бу, албатта, иш бермади, лекин Варди афсона мақомига эришди.
Марек Гамшик ("Наполи")
5 йил олдин, энди бу фоний дунёда йўқ, футбол агенти Мино Райола буюк спортчи ҳар доим янги мотивация топиши кераклигини айтганди. Бусиз ҳатто, Месси ҳам Ибрагимович ҳам Марек Гамшик ҳам ожиз бўлиб қоларди. Агент узоқ йиллик фаолиятдан сўнг, словакиялик юлдузга "Наполи"ни тарк этишини тушунтирди. 2017 йилда Гамшик ҳамда Райола ҳамкорлиги якунига етди.
Замонаваий футболда "Наполи" юлдузи узоқ вақт "Бавария", "Ювентус", Англиянинг топ клублари нишонига айланган. Аммо Марек ҳар доим "Наполи" билан ҳар бир ғалаба унга бошқа ҳар қандай ғалабадан кўра кўпроқ қувонч келтиришини айтади.
"Менда маош ва совринлардан кўра кўпроқ ҳиссиётлар бор, мен қалбимда айнан шу нарсани ҳис қиламан", деди Марек Гамшик.
Ачинарлиси, Гамшик "Наполи"нинг ўша двар афсонаси бўлиб қолади, клуб совинларга жуда яқин келди. Ҳатто бу мавсум якунида чемпионликни қўлга киритди, аммо Марексиз.
Жаҳон футболида бундай тоифадаги юлдузлар яна талайгина топилади. Биз эса сизга хамир ичидан патирни илиндик.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Пахтакор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
