«Машъал»: Ортда қолган давр, йиллар ва йўллар, эришилган ютуқлар ва клубда амалга оширилаётган бунёдкорлик ишлари ҳақида
Футбол - миллионлар ўйини. Ўзбек футболидан хабардор бўлган ҳар ким "Машъал" профессионал футбол клуби ва академияси ҳақида эшитгани ҳам бор гап. Ортда қолган йиллар, ўтган давр мобайнида жамоа ўзбек ва жаҳон футболига қатор иқтидорларни етиштириб берди ва бу жараён айни дамда ҳам давом этмоқда.
Жумладан, клуб академияси тарбияланувчиси ҳисобланадиган Элдор Шомуродов дунё футболининг энг етакчи чемпионатларидан ҳисобланадиган Италия "А" сериясида, таниқли "Рома" клубида ўйнаётгани кишини алоҳида фахр туйғусига чорлайди.
"Машъал" ўзи иштирок этадиган мусобақаларда ҳар доим ва ҳамиша юқори мақсадлар асосида ўйнаб келади. Ана шундай юқори мақсадлар натижасида жамоа ўзбек футболида, қатор ютуқларга эришди.
Клубнинг уй ўйингоҳи ҳисобланадиган "Баҳром Вафоев" номидаги футбол-арена жамоа иштирокидаги ҳар бир ўйинда мухлислар оқими билан тўлиб тошади.
"Машъал" ўзбек футболидаги ёрқин аланга" ибораси бежизга айтилмаган. Бугунги кунга келиб, миллий чемпионатлпримизда иштирок этаётган ҳар бир футбол клубида "Машъал" академияси тарбияланувчилари топилади.
Ортда қолган давр мобайнида “Ўзбекнефтгаз" АЖ клуб бош хомийси сифатида беминнат хизмат кўрсатиб келди.
“Машъал" ПФК жамоаси 25 йил давом этган самарали хамкорлик учун "Ўзбекнефтгаз" АЖга ўзинининг самимий миннатдорчилигини изҳор қилади.
Ўзбекистон Республикаси Президентининг 07.04.2023-йил кунидаги ПҚ-115-сон "Оммавий профессионал футболни ҳар томонлама ривожлантиришнинг қўшимча чора-тадбирлари тўғрисида"ги Қарори ижросини таъминлаш мақсадида жойларда, худудларда қатор ислоҳотлар олиб борилмоқда. Хусусан, Муборак шаҳрининг "Машъал" профессионал футбол клубига эндиликда "ЎзМиллийБанк" АЖ бош хомий сифатида бириктирилди.
Клубнинг янги бош ҳомийси саъй-ҳаракатлари билан жамоанинг уй ўйингоҳи ҳисобланадиган "Баҳром Вафоев" стадионида тезлик билан 2000 люкс қувватга эга бўлган прожекторлар ўрнатиш ишлари бошлаб юборилди.
Айни дамда хорижий давлатдан "Баҳром Вафоев" стадионига етказиб келинган прожекторлар тез кунлар ичида ўйингоҳга ўрнатилиши таъминланади. 2000 люкс қувватга эга бўлган мазкур прожекторлар келгусида футбол мухлисларининг стадионда қулай шароитларда катта футбол учрашувларини томоша қилишларига замин ҳозирлайди.
Бунёд Андаев, "Машъал" матбуот хизмати
Манба: fcmashal.uz
Киритилди: 14:59, 10.07.2023. Ўқилди: 1257 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
