Ўзбекистон Профессионал Футбол лигаси бош директори Фарҳод Магометов 2013 йилги Олий Лига баҳсларида нечта жамоа иштирок этишини аниқ билмаслигини тан олди. Бу ҳақда «Футбол Экспресс» газетаси хабар бермоқда.
Магометов «ФЭ»га берган интервьюсида келаси мавсумда Олий Лигада нечта жамоа иштирок этиши ҳақида фақатгина келаси йилнинг январь ойидан кейин аниқ фикр билдириши мумкинлигини айтиб ўтган, чунки 26 январь куни ОФКда ўтказиладиган катта йиғилишдан сўнг ПФЛда ҳам ижроқўм йиғилиши бўлиб ўтади.
«Кейинги йили Олий Лигада 16та жамоа қатнашадими? Ҳозирча бу борада ҳам ҳеч нарса дея олмайман, чунки нечта жамоа иштирок қатнашишини ўзим ҳам билмайман», – деди Магометов. ЎзПФЛ раҳбарининг сўзларига кўра, «спорт тамойиллари бўйича, чемпионатда охирги икки ўринни эгаллаган жамоа қуйи лигага тушиб кетиши керак», бироқ бу масала ҳам келаси йили бўладиган ижроқўм йиғилишида ҳал қилинади. Айни вақтда, «Андижон» жамоаси амалда Олий Лига билан хайрлашиб улгурган бўлса, Ўзбекистон Биринчилиги «йўлланмаси» учун Муборакнинг «Машъал» жамоаси «даъвогар» бўлиб турибди.
2012 йилги Ўзбекистон Биринчилиги якунларига кўра, Жиззахнинг «Сўғдиёна» ва Гулистоннинг «Гулистон» клублари Олий Лига йўлланмасини қўлга киритган. Бироқ, Магометовнинг сўзларига кўра, «бу уларнинг Олий Лигада тўп суришига юз фоиз кафолат бермайди». «Клуб Олий Лигада иштирок этиши учун ПФЛ қўйган талабларга ҳар томонлама жавоб бериши зарур», – дейди ЎзПФЛ раҳбари. Магометовнинг таъкидлашича, Олий Лига иштирокчилари сони масаласида мусобақалар Регламентига асосан иш кўрилади.
Маълумот ўрнида, Жиззахнинг «Сўғдиёна» клуби айни вақтда уй майдонига эга эмас ва Ўзбекистон Биринчилигидаги сўнгги ўйинларини Ғаллаоролда ўтказган. «Гулистон» эса 2011 йилги мавсум яунига кўра ҳам Олий Лига йўлланмасини қўлга киритган, бироқ молиявий қийинчиликлар туфайли Олий Лигада иштирок эта олмаслиги сабаб, ўз ўрнини Зарафшоннинг «Қизилқум» клубига бўшатиб беришга мажбур бўлганди.
Футбол бўйича Ўзбекистон Олий Лигаси – Ўзбекистон ноҳаваскор, ярим профессионал ва профессионал футбол клубларининг энг юқори футбол мусобақаси ҳисобланади ва унга 1992 йилда асос солинган. Чемпионатни Ўзбекистон Профессионал Футбол лигаси назорат қилиб боради. Мусобақанинг 2012 йилги мавсумида 14 жамоа иштирок этаётган бўлиб, айни вақтда Тошкентнинг «Пахтакор» клуби мусобақада пешқадамлик қилмоқда. Чемпионатнинг сўнгги икки тур ўйинлари 17 ва 21 ноябрь кунлари бўлиб ўтади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
