Кечаги ўйинлардан кейин гап-сўзлар тарқалиб кетди. Жанубий Кореянинг қайсидир футболчиси ҳисобида иккита сариқ карточка бўла туриб, у Эрон билан ўйинда майдонга тушганмиш. Агар шундай бўлиб чиқса, Кореяга 0:3 кўринишидаги техник мағлубият ёзилиши керак ва Ўзбекистон Жаҳон чемпионатига чиқади!
Биз ушбу масалани Твиттер саҳифаларимизда муҳокама қилдик ва вазиятга ойдинлик киритиб бўлдик. Кўпчиликка тушунарли бўлиши учун “карточкалар” мавзусига алоҳида тўхталамиз.
Биринчи тахмин. Кеча Корея терма жамоаси сафида 18-рақамда Ким Шин Вук ўйнади. У 11 июнь куни Ўзбекистонга қарши баҳсда, ундан аввал Қатарга қарши сафар ўйинида огоҳлантиришлар олган. Бир қарашда, Шин Вук кеча майдонга тушишга ҳаққи йўқдик. Аммо у 3-босқичнинг сўнгги тур ўйинида (Кувайтга қарши) огоҳлантирилганди ва Ким Қатарга қарши ўйинда олган сариқ карточкасидан кейин, Ливан билан Кореяда бўлиб ўтган ўйинни ўтказиб юборган. Демак, Ўзбекистон билан ўйиндаги огоҳлантириш Ким Шин Вук учун дастлабки сариқ карточка ҳисобланади.
Иккинчи тахмин. Парк Жонг Ву. Ушбу футболчи ҳисобида ҳақиқатан ҳам иккита сариқ карточка тўпланганди (октябрда бўлиб ўтган Эронга қарши сафар ва уйда ўтган Ўзбекистонга қарши ўйинда). ФИФА расмий сайтида келтирилган қайдномада Парк Жонг Ву 4-рақам остида захира футболчиси сифатида кўрсатилган. Аммо, ОФК сайтидаги қайдномада эса 4-рақам остида Ким Нам Ил рўйхатга киритилган, Парк Жонг Ву эса қайдномада йўқ. Биз вазиятга ойдинлик киритишга муваффақ бўлдик: Парк Жонг Ву расмий қайдномага киритилмаган! ФИФА сайтида техник хатога йўл қўйилган. Яна бир чалғитувчи ҳолат: Парк октябрь ойида дастлабки “сариғи”ни олганидан кейин ФИФА Тартиб-интизом қўмитасининг қарори билан 2та ўйинга дисквалификация қилинганди Олимпиаданинг бронза медали учун ўйинида сиёсий жиҳатдан ноўрин ҳаракатлари учун (Токто ороли японларга эмас, кореяликларга тегишли эканига ишора қилган). Бу дисквалификация Парк Жонг Вунинг сариқ карточкаси тегишли эмасди. Агар ростдан унинг номи кечаги ўйин рўйхатига киритилганида, Жанубий Кореяга техник мағлубият ёзиларди. Аммо, ФИФА сайти бизни чалғитди...
Кеча оқшом юзага келган умид учқунлари мана шу таҳлиллардан кейин яна сўнди. Наилож, Мираброр Зуфарович айтганларидек, биз “ёзув-чизув” билан эмас, майдонда ўйинимиз билан жаҳон чемпионатига чиқамиз!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
