"Olmaliq" bosh murabbiyi Viktor Kumikov "Navbahor" (0:1) jamoasiga qarshi o‘tkazilgan nazorat o‘yinidan so‘ng o‘z fikrlari bilan o‘rtoqlashdi.
Viktor Balyutovich rejalashtirilganidek ikki o‘quv-mashg‘ulot yig‘ini o‘tkazildi. Yig‘in davomida 4ta o‘rtoqliq uchrashuvi o‘tkazildi. 3 mag‘lubiyat va bir g‘alaba qayd etildi. O‘tkazilgan yig‘inlar bo‘yicha xulosangiz.
- Barchaga ma’lumki, bu yil "Olmaliq" jamoasi tarkibi tubdan o‘zgardi. Bu yig‘inlar davomida asosiy e’tiborni futbolchilar haqida ko‘proq ma’lumotga ega bo‘lishga qaratdik. O‘rtoqlik o‘yinlarida biz natijani birinchi o‘ringa qo‘ymadik. Bu uchrashuvlar yuqorida ta’kidlaganimdek, jamoaga chaqirilgan futbolchilarni yaxshiroq o‘rganish uchun o‘tkazildi. Shu orqali jamoa asosiy tarkibini shakllantirib boramiz. Navbatdagi o‘quv-mashg‘ulot yig‘inlarimiz Antaliyada bo‘lib o‘tadi. U yerda ham bir qator o‘rtoqlik o‘yinlari o‘tkazamiz va yana 4-5 nafar futbolchi ko‘rikdan o‘tkaziladi.
Jamoaga taklif etilgan murabbiylar shtabi haqida so‘ramoqchiman. Bu tarkibga yana qo‘shimcha bo‘lmaydimi?
- Biz dastlabki ishni murabbiy shtabini tashkil etishdan boshladik. Asosiy tarkib bilan mana shu 5 nafar murabbiy va hozir ish yuritayotgan boshqa yordamchilar bo‘ladi. Boshqa o‘zgarish rejada yo‘q.
Jamoaning keyingi mashg‘ulotlari Antaliyada o‘tkazilishi haqida gap ochdingiz. Tarkib borasida fikringiz. Jamoaga kelib qo‘shilgan legionerlar sizga ma’qulmi?
- Rejaga ko‘ra Antaliyada ikkita yig‘in tashkillashtiriladi. Birinchisida asosiy e’tiborni tarkibni aniqlab olishga qaratamiz. Ikkinchisida esa to‘liq tarkib bilan yangi mavsumga tayyorgarlik olib boramiz. Hozirda 80 foizga tarkibni aniqlab oldik. Legionerlar borasida hozircha belorussiyalik Vladislav Kasminin bilan shartnoma tuzdik. Turkmanistonlik futbolchi endi kelib qo‘shildi. Uni va yana bir qator legionerlarni Antaliyada ko‘rikdan o‘tkazamiz.
Antaliyada nechta o‘rtoqlik o‘yini o‘tkazish rejalashtirilgan?
- Umumiy hisobda 4ta o‘yin o‘tkazishni rejalashtirganmiz. Dastlab Shveysariyaning "Vil 1900" jamoasi bilan kuch sinashamiz. Keyin Rossiyaning "Sibir" (Novosibirsk) va Ukrainaning "Karpati" (Lvov) jamoalari sparring raqib vazifasini o‘tashadi. Yana bir o‘yin ikkinchi tarkib bilan o‘tkaziladi. Bu bahsda bizga "Karpati"ning ikkinchi tarkibi yoki boshqa biror jamoa raqib bo‘lishi mumkin.
Jamoa qachon Olmaliqqa tashrif buyuradi?
- Turkiyadan qaytgach, birinchi turga qadar jamoa yana Toshkentda yashab turadi. Mavsum boshlangunga qadar jamoa rahbariyati bilan Olmaliq shahrida uchrashuv tashkil etishni rejalashtirganmiz. Uchrashuv davomida rahbariyat tomonidan jamoa oldiga qo‘yiladigan vazifalarga aniqlik kiritish, jamoa tarkibini tanishtiruvini o‘tkazish ko‘zda tutilgan.
Viktor Balyutovich siz bilan mavsum davomida yana suhbatimiz davom etadi. Savollarimizga javob berganingiz uchun tashakkur.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
