O‘tgan yilgi transferlar bozorida bir qator shov-shuvli kelishuvlar amalga oshirildi. To‘g‘ri, hozirga kelib Xitoy klublari aql bovar qilmas mablag‘lar evaziga nomi chiqqan o‘yinchilarni o‘z saflariga jalb etib, butun dunyoni o‘zlariga qaratib kelishayapti. Biroq, shunga qaramay, ko‘hna qit’ada amalga oshirilgan futbolchilar oldi-sottisi baribir Osiyodagidan ancha yuqori turadi. Ular orasidagi bir qator muvaffaqiyatli bitimlar ayrim jamoalarga o‘z tarkiblarini kuchaytirib olishga yordam berdi. O‘sha transferlardan o‘nta eng yaxshilarini saralab olgan holda e’tiboringizga havola etamiz.
10. Erik Beyi
«Vilyarreal»dan «Manchester Yunayted»ga (35 million yevro)
Ayrim nomdor o‘yinchilardan farqli ularoq Beyi katta muvaffaqiyatlarga ega emas. Ammo bu tirishqoq markaziy himoyachining iste’dodiga to‘g‘ri baho berish uchun «MYU» seleksionerlariga bir mavsumning o‘zi yetarli bo‘ldi. Ivuarlik futbolchi APLning dastlabki turlaridanoq ishonchli o‘yin o‘tkazib asosiy tarkibda o‘ynashga munosibligini ko‘rsatdi. Aynan Beyi ko‘p o‘tmay mankunianlarning yetakchi himoyachisiga aylandi, shuning uchun «Chelsi»ga qarshi uchrashuvdagi jarohat Joze Mourinyoga qo‘shimcha bosh og‘riq bo‘ldi. Beyi tez orada tuzalib, asosiy tarkibdagi o‘rnini qaytarib olsa ajab emas. Ustiga ustak, u endigina 22 yoshni qarshiladi, shuning uchun aytish mumkinki, «Yunayted» kelajak masalasini a’lo darajada hal qildi.
9.Sadio Mane
«Sautgempton»dan «Liverpul»ga (46,5 million yevro)
Mana bir necha yildan beri «Sautgempton» o‘yinchilar yetkazib berish borasida «Liayerpul» uchun asosiy xazina bo‘lib kelmoqda. Oxirgi paytlarda «avliyo»lar safidan Nataniel Klayn, Deyan Lovren, Adam Lallana va Riki Lambert kabi o‘yinchilar «Enfild»ga yo‘l olishdi. O‘tgan yozda esa «Liverpul» Sadio Mane uchun 45 million yevro to‘lab, «Sautgempton» tarixidagi eng yirik transferni amalga oshirdi. Senegallik legioner birinchi o‘yinlardanoq o‘zi uchun to‘langan mablag‘ni oqlashga tushdi. Uning tezligi, texnikasi, qudrati va hech narsadan qaytmasligi hammani hayratga soldi. Mane mavsum boshida chindan ham ajoyib o‘yin ko‘rsatib, xarajat qilingan summani unutishga majbur qila oldi.
8. Shkodran Mustafi
«Valensiya»dan «Arsenal»ga (41 million yevro)
Ushbu qimmatbaho markaziy himoyachi APL uchun 2016 yilning yozgi transfer bozorida haqiqiy trendga aylandi. Uzoq yillardan so‘ng birinchi chempionlik orzusida yurgan «Arsenal», bu maqsadi yo‘lida «Valensiya»ga markaziy himoyachi evaziga 40 million yevro to‘lashdan ham cho‘chimadi. Nemis futbolchisi kelganidan keyin London klubi himoyada yaxshi o‘ynay boshladi. Shkodran maydonda bo‘lgan paytda «kanonir»lar biror marta ham yutqazishmagan va 14ta turda 14ta to‘p o‘tkazib yuborishdi. Bu borada faqat «Tottenxem» va «Chelsi» o‘z hamshahridan oldinda borishardi. Boz ustiga, Mustafi asta-astalik bilan maydonda va yechinish xonasida yetakchiga aylanib bordi. Bu Venger uchun ijobiy holat edi, chunki Fabregas ketganidan so‘ng murabbiy haqiqiy yetakchini topolmay kelayotgandi.
7. Fernando
«Sampdoriya»dan «Spartak»ga (12 million yevro)
Yarim himoya markazini kuchaytirish maqsadida yurgan «Spartak» o‘z tanlovini «Sampdoriya» yarim himoyachisi Fernandoda to‘xtatdi. «Otkro‘tiye arena»da bo‘lib o‘tgan taqdimot marosimiga kelganida unga ko‘pchilik professional futbolchi sifatida qaramadi. Biroq atigi bir necha hafta ichida Fernando o‘z mavqesini qaytardi hamda maydon markazida jamoaning yetakchi figurasiga aylandi. Braziliyalik legioner markazda Glushakov bilan juda yaxshi til topishib ketdi va bu o‘z navbatida «Spartak»ga RFPL baxslarining 80 foizida maydon markazini nazorat qilish imkonini berib kelayapti.
6. Juliano
«Gremio»dan «Zenit»ga (7 million yevro)
Xalk Xitoyga ketganidan keyin kupchilik «Zenit»ni hujum borasida qiynalishini taxmin qila boshladi. Biroq yulduzli o‘yinchining o‘rni muvaffaqiyatli tarzda uning hamyurti bilan to‘ldirildi. Ayniqsa Yevropa Ligasida Juliano nimalarga qodirligini ko‘rsatdi. Braziliya terma jamoasi a’zosi beshta goli va beshta golli uzatmalari bilan musobaqaning to‘laqonli MVPsiga aylandi. Rossiya chempionatida ham Juliano doimiy ravishda samarali ballarni o‘z hisobiga yozib, Xalk yo‘qligini bildirmay kelmoqda. Futbolchining o‘zi Yevropadagi top-chempionatlardan birida o‘ynash orzusida yurganini yashirmayapti, shuning uchun bir ikki yildan keyin «Zenit» uning transferidan mo‘may pul ishlab olishi mumkin.
5. Chiro Immobile
«Sevilya»dan «Lasio»ga (8,5 million yevro)
Dortmundning «Borussiya»sida ham, «Sevilya»da ham Immobile o‘z o‘yinini topolmadi, ammo Italiyaga qaytganidan keyin yana to‘purar hujumchi bo‘ldi-yu qo‘ydi. To‘g‘ri, u «Torino»ga emas, balki «Lasio»ga qaytdi. Poytaxt klubida Chiro tezda asosiy tarkibdan joy egallab oldi. «A» seriyaning birinchi davrasidagi to‘qqista gol hujumchi uchun yomon natija emas.
4. Edin Jeko
«Manchester Siti»dan «Roma»ga (8 million yevro)
«Manchester Siti»da Serxio Agueroga munosib raqobatchi bo‘lolmagan bosniyalik o‘yinchiga omadsiz maqomi berildi. Rimga hujumchi o‘yin amaliyotiga ega bo‘lish uchun ijara asosida yo‘l olgandi, biroq qishda «bo‘ri»lar unchalik katta bo‘lmagan mablag‘ hisobiga uning shartnomasini sotib olishdi. 2015-2016 yilgi mavsum oxirini Djeko yaxshi o‘tkaza olmadi, lekin joriy mavsumda u bekorga bir vaqtlari Yevropaning eng xavfli hujumchilaridan biri bo‘lmaganini ko‘rsatib kelayapti. 18ta o‘yinda 14ta gol va Edin «A» seriya to‘purarlari poygasida Andrea Belotti bilan birinchi o‘rinni bo‘lishib turibdi.
3. Timo Verner
«Shtutgart»dan «Leypsig»ga (10 million yevro)
Ushbu futbolchi Yevropadagi futbol mavsumining asosiy kashfiyot jamoasida asosiy shaxslardan biri bo‘lib kelayapti. Timo Verner o‘zini oqlamagan yosh iste’dod sifatida «Leypsig»ga o‘tdi. Biroq chempionat debyutanti bosh murabbiyi Ralf Xazenxyuttl 20 yoshli yarim himoyachiga maydonda erkin harakat qilishi uchun imkon yaratib berdi. Buning natijasida, Verner to‘qqizta goli bilan to‘purarlar ruyxatida to‘rtinchi o‘rinni egallab kelayapti, «Leypsig» esa sensasion tarzda musobaqaning ikkinchi jamoasi bo‘lib turibdi. Undan yuqorida faqatgina qudratli «Bavariya»bor.
2. Ilkay Gyundogan
«Borussiya D»dan «Manchester Siti»ga (26 mln. yevro)
Mazkur transfer narx-sifat nazariyasi bo‘yicha 2016 yilning yozida amalga oshirilgan kelishuvlar orasida eng muvaffaqiyatlisi bo‘lsa ajab emas. Hozirgi zamon uchun kamtarona ko‘ringan 26 million yevro evaziga aqlli, kreativ, ajoyib pas madaniyatiga ega yarim himoyachi «Etixad»ga keldi. Hammasi Gvardiola yaxshi ko‘rganidek. Ispaniyalik murabbiy tizimida u to‘p nazorati va maydon markazidagi harakatlarni ta’minlayapti. Bu jihat unga foydali harakatlar koeffisiyenti bo‘yicha APL reytingida yuqorilab ketish imkonini berdi. Agar navbatdagi jarohat bo‘lmaganida hammasi bundanda ajoyib bo‘lardi. Buning oqibatida, Germaniya terma jamoasi a’zosi yana uzoq muddat futboldan chetda qolgan bo‘lsa, «Manchester Siti» yarim himoyaning asosiy o‘yinchisisiz o‘ynashga majbur.
1. David Luiz
«PSJ»dan «Chelsi»ga (38 million yevro)
Braziliyalik himoyachining «Stemford Bridj»ga qaytishi «Chelsi» fanatlari tomonidan turlicha qabul qilindi. Bir tomondan, Luiz Londondagi birinchi faoliyati davomida xushfe’l va jamoani yaxshi ko‘ruvchi futbolchi sifatida, boshqa tarafdan esa yo‘q joyda xato qilishga qodir himoyachi sifatida esda qolgan. Biroq o‘shanda 29 yoshli o‘yinchi uchun deyarli 40 million yevro berishga rozi bo‘lgan Konte nima qilayotganini juda yaxshi bilgan. Italiyalik mutaxassis qo‘li ostida o‘tkazgan bir necha oy ichida Luiz himoyalanish bobida jiddiy o‘sishga erishdi. Bundan tashqari, aynan u Konte uchun o‘ta muhim sanalgan dispetcher rolini bajarib, Diyego Kostaga qanotlar va uzoq masofalardan to‘p yetkazib berib kelayapti. Hozir Luiz «Chelsi» himoya qo‘rg‘onining ishongan tog‘idir.
Navbahor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
