Bugun Toshkent shahridagi “Yoshlik” sport arenasida ayollar o‘rtasidagi mini futbol bo‘yicha XIII O‘zbekiston chempionati start oldi.
O‘zbekiston ayollar futboli assosasiyasi tomonidan har yili yanvar-mart oylarida ayollar o‘rtasida ushbu chempionat muntazam o‘tkazib kelinadi. Futbolning ushbu turida nafaqat professional futbol klublari balki havaskor jamoalar ham ishtirok etadi.
Bu yilgi chempionatda quyidagi jamoalar ishtirok etishmoqda:
“Sevinch” (Qarshi)
“Sho‘rtan Lady” (G‘uzor)
“Paxtakor W” (Toshkent)
“Yuzrabot” (Toshkent)
“Qirq qiz” (Nukus)
“Alanga S” (Jizzax)
“Baxmal” (Jizzax vil.)
“Oqqo‘rg‘on” (Toshkent vil.)
“TATU” (Toshkent)
Ko‘rib turganingizdek, bu yilgi chempionatda Andijonning “Andijanka” jamoasi ishtirok etmayapti. Shuningdek har yili ishtirok etib keladigan, Buxor shahri jamoasi ham bu yilgi chempionatga tashrif buyurmadi.
Bugun chempionatning dastlabki bosqichi, 1-tur uchrashuvlari bo‘lib o‘tdi. Faqat jizzax viloyatining “Baxmal” jamoasi bugun uchrashuv o‘tkazmadi, ushbu jamoa ertaga uchrashuvlarga kirishadi.
Quyidagi bugungi uchrashuvlar natijalari bilan tanishtirib o‘tamiz:
“Sho‘rtan Lady” – “Paxtakor” 3:4
“TATU” (Toshkent) – “Oqqo‘rg‘on” (Toshkent vil.) 7:0
“Qirq qiz” (Nukus) – “Alanga S” (Jizzax) 4:0
“Sevinch” jamomiz ushbu futbol turida mamlakatimizdagi yetakchi va o‘n ikki karra chempioni hisoblanadi. Jamoamiz bu safar ham chempionatni yirik hisobdagi g‘alaba bilan boshladi. Jamoamizning bugungi raqibi Toshkent shahrining “Yuz robot” jamoasi bo‘ldi. Raqiblariga nisbatan ancha katta tajribaga ega bo‘lgan jamoamiz futbolchilari toshkentliklar darvozasiga 13ta gol kiritishdi. Hushyorlikni biroz yo‘qotgan jamoamiz o‘z darvozasidan 2 marta to‘p olib chiqishga majbur bo‘ldi. Uchrashuv 13:2 yirik hisobidagi jamoamizning g‘alabasi bilan yakunlandi.
Uchrashuvdagi gollarga Malika Burxonova (1), Nilufar Qudratova (1), Maftuna Panjiyeva (1), Shaxzoda Jamolova (1), Kamola Riskiyeva (2), Maftuna Shoyimova (4), Ilvina Ablyakimova (2), Shoira Qulto‘rayevalar (1) mualliflik qilishdi.
Quyida uchrashuv qaydnomasini e’tiboringizga havola qilamiz.
Mini futbol bo‘yicha XIII O‘zbekiston chempionati. Dastlabki bosqich, 1-tur
“Sevinch” (Qarshi) – “Yuzrabot” (Toshkent) 13:2 (10:0)
Toshkent sh., “Yoshlik” sport arenasi. 23.01.2017 yil
Hakamlar: Edita Mirobidova, Aleksandra Konchikova, Lyudmila Geyger, Anna Sidorova.
Gollar: Malika Burxonova (5′-1:0), Nilufar Qudratova (7’-3:0), Maftuna Panjiyeva (8’-4:0), Shaxzoda Jamolova (9’-5:0), Kamola Risqiyeva (11′-6:0, 18’-8:0), Maftuna Shoimova (5’-2:0, 16’-7:0, 20’-10:0, 31’-11:2), Ilvina Ablyakimova (19′-9:0, 32’-12:2), Shoira Qulto‘rayeva (34’-13:2) – Shahlo Zaynitdinova (24’-10:1), Jasmina Abdug‘aniyeva (25’-10:2).
“Sevinch”: 1.Laylo Tilavova, 12.Matluba Abdirasulova, 8.Kamola Riskiyeva (s), 11.SHaxzoda Jamolova, 10.Ilvina Ablyakimova, 17.Tanzilya Zarbiyeva, 27.SHodiya Tosheva, 37.Malika Burxonova, 77.Nilufar Qudratova, 7.SHoira Qulto‘rayeva, 20.Maftuna Panjiyeva, 25.Maftuna Shoimova, 21.Feruza Boboxo‘jayeva, 18.Sevara Normurodova.
“Yuzrabot”: 1.Lyudmila Jumayeva, 2.Ziyoda Isakova, 8.Nilufar Baxtiyorova (s), 10.SHahlo Zaynitdinova, 11.Alsu Bulatova, 13.Zarina Yusupova, 7.Polina Mixanko, 19.Linda Nazar, 21.Jasmina Abdug‘aniyeva, 18.Sabrina Sobirjonova, 4.Viktoriya Sirota, 22.Ra’no To‘ychiyeva, 17.Robiya Rahimova, 5.Angelina Akteryakova.
Ertaga bo‘ladigan uchrashuvlar taqvimi:
09:00 ”Sevinch” – “Paxtakor W”
10:00 ”Yuzrabot” – “Baxmal”
11:00 ”Alanga S” – “TATU”
12:00 ”Oq qo‘rg‘on” – “Sho‘rtan Lady”
Dam olish: “Qirq qiz”
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
