«Kamp Nou»da kamdan-kam kuzatiladigan holat: «Atletik»ka qarshi La Liga doirasidagi o‘yinning tugashiga hali 26 daqiqa qolgan bir vaqtda Lionel Messi zaxiraga olindi.
Bunday vaziyatlarda odatda jahli chiqadigan argentinalik yulduz esa bu safar zaxira o‘rindig‘ida kayfiyati chog‘ tarzda o‘tirdi. Umuman, ushbu o‘yinda Luis Enrike tomonidan amalga oshiriladigan rotasiyalarning kamdan-kam samarasi ko‘rindi.
Tarkibdagi o‘zgarishlar uchun tanqidga uchrab kelayotgan murabbiy «Atletiko»ga qarshi Madriddagi o‘yindan oldin rotasiyasiz jamoa bunday bosimga bardosh berolmasligini ma’lum qilgan edi. Aynan rotasiya evaziga kataloniyaliklar 2014/2015-yilgi mavsum yakuniga barchadan tetik tarzda yetib kelgan va «trebl»ni qo‘lga kiritgan, o‘tgan mavsumda esa charchoq Chempionlar ligasini erta tugatishga majbur qilgan edi.
Shu tufayli Enrikening tashabbusi bilan o‘tgan yozda Samyuel Umtiti, Lukas Din, Andre Gomesh, Denis Suares, Yasper Silissen va Pako Alkaser aynan zaxira variantlarini ko‘paytirish maqsadida olib kelingan edi. Gomeshning «Barselona»dagi faoliyati hozircha bir tekisda kechamyotgan bo‘lsa, Pako Alkaser La Ligada gol urolmay kelayotgan edi. Biroq «Atletik»ka qarshi o‘yinda ispaniyalik hujumchi nihoyat bu ishni uddaladi va bu uning uchun La Ligada so‘nggi 9 oydagi birinchi gol bo‘ldi.
Bungacha faqatgina Qirol Kubogi doirasida «Erkules»ga qarshi 7:0 hisobida g‘alaba qozonligan o‘yinda gol urgan Alkaser uchun bu yangi ibtido bo‘lishi mumkin. U «Atletiko»ga qarshi javob o‘yini uchun dam olgan Luis Suaresning o‘rnida o‘ynagan bo‘lsa, Lionel Messi ham aynan shu maqsadda o‘yinni erta yakunladi. «Barselona»ning ikkinchi goliga mualliflik qilgan Messi zaxira o‘rindig‘ida Suares bilan kulishib o‘tirdi va bu bilan zaxiraga olinganidan xafa emasligini ko‘rsatdi.
Jamoaning ba’zi muxlislari o‘yin taqdiri hal bo‘lmagan bir paytda eng yaxshi futbolchi maydonni tark etganidan xavotirlana boshlagan bir paytda Aleysh Vidal oldinda otilb hisobni yiriklashtirdi va xavotirlarga barham berdi. 2015-yil yozida «Barsa»ga kelgan himoyachi shu paytgacha jamoada o‘z o‘rnini topishga qiynalayotgan va hatto Luis Enrikening tanqidiga ham uchragan edi. Biroq «Las Palmas»ga qarshi o‘yinda (5:0) gol urgach, Enrike «U murabbiyi nohaq bo‘lganini isbotlayapti», deya e’tirof etgandi.
«Barselona» bosh murabbiyi endi Pako Alkaser ham yaxshi yo‘singa tushib olib, jamoa uchun qo‘shimcha imkoniyatlar taqdim etishidan umid qilsa kerak. Zero, aynan to‘g‘ri yo‘lga qo‘yilgan rotasiya «ko‘k-anorranglilar»ga 2016/2017-yilgi mavsumda sovrinlar yutishga yordam berishi mumkin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
