Chempionlar Ligasi nimchorak finalida “PSJ”ga qarshi bahsda asosiy tarkibda tushgan Samyuel Umtiti kataloniyaliklar jamoasiga ajoyib tarzda moslashib ketdi. Ayniqsa, baxt keltiruvchi tumor misolida.
Boshida unga nisbatan barchada shubha bor edi. U buni uddalay olmaydi, unga moslashish uchun vaqt kerak. Oldida katta to‘siqlar bor, vkz. Samyuel keskin burilishlarni yaxshi ko‘radignlar toifasidan.
Dastlab, u “Evro – 2016”ga bormasligi kerak edi. Faqatgina Mamadu Sakoning doping bilan bog‘liq mashmashalaridan keyin diskvalifikasiyaga uchrashi, Rafael Varan va Jeremi Matyo‘larning jarohatlari unga musobaqa eshiklarini ochgan edi. Ushbu musobaqadagi ilk uchrashuvini himoyachi chorak final bahsida boshladi. Debyut omadli chiqdi. Hafta esa ko‘tarinki o‘tdi. 3 kun o‘tib fransiyalik himoyachi La Liganing amaldagi chempionlari safiga qo‘shildi.
Matyo, Vermalen yoki Bartra omadsizlikka uchragan klubda, uning omadi chopdi
“Real” Madridga raqiblik qiladigan, har yili Chempionlar Ligasida g‘oliblik uchun kurashadigan, markaziy himoyachi roliga faqat eng kuchlilarga joy beradigan klubda u muvaffaqiyatga erishmoqda. Jerar Pike, Xaver Maskerano bunga namuna. Raqobatdoshlari orasida Umtiti ham o‘ziga joy topa oldi.
Mavsum boshidan buyon ikki marta kichik jarohatlar olib, biroz muddat maydondan tashqarida qolgan bo‘lishiga qaramay, Samyuel Umtiti butun Ispaniyani hayratga sola bildi. Sentyabr oyida Marca nashri unga quyidagi ta’rifni bergandi : “Matyo, Vermalen yoki Bartra Pikega tandem bo‘lishga hech kimni ishontira olmadi. Bu holat asosiy tarkibda o‘zining jangovarligini namoyon qiladigan Umtiti bilan sodir bo‘lmaydi.”
Umtiti – baxt keltiruvchi tumormi?
Hozirgacha, Umtiti ko‘rsatayotgan o‘yini va tajribasi bilan ancha xotirjam ko‘rinmoqda. Uning Pike bilan tandemi esa ishonchli ko‘rinmoqda. Qo‘shimchasiga, biri chapaqay bo‘lsa, boshqasi o‘ngaqay. Albatta, “Barselona”ning so‘nggi yillardagi asosiy tarkib himoyachisi Maskeranoni unutmaslik kerak. Biroq, argentinalik yarim himoyachi 33 yoshni qoralamoqda va o‘z vazminligini yo‘qotib borayotgandek.
“PSJ”ga qarshi bahsda, jarohat olgan Maskeranoning o‘rnini aynan Umtiti egalladi. Fransiyalik himoyachi bunday vaziyatdan unumli foydalanib qololmadi. “Barsa” ham. Chempionatda, “ko‘k-anorranglilar” Umtiti bilan boshlagan o‘yinlarning (12 o‘yin) barchasida g‘alaba qozongan edi. Ammo bu safar yutqazdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
