Futbol olamida klublar o‘rtasidagi eng nufuzli va serdaromad turnir - Yevropa CHLning ilk «pley-off» raundiga qur’a tashlangach, Soccer.ru sayti ijodkorlari darhol juftliklarda qaysi jamoa favorit ekanligini taxmin qilishga tushishdi. Ular bu jarayonda ko‘plab jihatlarni e’tiborga olishdi.
«PORTU» - «YUVENTUS»
Klublarning UYEFA reytingidagi o‘rni: 13 - 6
Klublar tarkibining umumiy bahosi (transfermarkt.de portali ma’lumoti bo‘yicha): 186 mln. yevro - 444 mln. yevro.
Klublarning CHL «pley-off» raundidagi tajribasi: o‘tgan mavsum YEL guruh raundidan chiqolmadi - bahorda 1|8 finalda o‘ynadi.
Klublarning yetakchi futbolchilari: Braimi, Ka-silyas, Danilo Pereyra, Maksi Pereyra, Felipe, Andre Silva, Diogo - Buffon, Alvesh, Pyanich, Bonuchchi, Aleks Sandro, Iguain.
Klublarning o‘yin bobidagi ustun taraflari: pozision hujum, o‘rta va uzun to‘p oshirish hisobiga vaziyat yaratish, «ikkinchi qavat»da samarali kurashish - ijrochilar mahorati, pozision himoya, qanotlar bo‘ylab hujum, havo kurashlaridagi ustunlik.
Umumiy hisob: 4:0 «Yuventus» foydasiga.
Iker Kasilyasning «Portu»dagi sheriklari uchun Yevropa CHL bahorgi bosqichida o‘ynash - o‘ziga xos reklama. Biroq Portugaliya klublarining bunday bahslarda ustun chiqishlari ancha qiyin masala. Xususan, «Yuventus»dek raqibga duch kelishganida. Demakki, «ajdarlar»ga ham «byankonerlar» bilan raqobatlashish oson kechmaydi. Ammo bu «Portu»ning «sensasiya» qayd etish imkoniyatiga ega emasligini anglatmaydi. Misol uchun, bu jamoa yaqindagina «Bavariya»ni rosa qiyin ahvolga solib qo‘ygandi. To‘g‘ri, bu yil emas. «Yuventus» esa buni inobatga oladi, albatta. Qolaversa, turinliklar final ta’mini tatib ko‘rishgan va endi o‘sha muvaffaqiyatni takrorlash, hattoki, yaxshilashni ko‘zlashadi. Mohiyatan olganda, Italiya grandi kichik omadsizliklarga to‘g‘ri yondashsa va «Portu» imkoniyatlarini talab darajasida baholasa, muammo sezmasa kerak.
Taxmin: «Yuventus» ijrosida ideal futbol ko‘rmasligimiz va «Portu»da ham imkoniyat tug‘ilishi mumkin. Biroq Iker Kasilyas va Janluiji Buffon qarama-qarshiligida ikkinchisining jamoasi g‘alaba qozonishi ehtimoli katta, baribir.
«SEVILYA» - «LESTER»
Klublarning UYEFA reytingidagi o‘rni: 11 - 73
Klublar tarkibining umumiy bahosi (transfermarkt.de portali ma’lumoti bo‘yicha): 218 mln. yevro - 215 mln. yevro.
Klublarning CHL «pley-off» raundidagi tajribasi: ishtirok etmadi, YELda g‘alaba qozondi - debyutant.
Klublarning yetakchi futbolchilari: Nasri, N~Zonzi, Vaskes, Eskudero, Vitolo, Mariano, Riko - Mahrez, Fuks, Xut, Morgan, Drinkuoter, Shmeyxel, Vardi.
Klublarning o‘yin bobidagi ustun taraflari: qanotlar orqali hujum, yuqori pressing, pozision va keng himoya - qarshi hujum, o‘rta va uzun uzatma, uzoq masofadan beriladigan zarba, qanotlar bo‘ylab hujum.
Umumiy hisob: 1:0 - «Sevilya» foydasiga, 1ta durang bilan.
«Sevilya» uchun «pley-off» bahslari - mavsum davomidagi yoqimli jarayon. Bu klub «Qirol kubogi»da doim ham bor e’tibori bilan o‘ynamaydi, ammo yevrokuboklarda kurashishga juda moyil. Misol uchun, YELda 3 marta g‘olib chiqqani bejiz emas. Xorxe Sampaoliga xos murabbiylik g‘oyalariga jamoaning jangovar ruhini qo‘shsak, xushchaqchaq «Sevilya»ning duch kelgan raqibga jiddiy to‘siq qo‘yishi mumkinligi oydinlashadi. «Lester»ni esa kimdir hamon «sirli tulpor» sifatida ta’riflayapti, ayrimlar aksincha, unga juftlikning yaqqol autsayderidek qarashyapti. Ammo shunisi borki, ayyor Klaudio Ranyeri asosiy kuchni aynan CHLga safarbar etayotgandek. Axir APLda uning ishlari yurishmayapti. Xullas, ushbu juftlik vakillari o‘yin bobidagi turli jihatlar bo‘yicha teng, faqat ispanlar yevroarenadagi tajriba hisobiga biroz ustunlar. Qarang, hattoki, ikki jamoaning tarkibi bahosida ham farq yo‘q, hisobi. Bunday muvozanat qolgan juftliklarning birortasida kuzatilmaydi.
Taxmin: «Sevilya» hozirgi holati va tayyorgarlik me’yori bo‘yicha Angliya chempionidan qolishmaydi. «Tulkilar» esa juda xavfli, biroq ular tushib ketsalar kerak. To‘g‘ri, bu juftlikka nisbatan mutlaqo teskari bashoratni aytish ham mumkin. Qisqasi, hammasi o‘ta mavhum.
Sir emas, ko‘pchilik so‘nggi vaqtlarda «Futbolda har qanday jamoa g‘alaba qozonishi mumkin» qabilida fikr yuritishga odatlanib qoldi. Biroq faktlardan ko‘z yumish noto‘g‘ri - futbolchilar, ishtirok bobidagi tajriba, reytingdagi mavqe, avvalgi mavsum natijalari, o‘yin elementlari... Tushunarliki, birinchi «pley-off»dayoq yo‘ldan chekinishi aqlga sig‘maydigan jamoalar bor. Ishtirokchilar maqomiga qarasak, shunday. Xullas, «Real», «Yuventus», «Manchester Siti», «Borussiya» D. va «Atletiko» klublari keyingi raundga chiqishlari shartdek, zero, ular raqiblaridan ancha kuchli. Umuman, CHLda yaqqol favoritlar yo‘q emas - ular barchaga tanish va ma’lum. Ammo hech bir klub deylik, o‘z maydonida gol qo‘yib yuborishdan, omadsiz oqshomga yuz tutishdan yoki boshqa «sensasiya»lardan himoyalanmagan. Shunday bo‘lsada, o‘jar faktlar baribir, nomdor jamoalar g‘alabasini taxmin qilishga undayveradi...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
