Futbolda doimo oldinda yurishga odatlangan Krishtianu Ronaldu biznes olamida ham yuksak marralarni zabt etishga chog‘langan ko‘rinadi. Ha, «Real»ning portugaliyalik hujumchisi shon-shuhrat va moddiy boyliklarga ko‘milib yashayotganiga qaramay, erishgan yutuqlari bilan kifoyalanib qolmaydigan, serg‘ayrat va tinib-tinchimaydigan yigitdir. U o‘zining ayanchli bolalik yillarini tez-tez tilga oladiki, bu o‘sha qiyinchiliklarni sira unutmaganidan dalolat. Krishtianu shunday og‘ir taqdir sabab, chinakamiga toblandi, maqsad sari qanday kurashish kerakligini puxta o‘zlashtirdi. Mana, futbolchi shohona avtomobillar kolleksiyasi (qiymati 1,7 mln. yevroga teng «Bugatti Veyron» va «Rolls-Roys Fantom» kabi 20ta mashinasi bor)ni yaratish va xususiy samolyot xarid qilish barobarida kelajakda risoladagidek daromad keltirishi kutilayotgan loyihalarga sarmoya kiritmoqda.
Ta’kidlash joiz, Ronalduning rejalari ancha jiddiy - u xususiy mehmonxonalar majmuasini yaratishga bel bog‘lagan. Loyihani amalga oshirish harakatlari o‘tgan yil yozda boshlandi. Ya’ni u tug‘ilib-o‘sgan ona shahri - Funshalda dastlabki shaxsiy mehmonxonasini ochdi. Tabiiyki, bu ishlar bilan Krishtianuning yolg‘iz o‘zi shug‘ullanmaydi. Hozirda Portugaliya, Braziliya, Argentina va Afrika mamlakatlarida yirik mehmonxonalar tarmog‘ini shakllantirgan Dionisio Pestana - Ronalduning biznes hamkori. Dastlabki mehmonxonaga shu boismi, Pestana CR7 nomi berildi. Rasmiy saytdagi ma’lumotlarga ko‘ra, Funshaldagi mehmonxona - yangi avlod vakillari uchun mo‘ljallangan mehmonxonalarning yangi avlodi. 49ta xonaning har biri texnikaning so‘nggi yutuqlari asosida yaratilgan o‘yin qurilmalari bilan jihozlangan - virtual voqelik qo‘yniga sho‘ng‘igan mijoz kun bo‘yi tashqariga chiqmasligi mumkin. Qadimdan urfga aylangan hordiq turlari, masalan, suv havzasi ham mehmonlarga muntazir. U binoning tom qismida joylashgan. Mehmonxonada dam olishning eng arzon bahosi - 1 kecha uchun 102 yevro.
Keyinroq biznesmen-futbolchi tashabbusi bilan Lissabonda ham Pestana CR7bunyod etildi. Poytaxtdagi mehmonxonaning ustunlik jihati - barcha qulayliklarga ega mashg‘ulotlar zali. U yerda mehmonlar shaxsan Ronalduning ishtirokida tuzilgan dastur bo‘yicha shug‘ullanishlari mumkin. To‘g‘ri, Lissabondagi mehmonxonada o‘yin qurilmalari yo‘q. 1 kunlik chiptaning eng arzon bahosi -108 yevro.
Ispaniyaning Marca gazetasi ma’lumotlariga ko‘ra, dunyoning eng yaxshi futbolchisi yana 4ta mehmonxona qurish uchun 75 mln. yevro ajratgan. Tez orada Lissabon va Funshalda yana bittadan Pestana CR7 quriladi, shuningdek, Madrid va Nyu-Yorkda ham shunday mehmonxonalar qad rostlaydi. Nyu-Yorkdagi inshoot uchun shaharning bosh maydoni - Tayms-skverdan joy ajratilgan. Bu maskan kechayu-kunduz sayyohlar bilan gavjum. Darvoqe, portugaliyalik hujumchi yaqinda yana bir jiddiy ishga qo‘l urdi. Marca nashrida yozilishicha, Krishtianu avvalgi yili yozgi ta’tilning bir necha kunini Ibisada o‘tkazgandi. Dam olish va sayohat oroli unga shunchalik yoqib tushgan ko‘rinadiki, birdaniga 4ta mehmonxona qurishga qaror qildi. To‘g‘ri, u bu inshootlarni quruq yerda bunyod etmoqchi emas, balki mavjud mehmonxonalarni qayta ta’mirdan chiqarmoqchi. Futbolchi o‘z rejasini yangi qurilayotgan binolar sohiblari bilan hamkorlik qilish orqali amalga oshirishi ham mumkin. «Bu joyni tanlaganimiz bejiz emas. Birinchidan, orolning maqomi juda yuqori, ramziy ma’noga ega. Ikkinchidan, Ibisa - eng mashhur sayyohlik yo‘nalishlaridan biri»,- deyishmoqda Ronaldu vakillari.
49ta xonaning har biri texnikaning so‘nggi yutuqlari asosida yaratilgan o‘yin qurilmalari bilan jihozlangan - virtual voqelik qo‘yniga sho‘ng‘igan mijoz kun bo‘yi tashqariga chiqmasligi mumkin. Qadimdan urfga aylangan hordiq turlari, masalan, suv havzasi ham mehmonlarga muntazir. U binoning tom qismida joylashgan. Mehmonxonada dam olishning eng arzon bahosi - 1 kecha uchun 102 yevro.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
