Rio-2016 Olimpiadasini kumush medal bilan yakunlagan bokschi Shahram G‘iyosov Uzbek Tigers’ning Qozog‘istondagi mag‘lubiyatidan keyin jurnalist Feruz Muhammadning savollariga javob qaytardi va keyingi g‘alabasiga qadar faqat mashg‘ulotlar bilan band bo‘lishiga oydinlik kiritdi.
Qayd etish kerak, Uzbek Tigers WSB’ning Xitoyda bo‘lib o‘tgan ilk janglarida China Dragons’dan 2:3 hisobida yengilgan bo‘lib, unda Rio qahramonlaridan birortasi ham ringga chiqmagandi. Qozog‘istondagi Astana Arlans’ga qarshi janglar uchun esa Olimpiadada O‘zbekiston sharafini himoya qilgan bokschilardan 4 nafari taklif qilindi. Shunga qaramay, Uzbek Tigers 1:4 hisobida imkoniyatni boy berdi. Xususan, Shahram G‘iyosov ham o‘z vazn toifasida raqibidan yengildi.
«Olimpiadadan keyin uch oydan ziyod vaqtimizni turli xil tadbirlar uchun sarf qildik va O‘zbekistonning barcha viloyatlarini aylanib chiqdik. Deyarli har bir kun qandaydir tadbir yoki kimgadir intervyu berish bilan o‘tdi. Natijada shu vaqt davomida mashg‘ulot o‘tay olmadik. Faqatgina yangi yildan keyin mashg‘ulotlar uchun qo‘l bo‘shadi. Bor-yo‘g‘i bir oygina tayyorgarlik esa professional sportchilar uchun kamlik qiladi. Aytishim kerak, biz Qozog‘istondagi musobaqaga tayyor emasdik» - dedi Shahram G‘iyosov.
Shahram G‘iyosov rasmiy janglar arafasida qo‘shiqchi Shahzodaning klipida ko‘rinish berdi. Bu esa Qozog‘istondagi mag‘lubiyatdan keyin ko‘p bor yodga olindi.
«Shahzodaning klipida suratga tushishim uchun ikki kungina vaqtim ketdi. Shunga ham s’yomkaga mashg‘ulotlardan keyin bordim.
Mag‘lubiyatimdan keyin shu qarorga keldim: sportchi uchun tadbir, to‘y-tomosha, klipda suratga tushish, internetda o‘tirish yaramas ekan. Endi faqat va faqat mashg‘ulotlar bilan band bo‘laman. To keyingi g‘alabamni qo‘lga kiritmagunimcha Instagram’ga ham kirmayman. Meni intervyuga chaqirganlarga ham uzrimni aytaman» - dedi Shahram G‘iyosov.
Shahram G‘iyosovning Riodagi janglaridan keyin sportchining Instagram sahifasi katta o‘sishga erishdi. Uning g‘alabalariga ofarin o‘qigan muxlislar Qozog‘istondagi mag‘lubiyatdan keyin Instagram’da kamroq o‘tirishni maslahat berdi.
«Muxlislar mashg‘ulotlardan to‘g‘ridan-to‘g‘ri efir qiling, uni ko‘rmoqchimiz, nima tanovvul qilayotganingizni bilishni istaymiz deb so‘rayvergani uchun ularning iltimosini yerda qoldirmasdim. Meni kuzatib boradiganlar bilan muloqotdan qochmasdim. Yengilganimdan keyin esa xuddi o‘sha kishilar Instagram’ga kamroq kirib, ko‘proq mashq qilishim kerakligini uqtira boshladi. Tushuna olmay qoldim.
Ko‘plab o‘zbekistonliklar bokschilarimiz Qozog‘istonda nokautga uchrabdi deb o‘ylaganini eshitdim. Bu noto‘g‘ri ma’lumot. Ringda sirpanib ketgan vaqtimdagi surat hech narsa emas, oramizdan hech kimga nisbatan hisob ochilgani yo‘q» - dedi Shahram G‘iyosov.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
