"Napoli" va "Real" o‘rtasidagi Yevropa chempionlar ligasining nimchorak final doirasidagi javob o‘yini bir bo‘lim davomida muxlislarni katta hayajonda ushlab turdi.
Neapoldagi "San-Paolo" stadionidagi bahs Madriddagi uchrashuvdan ham qiziqarliroq kechdi. Maydon egalari ilk daqiqalardanoq "Real" futbolchilariga nisbatan kuchli pressing uyushtirib, dadil oldinga tashlanishdi. Sarri shogirdlari tomonidan amalga oshirilayotgan bosim, nihoyat 24-daqiqada o‘z samarasini berdi. Maydon egalari chap tomondan jarima maydonchasiga kirgan Mertensni to‘p bilan ta’minlashdi va hujumchi o‘tkir birga-bir vaziyatda burchak ostida darvozaga ishg‘ol qildi.
Oradan 5 daqiqa o‘tib Krishtianu Ronaldu ajoyib imkoniyatdan foydalana olmadi. Qarshi hujum paytida portugaliyalik futbolchi darvozabon bilan yakkama-yakka vaziyatga chiqdi va jarima maydonchasi ichida Reynani aldab o‘tib, o‘tkir burchak ostida zarba berdi. To‘p esa ustunga tegib qaytdi! Qaytgan to‘pni egallagan Beyl o‘z imkoniyatidan foydalana olmadi.
Shuningdek, darvoza ustuni madridliklarni ham goldan qutqarib qoldi. "Napoli" hujum tashkil qilayotgan paytda to‘p jarima maydonchasi ichidagi Mertensga kelib tushdi. Uning zarbasidan keyin to‘p olis ustunga tegib, yon tomonga ketdi.
Tanaffusga qadar neapolliklar yana 2ta qulay imkoniyatga ega bo‘lishdi. Dastlab Hamshik maydon markazidan boshlab "Real" darvozaboni bilan birga-bir vaziyatga chiqib ketdi va jarima maydonchasi ostonasidan noaniq zarba berdi. Shuningdek, Insinye chap qanotdan bergan uzatmasidan keyin Marek jarima maydonchasiga kirdi va kuchli zarba berdi. Navas zarbani qaytarishga muvaffaq bo‘ldi.
Birinchi bo‘lim ana shunday hayajonli daqiqalarga boy bo‘lgan bo‘lsa, ikkinchi bo‘limning boshida to‘qnashuv taqdirini bir futbolchi hal qilib qo‘ya qoldi. Ikkita burchak to‘pi, ikki marta bosh bilan berilgan zarba va ikkita gol! Serxio Ramos ijrosida!
Bu gollar "Napoli" shashtini butunlay sindirib qo‘ydi. Bitta gol ursa, keyingi bosqichga chiqishi mumkin bo‘lib turgan jamoa endi 4ta gol ura olmasdi. Ikkinchi bo‘limning aksariyat qismi quruq rasmiyatchilikka aylanib qoldi. Boz ustiga, qo‘shib berilgan daqiqalarda Alvaro Morata jamoasining uchinchi goliga mualliflik qildi.
Shu tariqa, "Real" Yevropa chempionlar ligasining chorak finaliga yo‘l oldi.
YECHL, nimchorak final, javob o‘yini. 00:45
"NAPOLI" - "REAL MADRID" 1:3
Gollar: 1:0 – 24 Mertens, 1:1 – 51 Ramos, 1:2 – 57 Ramos, 1:3 – 90 Morata.
Napoli – Reyna, Albiol, G‘ulom, Xyusay, Kulibali, Mertens, Allan (Rog, 56), Kalyexon, Gamshik (Zelinski, 75), Insinye (Milik, 70), Diavara.
Real Madrid – Navas, Pepe, Marselo, Karvaxal, Ramos, Kroos, Kazemiro, Modrich (Isko, 80), Beyl (Vaskes, 68), Ronaldu, Benzema (Morata, 77).
Ogohlantirishlar: Allan (55), Diavara (89).
Birinchi o‘yin — 1:3
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
