Germaniyalik Deniz Aytekin juda qiyin o‘yinni boshqardi. Balki faoliyatidagi eng qiyini bo‘lishi mumkin.
Dastlabki 10 daqiqa ichida, to‘p har ikkala jamoa jarima maydoni ichida himoyachilarning qo‘liga tegdi. Ikkinchi bo‘limning boshida, Neymar jarima maydoni ichida yiqilib tushgan himoyachi Tomas Menyega qoqilib ketdi va quladi.
Dastlab Aytekin penalti belgilamadi. Biroq darvoza ortida turuvchi yordamchisi bilan gaplashib olganidan so‘ng, o‘z qarorini o‘zgartirdi.
Shundan so‘ng, Neymar yana bir marta yiqildi. Biroq bu yaqqol simulyasiya edi va hakam bu vaziyatda adashmadi. Shu vaqtgacha hammasi yaxshi ketayotgandi. Yaqqol xatolar shundan keyin yuz berdi.
Hisob 3:1 bo‘lib turganida, o‘yin taqdirini Anxel Di Mariya hal qilishi mumkin edi. Argentinalik futbolchi darvozabon bilan yuzma-yuz chiqib bordi, ammo Maskerano uni quvib yetdi.
Di Mariyaning zarbasi aniq chiqmadi, chunki Maskerano uni jarima madyoni ichida yiqitdi. Buni esa o‘yindan keyin ham tan oldi.
«Shubhasiz, men Di Mariyaga nisbatan qoida buzgan edim. Biroq biz PSJni aynan shu tufayli musobaqadan chiqarib yubormadik» - dedi Maskerano o‘yindan so‘ng.
Balki mana bu tufaylidir:
90-daqiqa, hisob 5:1. «Barsa»ga yana ikkita gol yetishmayapti. Messi to‘pni jarima maydoniga, Suaresga oshirdi. Markinyos qo‘lini uning bo‘yniga tekkizdi, hujumchi maydonga yiqildi. Aytekin shu zahoti penalti belgiladi. Bu safar mustaqil ravishda.
Keyin nima bo‘lgani hammaga ayon.
Ispaniyalik hakam Anduxar Oliver MARCA radiosi efirida shubhalanib o‘tirmadi: «Penalti yo‘q edi. Markinyos qo‘lini Suaresga qo‘yishi bilanoq u yiqildi».
Deniz Aytekin 38 yoshda, u 2008 yildan buyon Bundesligada ishlamoqda. 2014 yildan buyon UYEFAning sara hakamlari ro‘yxatiga kiradi. Kechagi o‘yin Aytekinning Chempionlar ligasi asosiy bosqichidagi 13-o‘yini bo‘ldi.
«PSJ» vakillari o‘yindan so‘ng barcha aybni Aytekinga to‘nkab o‘tirishmadi.
«Bizning foydamizga ikkita penalti belgilanmadi, ammo buni bahona qilib o‘tirmaymiz» - dedi klub prezidenti Nosir Al-Xilayfiy.
«Birinchi o‘yinda ajoyib natijaga erishgandik, ammo bugun chorakfinalga yo‘l olishga loyiq o‘yin namoyish etmadik. Men bahona izlamoqchimasman. Ammo Suarsega nisbatan qoida buzilmagandi. O‘z navbatida bizga ham penalti berishmadi. Shunda ham hakamlarni ayblashimiz noo‘rin, chunki o‘zimiz ham yaxshi o‘ynamadik» - dedi Tiago Silva, klub sardori.
«Hakamlarning qarorlari PSJga qarshi qaratilgandi. O‘yin oxirida esa nazoratni umuman qo‘ldan chiqardik va yutqazdik» - dedi Unai Emeri.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
