Osiyo chempionlar ligasi 3-turidan o‘rin olgan "Bunyodkor" - "Zob Ohan" uchrashuvi yakuniga yetdi. Sergey Lushchan shogirdlari guruh bosqichida ketma-ket uchinchi o‘yinda mag‘lubiyatga uchrashdi.
Avvalgi o‘yinlarda bo‘lgan manzara yana takrorlandi. O‘yin boshida "qaldirg‘ochlar" raqib darvozasi tomon bosim uyushtirib, vaziyatlardan foydalana olishmadi. Keyinchalik esa eronliklar o‘yin sur’atini tenglashtirib, asta-sekin hujumga o‘ta boshladi.
Ikkinchi bo‘limda mehmonlarning hujumlaridan birida "Bunyodkor" futbolchilari qo‘pol xatoga yo‘l qo‘yishdi. Natijada Jerri Bengston darvozabonimiz bilan yakkama-yakka vaziyatga qochib ketib, hisobni ochdi.
"Al-Ayn"ga qarshi o‘yinda bo‘lgani kabi bu safar ham "Bunyodkor"ning bir nafar futbolchisi maydondan chetlatildi. Maydon markazida havodagi to‘p uchun kurashda Chemirtan raqib futbolchisining ko‘kragiga tepib yuborgani uchun hakam unga darhol qizil kartochka berdi.
Bir kishi kam bo‘lib qolganiga qaramay, mezbonlar hujum tashkil qilishga harakat qilishdi. Hujumlarning birida Sardor Azimov juda qulay imkoniyatdan foydalana olmadi.
Ikkinchi bo‘limga qo‘shib berilgan daqiqalarda esa "Zob Ohan" qarshi hujum tashkil qildi va penalti ishladi. Tabriziy jarima zarbasidan adashmadi. 0:2.
"Bunyodkor" uchinchi o‘yindan keyin o‘zining ochkolar hisobini ocha olmadi. "Qaldirg‘ochlar"ning pley-offga chiqish imkoniyati keskin pasayib ketdi. "Zob Ohan" esa o‘z ochkolarini 4taga yetkazib oldi.
OCHL, "S" guruhi, 3-tur
"Bunyodkor" - "Zob Ohan" 0:2 (0:0)
Gollar: Jerri Bengston (55), Murtazo Tabriziy (90+6-penalti)
"Bunyodkor" - 25.Murodjon Zuhurov, 2.Rustamjon Ashurmatov, 5.Javlon Mirabdullayev, 7.Dushan Michich, 8.Javlon Ibrohimov, 9.SHahzodbek Nurmatov, 11.Vadim Chemirtan, 17.Dostonbek Hamdamov, 19.Nurillo To‘xtasinov, 29.Otabek Shukurov, 30.Xurshid G‘iyosov
Zaxira: 45.Dilshod Hamroyev, 16.Alisher Sanoyev, 20.Sardorbek Azimov, 23.Nodirxon Kamolov, 28.Davronbek Umirov, 44.Mirjamol Qosimov, 97.Javohir Esonqulov
"Zob Ohan" - 12.Muhammadrashid Mazaheri, 2.Muhammad Najod Mehdi, 3.Vohid Muhammadzoda, 6.Mahdi Mahdipur, 7.Sayid Muhammadrizo, 10.Ehson Pahlavon, 18.Ali Hamam, 23.Danial Esmoilfar, 24.Mehron Derakshanmehr, 27.Jerri Bengston, 30.Mahli Rajabzoda
Zaxira: 22.Hamid Erfani, 9.Rabih Ataya, 11.Murtazo Tabrizi, 19.Mehrdod G‘anbari, 20.Hujjat Xaqverdi, 33.Muhammad Sattoriy, 70.YOsir Feyzi.
Mash’al
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
