Osiyoning eng nufuzli turnirlaridan biri Elit Chempionlar Ligasida hakamlik bilan bog‘liq mojarosi yuzaga keldi. Yarim final doirasida kechgan Yaponiyaning “Machida Zelviya” va BAAning “Shabab Al-Ahli” jamoalari o‘rtasidagi uchrashuv nafaqat natijasi, balki bahsli qarorlari bilan ham yodda qoladigan bo‘ldi.
Uchrashuvning 12-daqiqasida yaponiyaliklar futbolchisi Yuki Soma raqib himoyachisi Bogdan Planichning qo‘pol xatosidan unumli foydalanib, hisobni ochdi. O‘yinning dramatik qismi esa ikkinchi bo‘limning hakam tomonidan qo‘shib berilgan daqiqalarida yuz berdi.
92-daqiqada “Shabab Al-Ahli” vakili Gilerme Bala uzoq masofadan yo‘llagan zarbasi bilan muvozanatni tikladi. Biroq VAR aralashuvidan so‘ng ushbu gol bekor qilindi. Gap shundaki, hujum boshlangan pallada “Machida” tarkibida o‘zgarish amalga oshirilayotgan edi. Uchrashuv bosh hakami, avstraliyalik referi Shon Evans o‘zgarishlar hali to‘liq yakunlanmaganini payqamay, o‘yinni davom ettirishga ruxsat bergan. VAR hakamning ushbu texnik xatosiga e’tibor qaratgach, Evans darvoza ishg‘ol qilinganini bekor qildi.
Hakamning qarori maydonda tartibsizlikni keltirib chiqardi. “Shabab Al-Ahli” ustozi Paulu Souza o‘yin tugamasidanoq kiyinish xonasiga yo‘l oldi, darvozabon Hamad Al-Meqbaali esa final hushtagidan so‘ng qizil kartochka bilan jazolandi. Vaziyat keskinlashgani sababli, hakam Shon Evans maydonni polisiya qurshovida tark etishga majbur bo‘ldi.
O‘yindan keyingi matbuot anjumanida Paulu Souza hakamlikni keskin tanqid qildi:
“Bu hakamning juda qo‘pol texnik xatosi. Afsuski, bunday qarorlar futbolni xarobaga aylantirmoqda. Bu darajadagi o‘yinga bunday hakamni tayinlash katta xato edi. Biz finalda o‘ynashga munosib edik”.
Ushbu g‘alaba evaziga “Machida” finalga yo‘llanma oldi va endi shanba kuni amaldagi chempion — “Al-Ahli” bilan Jiddada to‘qnash keladi. Biroq “Shabab Al-Ahli” klubi hakamning xatosi o‘yin taqdiriga ta’sir qilganini ta’kidlab, natija bo‘yicha rasman norozilik bildirdi. Amirliklar jamoasi o‘yinni qaytadan o‘tkazishni talab qilib, Jiddadan ketmay OFKning yakuniy qarorini kutmoqda.
Futbol mutaxassisi Alisher Nikimbayevning yozishicha, ushbu kutilmagan vaziyat sababli OFK Hakamlar departamenti o‘zbekistonlik mutaxassislar — Ilgiz Tantashev va Andrey Sapenkoning Toshkentga qaytishini kechiktirdi. Hozircha Tantashev boshchiligidagi hakamlar brigadasining nega olib qolganining aniq sabablari ma’lum emas.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
