«Real»ning sobiq yarim himoyachisi Xese Rodriges ayni payt «Las-Palmas»da ijarada to‘p surmoqda. Yaqinda futbolchi Marca nashriga intervyu berdi.
- «Las-Palmas»dagi dastlabki o‘yinlaringizda qiyinchilikka duch kelganingizni nima bilan izohlaysiz?
- Buni kutmagandim va o‘zimni erkin his qila olmadim. Biz to‘rtta o‘yinda mag‘lub bo‘ldik. Men esa birorta ham gol ura olmadim. Ishlar biz istagandek kechmadi. Bundan ham yomoni, jamoa xavfli vaziyatlarni yuzaga keltirsada gol ura olmadi. Ko‘ramiz, bu qiyinchilikni qanday yengib o‘tamiz.
- «Real»da deyarli o‘n yil o‘ynadingiz. Shu davr ichida nimalarni o‘zlashtirdingiz?
- Ko‘p narsalarni. Eng avvalo, intizom va kamtarlikni o‘rgandim. Ko‘plab murabbiylar bilan ishladim. Bolaligimda bu yerda bo‘lish juda yoqardi. Boshqa futbolchilardan ko‘p narsa o‘rgandim.
- To‘rt-besh yil oldin «Oltin to‘p»ni yutib olishingiz haqida gapirgandingiz. Hamon shunday bo‘lishiga ishonasizmi?
- Hozir ushbu savolga javob berish qiyin bo‘lib qoldi. Kimlardir «U bu gaplarni to‘rt yoki besh yil oldin aytgan», deyishi mumkin. Lekin barchaga shuni eslatib qo‘ymoqchiman: «Kastilya» safida o‘ynab yurgan kezlarim gol urish borasida Emilio Butgagenyodan o‘zib ketgandim. O‘shanda bu borada Raul rekordini yangilayman, degandim. Ammo jarohat tufayli faoliyatim oqsab qoldi. Buning oqibatida shaxsiy xayotimda ham ko‘p narsa yo‘qotdim. O‘zimni himoya qilaman deb o‘yinim pasayib ketdi. Shu kabi jarohat olgan futbolchilar meni yaxshi tushunishadi. Bunday qismatni hech bir futbolchiga ravo ko‘rmayman. Bolaligimdan «Oltin to‘p» va Chempionlar Ligasida g‘alaba qozonishni orzu qilganman.
- Nima deb o‘ylaysiz, vaqtingiz o‘tib ketdimi yoki bunga matbuot aybdormi?
- Bunda matbuotni aybi yo‘q. Jamoaga kerak ekanimni his qilardim va shuni maydonda isbotlardim. Buning hammasi men uchun qimmatga tushgan jarohatgacha bo‘lgan. Undan so‘ng turli muammolarga duch keldim. Natijada to‘qqiz oy davolandim. Qaytganimdan so‘ng esa yetarli o‘yin amaliyotiga ega bo‘lmadim. Keyingi mavsumda zaxiraga o‘tirib qoldim. Shu bois ham «Real»dan ketishga qaror qildim. Chunki baxtli emasdim. Vaholanki, yana bir yil shartnomam bor edi. Ketishimga sabab, har hafta o‘ynashni istayman. Shuningdek, buning boshqa sababi ham bor - milliy terma jamoa.
- «Qirollik klubi»ni tark etganingizga ko‘p bo‘lmadi. Nima deb o‘ylaysiz, «Real»da qolish uchun nima qilishingiz kerak edi?
- Ishontirib aytaman, vaziyatni o‘zgartirish uchun qo‘limdan kelganini qildim. O‘zimga ishonardim.
- «Real»ga qaytasizmi yoki eshiklar siz uchun yopildimi?
- Hozircha bilmayman. Ammo qachonlardir qaytaman. Bu jamoa meni futbolchi sifatida tarbiyaladi. «Real» menga hayot bergan onamdek. Tajriba to‘pladim, ko‘p narsalarni o‘rgandim va hayotimning yarmini Madridning «Real»ida o‘tkazdim. Futbolda keyinchalik nima bo‘lishini oldindan aytish qiyin. Ayni paytda «Las-Palmas»da o‘ynayapman va bu yerda baxtliman. Jamoa bilan yaxshi natijalarni qayd etmoqchiman. Oldinda hali o‘yinlar ko‘p va hammasini vaqt ko‘rsatadi.
- O‘sha 2014 yilgi jarohat bo‘lmaganida faoliyatingiz qanday kechishi haqida o‘ylab ko‘rganmisiz?
- Ha, bu haqda o‘ylaganman. O‘zimni kim bilandir tenglashtirishni yoqtirmayman. Ammo jarohat bo‘lmaganida «Real»ning asosiy tarkib o‘yinchilaridan biriga aylanardim. Bunga ishonchim komil.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
