Goal nashri Opta bilan birgalikda, Lionel Messi va Krishtianu Ronaldularning La Liga doirasida eng ko‘p assistentlik qiluvchi jamoadoshlari ro‘yxatini tuzib chiqdi. Bunda ularning mos ravishda “Barselona” va “Real”dagi debyutlaridan hozirgacha bo‘lgan davr hisobga olingan.
Hujumchi unga samarali to‘p uzatadigan jamoadoshlarisiz hech kim. So‘nggi “Oltin to‘p”lar sohiblari ham bundan mustasno emas. Klubda yoki terma jamoada bo‘lsin, jamoadoshlarining ajoyib mehnati evaziga bu ikki yulduz futbolchi bir necha yillardan buyon to‘purarlik poygasini uyushtirishmoqda. Bu ikki futbolchi hozirgi klublarida debyut qilganidan beri qaysi jamoadoshlari bu ikki yulduz futbolchiga eng ko‘p golli uzatmani amalga oshirgan?
Krishtianu Ronaldudan boshlasak. 2009-yilda Ronaldu bilan bir vaqtda “Real”ga kelib qo‘shilgan Benzema 37 golli uzatma bilan ro‘yxatni boshqarib bormoqda. “Lion”ning sobiq a’zosi nafaqat hujumchi vazifasini, balki Ronalduni ham golli uzatmalari bilan ta’minlab kelmoqda. Ikkinchi o‘rinda “Real”ning sobiq a’zosi Mesut O‘zil 27 golli uzatma bilan bormoqda. Kuchli uchlikni BBC vakili Garet Beyl 24 golli uzatma bilan yakunlab beradi. 4-o‘rinda “Real”ning yana bir sobiq vakili Anxel Di Mariya (22 golli uzatma) bormoqda. Marselo esa 17 golli uzatma amalga oshirgan va mos ravishda 5-o‘rinda. Hujumkor himoyachilardan biri hisoblanadigan Marselo tez-tez o‘z qanotidan hujumga qo‘shilishi jamoasining foydasiga ishlamoqda.
Lionel Messining eng yaxshi assistentlari ko‘pchilik kutganiday MSN uchligi a’zolari emas. Ular hatto kuchli uchlikka ham kirisholmagan. Ro‘yxatni hozirda “Yuventus” safida harakat qiladigan Dani Alvesh 42 golli uzatma bilan boshqarib bormoqda. “Barselona”ning so‘nggi “Oltin avlod” vakillaridan biri Andres Inesta (34) esa 2-o‘rinda. Sobiq “maestro” Xavining 31 uzatmasini argentinalik futbolchi golga aylantira olgan. “Barselona” tarbiyalanuvchisi, hozirda “Chelsi”da binoyidek o‘yin namoyish etayotgan Pedro 25 golli uzatmani amalga oshirgan. “Barselona”ga qo‘shilganiga hali 3 yil ham bo‘lmagan Luis Suares hozirgacha Messiga 23 golli uzatmani amalga oshirgan. Beshlikni esa MSN ning so‘nggi vakili Neymar (21) yakunlab beradi.
Ro‘yxatga nazar tashlanganda Messi va Ronalduning assistentlari asosan hujumchilar va yarim himoyachilardan iborat. Biroq, shunday himoyachilar borki ular boshqa amplua vakillaridan yaxshiroq ko‘rsatkichga ega. Ronaldu “Real”da faoliyatini boshlaganidan beri Ramos unga 10 marotaba golli uzatma yetkazib bergan. Bu ko‘rsatkich Toni Kroos (7) va Luka Modrich (7) nikidan ham ko‘p. Bu holat Messida ham o‘xshash. 2010-2016-yillarda “Barselona”da o‘ynagan braziliyalik himoyachi Adriano Korreya 9 bor samarali to‘p amalga oshirgan. Bu esa Buskets (8) va Rakitichlarning (7) ko‘rsatkichidan ortiq.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
