O‘zbekiston ayollar terma jamoasi Osiyo Kubogi–2018 saralash bosqichida ishtirok etish uchun bugun, 30 mart kuni Toshkent vaqti bilan 15:00da KXDRga uchib ketdi.
KXDRga yo‘l olishdan avval O‘zbekiston ayollar terma jamoasi Terma jamoalar markazi rahbariyati bilan uchrashdi.
Sherali Boboqulov bosh murabbiyligidagi jamoa Osiyo Kubogi–2018 saralash bosqichi “B” guruhidan joy olgan bo‘lib, final bosqichiga chiqish uchun Janubiy Koreya, Gonkong, Hindiston va KXDR ayollar termasiga qarshi bahs olib boradi.
Quyida saralash bosqichida ishtirok etadigan futbolchilar ro‘yxati keltirilgan.
Darvozabonlar: Laylo Tilolova, Maftuna Jonimqulova, Gulandon Boymatova;
Himoyachilar: Xolida Dadaboyeva, Kamola Risqiyeva, Maftuna Shoyimova, Dilrabo Asadova, Nozima Kamoltoyeva;
Yarim himoyachilar: Irodaxon Turdaliyeva, Zumratxon Nazarova, Umida Zoirova, Malika Burxonova, Sevara Normurodova, Saida Galimova, Maxfuza Turopova, Feruza Turdiboyeva, Mavluda Munavvarova, Dildora Nozimova;
Hujumchilar: Nilufar Qudratova, Lyudmila Karachik, Lianna Narbekova, Maxliyo Sarikova, Rushaniya Safina.
“B” guruhi uchrashuvlari 3–11 aprel kunlari KXDRda bo‘lib o‘tadi. O‘zbekiston ayollar terma jamoasining o‘yin taqvimi quyidagicha:
3 aprel. Gonkong – O‘zbekiston
7 aprel. O‘zbekiston – Hindiston
9 aprel. O‘zbekiston – KXDR
11 aprel. Janubiy Koreya – O‘zbekiston
Reglamentga ko‘ra, faqatgina guruh bosqichida zafar quchgan terma jamoa Osiyo Kubogi–2018 turnirining final bosqichiga yo‘llanma oladi. O‘z guruhida g‘alaba qozongan terma jamoalar Yaponiya, Avstraliya, Xitoy (Osiyo chempionati–2014 yakuniga ko‘ra eng yuqori reytingga ega bo‘lgan jamoalar) hamda Iordaniya (turnir mezboni)ga qo‘shiladi.
Shu tariqa, 2018 yilning 7–22 aprel kunlari bo‘lib o‘tadigan Osiyo chempionati final bosqichida jami 8 terma jamoa ishtirok etadi. Final bosqichida eng yaxshi natijani qayd etigan besh terma jamoa Fransiyada iyun/iyul oylarida bo‘lib o‘tadigan ayollar o‘rtasidagi JCH–2019 musobaqasiga yo‘llanma oladi.
Ma’lumot uchun, O‘zbekiston ayollar terma jamoasi FIFA reytingida 42-o‘rinda (1548 ochko) bormoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
