Mamlakat yoshlar birinchiligining 4-turida Samarqandda “Dinamo” mehmoni bo‘lgan «Navbahor» yoshlari raqibga 1:3 hisobida imkoniyatni boy berishdi.
Uchrashuvni maydon egalari faol boshlashdi. Samarqandliklar ilk daqiqalarda standart vaziyatlar orqali xavfli vaziyatlarni yaratishdi. Ana shunday urinishlardan biri 5-daqiqada o‘z samarasini berdi. Islom Sharipov chamasi 28 metrlardan belgilangan jarima zarbasini aniq amalga oshirib hisobni ochdi. Goldan keyin ham “Dinamo” to‘pni nazorat qilishda ustunlikka erishdi. «Navbahor» yoshlari esa 14-daqiqada raqib darvozasiga dastlabki xavfli zarbani yo‘llashdi. Timur Tolipov 21 metrlardan belgilangan jarima zarbasini golga aylantirishga urinib ko‘rdi. Lekin, Tolipovning tepgan to‘pini Toshturdiyev qiyinchilik bilan bo‘lsada maydon tashqarisiga chiqarib yuborishga ulgurdi.
Oradan biroz vaqt o‘tib, endi Nodir Ashurmatov Omad Toyloqovga jarimadan gol urish imkonini bermadi. 32-daqiqaga kelib, mezbonlarda ikkinchi golni urish uchun yaxshigina imkoniyat tug‘ilgandi. Iskandar Xolmirzayev ishlagan penaltini Timur Ergashev amalga oshira olmadi. Ushbu vaziyatda Ashurmatov samarqandlik futbolchining tepgan to‘pini qaytarishga erishdi.
Uchrashuvning ikkinchi bo‘limini «Navbahor» yoshlari ancha faol boshlashdi. Dastlab Islom Abduqodirov raqib posboni bilan deyarli yakkama-yakka vaziyatga chiqib, gol urishni uddasidan chiqmadi. 57-daqiqada esa Abduaziz Sultonovning to‘p oshirishidan keyin “Dinamo” posboni bilan yuzma-yuz qolgan Bilol Toshmirzayev vaziyatdan samarali foydalanib, hisobni tenglashtirdi. Goldan keyin ham «Navbahor» yoshlari yaxshi harakat qilishgan bo‘lsa-da, samarqandliklar hisobda oldinga chiqib olishni uddasidan chiqdi. 68-daqiqada Islom Sharipovning jarimadan oshirgan to‘pini Hokimxon Alamxonov boshi bilan darvozaga joylab qo‘ydi. «Navbahor» yoshlarida ikkinchi bor hisobni tenglashtirish uchun imkoniyatlar yuzaga kelgan bo‘lsada, o‘yin oxirlarida “Dinamo” jamoasi uchinchi bor muvaffaqiyat qozondi. Himoyada yuzaga kelgan xatodan keyin Timur Ablamitov darvozani aniq nishonga oldi.
“Dinamo” – “Navbahor” – 3:1 (1:0).
30 mart. Samarqand. “Olimpiya zaxiralari” o‘yingohi. 95 tomoshabin.
Hakamlar: F.Norsafarov – 8,2, D.SHodiyev – 8,1, A.Axatov – 8,1, G.Hamidov - 8.
Nazoratchi - SH.Jumayev.
“Dinamo”: 46. Rustam Toshturdiyev, 4. Hokimxon Alamxonov, 8. Timur Ergashev (6. Daler Olmasdjanov, 68), 12. Iskandar Xolmirzayev, 15. Laziz Nuriddinov (55. Asadbek Tolipov 80), 17. Umid Radjabov, 22. Timur Fayzullayev (34. Laziz Farruxov, 85), 28. Omad Toyloqov, 42. Fazliddin Yo‘ldoshev (16. Rafael Devlilamov, 76), 70. Ramish Bobomirzayev (18. Anvar Murodov, 63), 95. Islom Sharipov (33. Timur Ablamitov, 78).
“Navbahor”: 12. Nodir Ashurmatov, 2. Bilol Toshmirzayev, 3. Iskandar Siddiqjanov (16. Abdulaziz Nishanbayev, 85), 4. Javohir Olimjonov, 5. Timur Tolipov, 8. Ravshan Xursanov (15. Muzaffar Abdullayev, 80, 17. Ilhom Boydedayev, 18. G‘olibbek Karimov, 22. Abduaziz Sultonov, 48. Akbarali Xoldorov, 70. Islom Abduqodirov (13. Shahzod Hamidov, 83).
Gollar: I.SHaripov (5), H.Alamxonov (68), T.Ablamitov (83) – B.Toshmirzayev (57).
Amalga oshirilmagan penalti: T.Ergashev (32, darvozabon).
Ogohlantirishlar: R.Bobomirzayev (19), U.Radjabov (25), L.Nuriddinov (43, hammasi “Dinamo”).
So‘g‘diyona
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
