“Lokomotiv” PFK tarbiyalanuvchisi Ilyos Ahmedxonov “Gazprom” kompaniyasi tomonidan tashkil etiladigan “Futbol do‘stlik uchun” xalqaro loyihasida O‘zbekiston sharafini himoya qiladigan bo‘ldi.
Oldingi planda. Ilyos Ahmedov
FIFA va futbol bo‘yicha 2018 yilgi Jahon chempionatining rasmiy hamkori — “Gazprom” kompaniyasi “Futbol do‘stlik uchun” xalqaro bolalar loyihasining shu yil 26 iyun kunidan boshlab 3 iyul kunigacha Sankt-Peterburgda (Rossiya) bo‘lib o‘tadigan beshinchi mavsumi start olganini e’lon qilgani haqida xabar berilgandi.
Qur’a marosimidan fotolavha
2017 yilda loyihaning ishtirokchi mamlakatlar soni 32 tadan 64 tagacha, ya’ni, ikki barobar ko‘paydi. O‘zbekiston ham ishtirokchi mamlakatlar qatoridan joy olgan. Qur’a natijasiga ko‘ra, O‘zbekiston sharafini “Yashil do‘stlik” jamoasida darvozabon himoya qiladi.
Qur’a natijasi
Musobaqa qoidalariga ko‘ra, futbolchi (darvozabon) 10–12 yoshda bo‘lishi, 2 yillik futbolchilik tajribasiga ega bo‘lib, ingliz tilini bilishi va boshqalar bilan chiqishimli bo‘lishi kerak. Shu maqsadda, O‘zbekiston Futbol Federasiyasi mamlakatdagi futbol klublarning yosh darvozabonlari orasida 19 aprel kuni tanlov o‘tkazdi.
Tanlovda “Bunyodkor”, “Neftchi”, “Nasaf”, “Lokomotiv” va “Paxtakor” klublarining jami 7 nafar tarbiyalanuvchisi ishtirok etdi. Nomzodlarni saralash ikki bosqichda bo‘lib o‘tdi.
Tanlov ishtirokchilari
Dastlab darvozabonlarning maydondagi hatti-harakati, jismoniy holati va boshqa ko‘rsatkichlari sinovdan o‘tkazildi. Sinovlar Anvar Rashidov, Marat Galimov va Ruslan Ahmedxonov kabi darvozabon murabbiylari mutaxassislari nazorati ostida o‘tdi.
Chapdan o‘ngga. Marat Galimov, Ruslan Ahmedxonov, Anvar Rashidov
Birinchi bosqichdan “Nasaf” darvozaboni Asilbek No‘monov, “Lokomotiv” vakili Ilyos Ahmedov hamda “Bunyodkor” a’zosi Muslim Abdumamnnopov muvaffaqiyatli o‘tdi.
Chapdan o‘ngga. Ilyos Ahmedov, Muslim Abdumannopov, Asilbek No‘’monov
“Futbol do‘stlik uchun” xalqaro loyiha bo‘lgani uchun ikkinchi bosqichda nomzodlarning rus va ingliz tili borasidagi bilimlari sinovdan o‘tkazildi. Yosh darvozabonlar bilan olib borilgan qiziqarli va mazmunli suhbatdan keyin “Lokomotiv” PFK tarbiyalanuvchisi, 2005 yilda tavallud topgan Ilyos Ahmedov xalqaro turnirda O‘zbekiston sharafini himoya qilish uchun tanlab olindi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
