Ispaniya chempionatining 33-turi doirasida "Real" o‘z maydonida "Barselona"ni qabul qildi va 2:3 hisobida imkoniyatni boy berdi. Natijada ikkala jamoaning ochkolari soni tenglashdi — 75tadan.
Madridliklar hisobida bitta zaxirada qoldirilgan o‘yin bor. Xo‘sh, mana shunday pallada Ispaniya chempionligi uchun kimning imkoniyati yaxshiroq? Taqvimning qolgan qismida jamoalarning o‘yinlaridan kelib chiqib, vaziyatni tahlil qilib ko‘ramiz.
"REAL MADRID"
Zidan jamoasini mavsum so‘ngiga qadar (21 may) Ispaniya chempionati doirasida 6ta o‘yin kutib turibdi. Bundan tashqari, "Qirollik klubi" 2 va 10 may kunlari "Atletiko"ga qarshi Chempionlar ligasining yarim final o‘yinlarini o‘tkazadi. Kechagi mag‘lubiyat tufayli Zidan endi har bir o‘yinda g‘alaba qozonish shart va murabbiy rotasiya siyosatidan to‘laqonli foydalana olmaydi. Natijada 1 oy ichida o‘tkaziladigan 8ta o‘yin tufayli "Real"ning asosiy tarkib futbolchilariga katta jismoniy bosim tushadi.
Bundan tashqari, "qaymoqranglilar" navbatdagi turlarda "Deportivo" va "Valensiya"ga qarshi oson bo‘lmagan o‘yinlarni o‘tkazishadi. "Atletiko" bilan bo‘ladigan YECHL bahslaridan keyin "Madrid"ni "Sevilya" va "Selta"ga qarshi qiyin o‘yinlar kutib turibdi.
La liga, 34-tur. 26 aprel. "Deportivo" - "Real Madrid"
La liga, 35-tur. 29 aprel. "Real" - "Valensiya"
YECHL, yarim final. 2 may. "Real" - "Atletiko"
La liga, 36-tur. 6 may. "Granada" - "Real"
YECHL, yarim final. 10 may. "Atletiko" - "Real"
La liga, 37-tur. 14 may. "Real" - "Sevilya"
La liga, 21-turning qoldirilgan o‘yini. 17 may. "Selta" - "Real"
La liga, 38-tur. 21 may. "Malaga" - "Real"
"BARSELONA"
"Barselona" esa 1 oy ichida 5ta o‘yin o‘tkazadi xolos. "Vilyarreal" va "Espanyol"ga qarshi uchrashuvlar "ko‘k-anorranglilar"ga qiyinchilik tug‘dirishi mumkin.
La liga, 34-tur. 26 aprel. "Barselona" - "Osasuna"
La liga, 35-tur. 29 aprel. "Espanyol" - "Barselona"
La liga, 36-tur. 6 may. "Barselona" - "Vilyarreal"
La liga, 37-tur. 14 may. "Las-Palmas" - "Barselona"
La liga, 38-tur. 21 may. "Barselona" - "Eybar"
Xulosa
Enrike jamoasi qolgan 5ta o‘yinda g‘alaba qozonishga harakat qiladi va "Real"ning qoqilishini kutadi. "Qirollik klubi" 6ta o‘yinda bir marta durang o‘ynash huquqiga ega. Ochkolar teng bo‘lib qolsa, chempionlik "Barselona"ga nasib etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
