Oliy liganing 8-turida "Navbahor" safarda Toshkentning "Paxtakor" jamoasi mehmoni bo‘ladi.
"Lochinlar" o‘tgan turda G‘uzorning "Sho‘rtan" klubi ustidan g‘alaba qozongach navbatdagi bellashuvga ko‘tarinki kayfiyatda tayyorgarlik olib bormoqda. "Paxtakor" esa 7- turda "Lokomotiv"ga kichik hisobda mag‘lub bo‘ldi. So‘nggi vaqtlarda poytaxtliklarning ishlari biroz ortga ketgandek. Bu turda o‘z muxlislarini xursand etishni niyat qilganliklari aniq. Shu boisdan "sherlar" bilan to‘qnashuv tomoshabinlarni zeriktirmasligi turgan gap.
Jamoalarning o‘zaro bellashuvlari tarixiga nazar tashlaydigan bo‘lsak, «Paxtakor»da ustunlik katta ekanligiga guvox bo‘lish mumkin. "Paxtakor" va "Navbahor" umumiy hisobda O‘zbekiston chempionatida 50 marotaba o‘zaro kuch sinashishgan. 33 bahs «Paxtakor» g‘alabasi bilan yakun topgan bo‘lsa, 11 o‘yinda «Navbaxor»ning qo‘li baland kelgan, 6 qarama-qarshilikda durang kuzatilgan. To‘plar nisbatidagi ko‘rsatgich 90-37, raqib foydasiga. Jamoamiz oxirgi marotaba Toshkentdan 1997 yilda ochko olib qaytgan. O‘shanda "navbahorchilar" mehmonda 2:2 hisobi qayt etishgan. Jamoamiz "Paxtakor" maydonidan o‘z tarixida bir marotaba uch ochko olib qaytgan. Bu xolat 1995- yilda kuzatilgan.
Jamoalarning o‘zaro o‘yinlari statistikasiga nazar tashlab, ayrim qiziqarli raqamlarga guvoh bo‘lish mumkin. Masalan Aleksandr Geynrix qarama-qarshiliklardagi to‘purar nomiga ega bo‘lib turibdi. «Paxtakor» sharafini himoya qilgan Geynrix «Navbahor» darvozasini sakkiz bor nishonga olgan. Yana bir sobiq «paxtakor»chi Zayniddin Tojiyev hisobida beshta gol bor. «Navbahor» safida maydonga tushgan Oleg Shaskix, Leonid Koshelev va Shuhrat Mirxoldirshoyevlar to‘rt martadan poytaxtliklar darvozasini nishonga olishgan. E’tiborli jihati Koshelev har ikki jamoada ham gol urishga erishgan. Ya’ni «Navbahor»dan ketgan Leonid «Paxtakor» safida uch bor muvaffaqiyat qozongan. Shuningdek, Vladimir Baranov hamda Vadim Kotelnikovlar ham har ikki jamoa tarkibida muvaffaqiyat qozonishgan.
«Paxtakor» jamoasining shu kunga qadar «Navbahor» darvozasiga kiritgan 90 ta golining o‘ntasini penaltidan urilganligini e’tirof etish o‘rinli. Yana uchta golga esa jamoamiz tarkibida harakat qilgan Shavkat Raimqulov, Doniyor Usmonov, Igor Golbanlar mualliflik qilishgan. Ya’ni ushbu himoyachilar o‘z darvozalariga to‘p kiritib qo‘yishgan.
2009 yilgi chempionatning ikkinchi davrasidan o‘rin olgan uchrashuvda Aleksandr Geynrix qarama-qarshiliklardagi yagona «xet-trik» muallifiga aylangandi. Uchrashuvda qayd etilgan 7:0 hisobi o‘zaro hisob-kitobdagi eng yirik natija bo‘lib tarixga kirgan. O‘yinlar davomida sakkizta «dubl» kuzatilganligini ham qo‘shimcha qilish lozim. «Dubl»larning ikkitasiga «Navbahor» tarkibida harakat qilgan Shuhrat Mirxoldirshoyev va Aleksandr Shadrinlar mualliflik qilishgan.
«Paxtakor» o‘zaro o‘yinlarning to‘qqiztasida yirik hisobdagi g‘alabalarni qo‘lga kiritgan. Yirik natijalar 2000 yildan keyin kuzatilganligini ham qo‘shimcha qilish mumkin. Hozircha jamoamiz hisobida ana shunday yirik g‘alabalar mavjud emas.
O‘zbekiston chempionatlari o‘tkazila boshlagan dastlabki yillarda raqiblarning o‘zaro o‘yinlarida nisbatan tenglik kuzatilgandi. Ammo, keyinchalik «Paxtakor»ni kuchli tarkibga ega bo‘lishi va deyarli har bir mavsum uchrashuvlarida faqat g‘alabani tantana qilishi o‘rtadagi farqni katta bo‘lishiga olib kelgandi.
Eslatib o‘tamiz, 28 aprel kuni soat 18.00 da boshlanadigan «Paxtakor» - «Navbaxor» uchrashuvini Z. Qodirov (Navoiy) boshqaradi.O. Jumayev (Navoiy), R. Samandarov (Navoiy) yon hakam vazifasini bajarishsa, K. Rasulov (Qarshi)zaxira referisi sifatida qayd etilgan. X. Muxtarov (Samarqand) bellashuvni nazorat qilib boradi.
1992 yil
«Paxtakor» - «Navbahor» - 1:0
Gol: N.Hasanov (60).
1993 yil
«Paxtakor» - «Navbahor» - 3:2
Gollar: R.Galiyev (10), SH.Maqsudov (31), V.Kechinov (70-pen.) – V.Keldiyev (12), Q.Abduqodirov (27).
1994 yil
«Paxtakor» - «Navbahor» - 1:1
Gollar: A.Rahimov (63) – S.Arslonov (30).
1995 yil
«Paxtakor» - «Navbahor» - 1:2
Gollar: A.Ma’rufaliyev (17) – O.SHaskix (31), Z.Musaboyev (87).
1996 yil
«Paxtakor» - «Navbahor» - 3:1
Gollar: R.Bozorov (13,76), S.Xodiyev (81) – F.Magometov (82).
1997 yil
«Paxtakor» - «Navbahor» - 2:2
Gollar: A.Abduraimov (29-pen.), S.Morgulis (72) – O.SHaskix (01), Q.Abduqodirov (27).
1998 yil
«Paxtakor» - «Navbahor» - 2:0
Gollar: I.SHkvirin (4-pen.,62).
1999 yil
«Paxtakor» - «Navbahor» - 3:1
Gollar: A.Xvostunov (23), I.SHkvirin (42-pen.), A.Abduraimov (78) – L.Koshelev (43).
2000 yil
«Paxtakor» - «Navbahor» - 2:1
Gollar: I.SHkvirin (13), V.Baranov (21) – L.Koshelev (19).
2001 yil
«Paxtakor» - «Navbahor» - 2:1
Gollar: V.Lyutiy (31), L.Koshelev (72) – V.Kotelnikov (67).
2002 yil
«Paxtakor» - «Navbahor» - 5:1
Gollar: N.Quttiboyev (6), L.Koshelev (10), V.Kiryan (59), G.Gochkuliyev (71), V.Kotelnikov (75) – SH.Mirxoldirshoyev (65).
2003 yil
«Paxtakor» - «Navbahor» - 1:0
Gol: M.Bikmayev (75).
2004 yil
«Paxtakor» - «Navbahor» - 3:0
Gollar: L.Koshelev (12), Z.Tojiyev (45+1,69).
2005 yil
«Paxtakor» - «Navbahor» - 2:0
Gollar: A.Geynrix (61), L.Koshelev (84).
2006 yil
«Paxtakor» - «Navbahor» - 3:0
Gollar: Z.Tojiyev (45), S.Jeparov (45+1-pen.), A.Soliyev (48).
2007 yil
«Paxtakor» - «Navbahor» - 2:0
Gollar: S.Jeparov (3), A.Soliyev (5).
2008 yil
«Paxtakor» - «Navbahor» - 3:0
Gollar: A.Geynrix (64-pen.), S.Abdullayev (82), O.Ahmedov (90+2).
2009 yil
«Paxtakor» - «Navbahor» - 7:0
Gollar: A.Geynrix (4,42,48), O.Ahmedov (24,62), G‘.O‘runov (66), F.Tojiyev (75-pen.).
2010 yil
«Paxtakor» - «Navbahor» - 3:1
Gollar: D.Usmonov (45-avtogol), A.Geynrix (48,60) - A.Abdullayev (74).
2011 yil
«Paxtakor» - «Navbahor» - 2:1
Gollar: T.Abduxoliqov (28), D.Savich (35) – O.Valijonov (31).
2012 yil
«Paxtakor» - «Navbahor» - 2:1
Gollar: V.Kozak (14), K.Maxaradze (77-pen.) – I.Boydedayev (90).
2013 yil
«Paxtakor» - «Navbahor» - 2:0
Gollar: I.Sergeev (20), J.Oganesyan (37).
2014 yil
«Paxtakor» - «Navbahor» - 2:1
Gollar: I.Sergeev (5), B.Miladinovich (90+4-pen.) – B.YOqubov (10).
2015 yil
«Paxtakor» - «Navbahor» - 1:0
Gol: S. Andreev (83)
2016 yil
«Paxtakor» - «Navbahor» - 3:0
Gol: Igor Sergeev (36), Igor Golban (59)av, Igor Sergeev (62)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
