Toshkentdagi "Bunyodkor" stadioni anjumanlar zalida "Futbol do‘stlik uchun" loyihasi ishchi guruhi vakillari bilan matbuot anjumani bo‘lib o‘tdi.
FIFA va futbol bo‘yicha 2018 yilgi Jahon chempionatining rasmiy hamkori — “Gazprom” kompaniyasining “Futbol do‘stlik uchun” xalqaro bolalar loyihasi shu yil 26 iyun kunidan boshlab 3 iyul kunigacha Sankt-Peterburgda (Rossiya) bo‘lib o‘tadigan beshinchi mavsumi start olganini e’lon qilgani haqida xabar berilgandi.
4 may kuni “Futbol do‘stlik uchun” tashkiliy qo‘mitasining ishchi guruhi Toshkentga tashrif buyurdi. Bugun esa, “Bunyodkor” stadionining anjumanlar zalida loyiha vakillari va loyiha ishchi guruhi ishtirokida matbuot anjumani bo‘lib o‘tdi. Unda loyiha vakillari, ishchi guruh, jumladan loyiha bosh direktori Amina Konurbayeva, loyiha matbut markazi rahbari Anastasiya Lyalkina, O‘FF texnik direktori Shavkat Imomov va bo‘lajak loyihada ishtirok etadigan yosh darvozabon Ilyos Ahmedov qatnashdi.
Loyiha ishchi guruhi rahbari va O‘FF texnik direktori Shavkat Imomov O‘zbekiston ham endilikda ushbu loyiha ishtirokchisiga aylangani katta yutuq ekanini ta’kidladi: “Bizning ushbu loyiha ishtirokchisiga aylanganimiz katta yutuq. Ushbu loyihada bizdan darvozabon ishtirok etishi qur’aga ko‘ra ma’lum bo‘lgach, biz butun O‘zbekistondan ushbu ampluada eng yaxshilarini aniqladik. Maxsus ishchi guruhi tuzildi va barcha mintaqalardan eng yaxshilarni aniqlash uchun o‘ziga xos kichik imtihon o‘tkazdik. Ekspertlar barcha mintaqalardan eng yaxshi darvozabonlarni aniqlashdi va ulardan yetti nafarini final bosqichi uchun Toshkentga taklif qildik. Yakuniy bosqichda maxsus ishchi guruhi yosh darvozabonlarni ingliz tilidan bilimlarini sinab ko‘rdi. Shuningdek, maxsus matbuot anjumani o‘tkazildi va u ingliz tilida olib borildi. Yakunda, barcha imtihonlarni muvaffaqiyatli topshirgan Lokomotiv futbol klubi akademiyasi tarbiyalanuvchisi Ilyos Ahmedov g‘olib deb topildi va aynan u loyihada O‘zbekiston nomidan ishtirok etadi”.
“Futbol do‘stlik uchun loyihasi” Markaziy Osiyo hamda Kavkazbo‘yi mamlakatlari bo‘yicha bosh direktori Amina Konurbayeva loyiha haqida o‘z fikrini bildirdi va bu loyiha bolalar futbolini rivojlantirish uchun katta qadam ekanini aytdi: “Ushbu loyihaga befarq emasligingizdan xursandmiz. O‘zbekiston ham endilikda, mazkur loyiha ishtirokchisi va a’zosi. O‘zbekiston ushbu loyihada ilk bor qatnashadi. Buni anchadan beri rejalashtirayotgan edik. Umuman olganda, O‘zbekistonda bolalar futboliga berilayotgan e’tibor yuqori darajada ekanligidan xursandman. Tanlovda juda ko‘p iste’dodlar ishtirok etdi va bu mamlakatda bolalar futboliga e’tibor juda yuqori ekanligiga isbotdir. Avvalroq, loyihaga global qur’a tashlandi va unda O‘zbekistondan darvozabon ishtirok etishi ma’lum bo‘ldi. Ushbu loyiha orqali do‘stlik, faxr, teng huquqlilik va baxt kabi fazilatlarni dunyoga yoishni reja qilganmiz. Loyihada 64ta davlatdan 8ta jamoa ishtirok etadi. O‘zbekistonlik futbolchi “Yashil do‘stlik” jamoasida AQSH, Finlyandiya, Serbiya, Yaponiya va Norvegiyadan tashrif buyurgan futbolchilar bilan bir jamoada ishtirok etadi. Ta’kidlash joiz, futbolchilar ushbu loyiha orqali bir qator boshqa mamlakatdan tashrif buyurgan futbolchilar bilan do‘stlashish, fikr almashish, shuningdek, dunyoga mashhur futbol yulduzlari bilan tanishish imkoniga ega bo‘lishadi. Bu esa, har qanday yosh futbolchining orzusidir”.
Anastasiya Lyalkina (Loyiha matbuot markazi rahbari): “Avvalo, tashkiliy masalalarda bizga juda katta yordam bergan O‘FFga rahmat. Loyihada birinchi marta ishtirok etayotgani va bu borada biroz tajriba yo‘qligiga qaramay, tashkiliy masalalar yaxshi saviyada ekanligi xursand qilmoqda. Ilyos Ahmedov bilan gaplashdim. U juda shijoatli va quvnoq bola. Umid qilamanki, u O‘zbekiston nomini munosib himoya qiladi”.
Ilyos Ahmedov: “Iloji boricha ko‘proq tajriba orttirishni va boshqa mamlakatdan keladigan futbolchilar bilan do‘stlashishni istayman. Ular bilan futbol o‘ynash va o‘zimni ko‘rsatishni istayman. Bu loyihada ishtirok etish ajoyib bo‘lsa kerak. U yerda munosib o‘ynashni maqsad qilganman”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
