Ozarbayjon poytaxtida davom etayotgan IV “Islom birdamlik o‘yinlari”ning 3-kuni delegasiyamiz a’zolari 4 ta oltin, 3 ta kumush, 6 ta bronza jami 13 ta medal qo‘lga kiritishdi. Xabar berib o‘tganimizdek, bir kun avval sportchilarimiz tomonidan 8 ta medal jamg‘arilgandi. Demak, dastlabki 3 kun natijasiga ko‘ra O‘zbekiston delegasiyasi a’zolari umumiy 21 ta medal bilan Ozarbayjon va Turkiya terma jamoalaridan so‘ng kuchli uchlikka kirib olishdi.
Karatechimiz Sadriddin Saymatovdan so‘ng delegasiyamiz hisobiga ikkinchi oltinni dzyudo bo‘yicha ayollar o‘rtasida -70 kg. vazn toifasida kurash olib borgan Gulnoza Matniyozova keltirdi. Gulnoza hal qiluvchi final jangida turkiyalik Sukran Bakachak ustidan zafar quchib shohsupaning eng yuqorisidan o‘rin egalladi.
Shundan so‘ng badiiy gimnastikachi qizlarimizning benefisi boshlandi. Yakkalik bahslari yakuniga ko‘ra Anastasiya Serdyukova va Sabina Tashkenbayevalar koptok, xalqa, bulava va lenta bo‘yicha o‘tkazilgan finallarning barchasida sovrindorlar orasiga kira olishdi.
Jumladan Serdyukova bulavada bajarilgan mashqlar yakuniga ko‘ra eng yaxshi natijani qayd etdi va delegasiyamiz hisobiga uchinchi oltin medalni taqdim etdi. Anastasiya shuningdek xalqa va koptokda bajarilgan mashqlarda ham muvaffaqiyatli ishtirok etib ikkita kumush medaliga sazovor bo‘ldi.
Sabina Tashkenbayeva esa bulava va lentada o‘tkazilgan mashqlarda sovrindorlar safidan joy oldi. Hamyurtimiz har ikkala yo‘nalishda bronza medallariga ega chiqdi.
To‘rtinchi va beshinchi oltinni para-dzyudochilarimiz keltirishdi. Vazni 90 kilogrammgacha bo‘lgan polvonlar bahsida Shuhrat Boboyev finalga qadar barcha raqiblarini taslim etib, hal qiluvchi bahsda mezbonlar vakili R. Safarovning ham kuragini yerga tekkizdi va oltin medalga sazovor bo‘ldi.
100 kilogrammdan yuqori vaznga ega polvonlar bellashuvida esa Shirin Sharipov Bokuda beshinchi marta madhiyamiz yangrashiga sababchi bo‘ldi. U finalda eronlik Musanejotkarm ustidan g‘alaba qozonib, delegasiyamiz hisobiga beshinchi oltin medalni qo‘shib qo‘ydi. Yana bir para-dzyudochimiz Feruz Sayidov esa final jangida ozarbayjonlik N. Talibovga imkoniyatni boy berib kumush medal bilan cheklandi. Ammo shunga qaramay Feruz musobaqani yuqori saviyada o‘tkazganligini tan olish lozim. Faqatgina hal qiluvchi bahsda unga biroz omad yetishmadi. Aks holda kechaning o‘zida oltinlarimiz soni 6 taga yetishi turgan gap edi.
Shuningdek, og‘ir atletika bo‘yicha xotin-qizlar o‘rtasida 58 kg. vazn toifasida ishtirok etgan Muattar Nabiyeva, dzyudo bo‘yicha 81 kg. vazn toifasida kurash olib borgan Davlatbek Bobonov va 100 kg ziyod polvonlar bahsida Bekmurod Oltiboyev, karate bo‘yicha 84 kg. vaznli sportchilar bellashuvida Abdulaziz Atabayevlar bronza medaliga sazovor bo‘lishdi.
Demak ayni vaqtga qadar quyidagi sportchilarimiz IV “Islom birdamlik o‘yinlarida medallarga sazovor bo‘lishdi:
Sadriddin Saymatov – (karate, -60 kg.) - oltin
Gulnoza Matniyozova – (dyuzdo, -70 kg.) - oltin
Anastasiya Serdyukova (badiiy gimnastika) - oltin
Shuhrat Boboyev (para-dzyudo, -90 kg.) - oltin
Shirin Sharipov (para-dzyudo, +100 kg.) - oltin
Badiiy gimnastika (terma jamoa) - kumush
Anastasiya Serdyukova (badiiy gimnastika) - kumush (2 ta)
Feruz Sayidov (para-dzyudo, -73 kg.) - kumush
Saidxon Sayfuddinov (o‘q otish) - bronza
Sakina Mamedova (o‘q otish) - bronza
Diyorbek O‘rozboyev (dzyudo, -60 kg.) - bronza
Gulruh Rahimova (para-dzyudo, -70 kg.) - bronza
Dostonbek Otabolayev (karate, 75 kg.) - bronza
Barno Mirzayeva (karate, -61 kg.) - bronza
Abdulaziz Atabayev (karate, -84 kg.) - bronza
Sabina Tashkenbayeva (badiiy gimnastika) - bronza (2 ta)
Muattar Nabiyeva (og‘ir atletika, -58 kg.) - bronza
Davlatbek Bobonov (dzyudo, -81 kg.) - bronza
Bekmurod Oltiboyev (dzyudo, +100 kg.) - bronza
Har kuni musobaqalar tugagach O‘zbekiston delegasiyasi shtabida o‘ziga hos yig‘ilish o‘tkazilib, unda kun davomida muvaffaqiyatga erishgan sportchilarni delegasiyamiz nomidan O‘zbekiston Milliy olimpiya qo‘mitasi Bosh kotibi Oybek Kasimov qutlamoqda.
Bu ham o‘z navbatida sportchilar kuchiga kuch qo‘shishi, ularni yanada jipslashtirishi, qolaversa boshqa sportchilarimizga ham ma’naviy jihatdan stimul bo‘lib xizmat qilishi shubhasiz. Musobaqalar davom etadi.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
